غاليتي وحبيبتي وأختي و من أذكرها وأدعو لها بالخير دوما وأبدا
أول شي وش الأخبار ؟؟
صار لي من يومين أروح للموضوع السابق لكن ما ادري ليش تقفل !!!
كنت أحاتيج واااااااايد
وخايفة عليج
جني حاسة إن فيج شي
الشي الثاني
ما أبيج تقولين آنا ندمانة لأني حطيت الموضوع وأحس إني تسرعت وخليته !!\
احنا وين ؟؟
وعدج لنا وين ؟؟
احنا ما قلنا واتفقنا
إنج تكونين ويانا
تشكين لنا كل شي
ما يهمج من حجي هذا وذاك
انتي تقولين اللي بقلبج
سمعي من تبين تسمعين ومن اللي يقنعج ويقولج كلام صحيح
وما همج من اللي يضايقج أو يقول ف حقج شي ما يعجبج
الشي الثالث و الأهم
موضووع الحلم
حبووبتي الأحلام كثير منها تكوون اعتقادات الواحد يعتقد فيها مثل لما يكوون صاحي
ولاحظي شي مهم
انتي لما تفكرين في شغلة معينة تلاحظين رووحج تلقائيا تحلمين فيها !
طبعا مو كل شي تفكرين فيه
بس بعض الأشيا\
الحلم المزعج هذا عساه ما يتكرر ياااااااااااااارب
مثل ما فسر لكم الشيخ صلة الرحم !
عارفة |إن مالج ذنب بس شتسووين بعد
انتي بنفسج قلتيها >> حلـــم
شووفي أدري وآنا حاسة بهالشي
لما الواحد يحلم بحلم مزعج ويضايق
يتم يفكر فيه
غاليتي
أبد ما عجبتيني لما كلمتي زوجج وقلتي له لو تخون ربي بيفضحك
حبيبتي مهما نكوون معصبين ومتضايقين\
ما يصير نصب جام غضبنا على الأشخاص الآخرين
هم مالهم ذنب !
يعني احنا تونا نقول من قبل
احنا ف مرحلة اصلاح
مرحلة بناء الشخصية من جديد
مرحلة هدم الماضي
مدام تشوفي نفسج معصبة وااااايد
لاتكلمينه
انطري لما تهدين وعقب كلميه
بس ف نفس الوقت
عجبتيني ف شغلة حلوووة واشجعج عليها
لما فتح لج موضووع يضايقج وانتي بذكائج لفيتي السالفة
أحييج على هالشي وربي أسعدني هالتصرف منج يالغاالية
أيضا نتحجى عن أختج
انتي تحبينها وايد
وتغلينها
وما ترتاحين إل لما تشوفينها مرتاحة
وآنا أدري بهالشي
وعارفة إنج ما تكرهينها بس هذا الشي ردة فعل للحلم اللي يرادوج
بس مهما يكوون يا عمري
انتي لاحظي وفكري زين
اختج مثل ما تحبينها تحبج
و زوجج هم يحبج ويموت فيج
يعني مهما يكووون الموضوع هذا ابعديه عن بااالج
لا تقولين حلمت فيها وهو معاها وهاللون
لالالالالا
قوولي هذي خرابيط هذا حلم مزعج
هذا كابوس وعدى
هذا بس لأن زوجي ما يصل الرحم
اقنعي مخج واقتنعي
حبيبتي لو كل واحد حلمنا فيه حلم مو زين
وعلى أرض الواقع كرهناه أو تضايقنا منه
جان شفتي العالم كله يكره بعضه
عمري صابرة
حاسة ف شعوورج
ومقدرة اللي تمرين فيه
لكن ياقلبي
اصمدي
و خلج مثل ما قلنا ما يهزج شي
ولا حلم ولا غيره
حبيبتي أدري إنج قووية وأعرف إنج بتظلين صامدة على طوول
وأدري إنج متضايقة ف الوقت الحالي
بس معليش ياعمري
ربي بيفرجها
مثل ما فرجها من قبل
غاليتي وحبيبتي
نامي بالأذكار والقراءن
ودووم صلي ع النبي و ذكريه
وحطي تحت وسادتج قراءن صغير
وخلي ب شنطتج قراءن صغير
طلعي تفسحي
غيري جووو
كلمي زوجج عاااااادي ولا كأن شي صار ولا حلم ياج
اختج انظري لها بنظرة حب
ولا تخلين سالفة الحلم ترادوج
تتغلب عليج أبد
وأتمنى هالحلم ما ينعاااااااد لج أبد
وشووفي مرة ثانية ما أبيج تقولين ندمت لأني خليت موضووع
صج بزعل منج ترى
حطي اللي تبينه وقولي اللي تبينه
وشرحي كل اللي تبينه
احنا معاااااااج وبنظل ومعااااااااج
وأي شي يضايقج قووليه
ترى حتى لو ما قلتي
آنا أحس إنج زعلانة عسى ربي يبعد عنج الزعل والضيق
لي عوووووووووودة باعمري
ما بخليـــج أبد
ودي
__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )
التعديل الأخير تم بواسطة شيخة البنـــات ; 04-01-2011 الساعة 04:08 PM
04-01-2011, 01:36 PM
ضوابط المشاركة
العرض العادي
