احتاااج لورشه وسبااكه وسمكره قبل لايفوت الاوان
السلام عليكم ورحمه الله وبركااته
اخباااركم يااحلوات
الحقو علي يابنات ماعاد باقي فيني من معاني الانوثه الا اسمي
فقدت كل شي تزوجت حملت ولدت تسع شهور ورجعت حملت
كبرت 50 سنه احس اني مو انااا
اول شي اول ماتزوجت كاان شعري لنهايه ظهري كاان شي عجيب طوويل نااعم يلمع كثير
استشوره بالمناسبات الكبيره جداا دايم فاكته كاان منظره مره روعه
حملت كرهته ماعاد امشطه دايم لامته فوق اجلس يومين وانا مو قادره افكه مااعاد اطيقه
ودي احرقه ولا احلقه بغيت انجن كنت ابكي عند زوجي وامي عشان اقصه
ويوم شفتهم رافضين رحت المشغل وقصيته لحد كتوفي وحسيت كاان الهم راح مني
بعدها صاار بااهت وشكله عادي ولدت جلست ازيت فيه ولاطال ومن يومها وهو مااتحرك
رحت مشغل ثاني وقصيته وبرضوه ماطال
رحت لوحده من خالتي اذا قصت احد يطول شعره
وخليتها تقصه ولاطااال
الحين بعد كم شهر بولد وابي اهتم فيه من الحين ابي زيت ابيه يطول كرهت شكله كذا
وابي اصبغ لولدت بغير من خشتي
قريت عن زيت بنت البدر وزيوت السبعه وخرابيط واجد والسدر
انا حناء مابي عشان بصبغ افكر بالسدر
تكفون بنات انقذوني ابي اغير شكلي لاولدت
بشرتي صاايره سمراء وسواد تحت عيوني ماادري وش احط
فكرت بزيت زيتون ادهن فيه كل يوم لين مااولد وش رايكم انتم
ولا ليمون وجلسوليد
مستعده احط اي شي لاني ابي اتغير عجزت وانا توني
صرت استحي اشوف صديقاتي
ايه كنت احط دابر زمان ومره حلو بس ريحته تصرع القلب ومشكلته يوم ولدت بولدي ورحت اصبغ قالت دابر ماايخلي الصبغه تمسك ع الشعر
وانا مصره اصبغ هالمره
اي شي تعرفونه يظبط خشيشتي لاتبخلون علي
01-10-2011, 01:45 AM
ضوابط المشاركة
العرض الشجري