18-11-2011, 06:18 PM
|
المشاركة الأصلية كتبت بواسطة Beta2
يا أمي افهمي منه سبب رفضه تكملي دراستك
يمكن هو شايف وعارف انه البنت العاقلة بالنهاية بتلتزم بأولادها وبيتها لأنها ما تقبل انه أولادها يربوهم الشغالات ... بنتي خلصت هندسة كمبيوتر وكانت تشتغل بأكبر شركات الكمبيوتر ولما عرضوا عليها وظيفة مدير قسمها ما وافقت لأنه فيها سفر وما تليق ببنت .. الان صار عندها ولد ..اخذت اجازة بدون راتب سنة وناوية ما ترجع الشغل ,,, مو هاين عليها ترمي ولدها بالحضانة من عمر سنة البنت غير الولد مهما كابرنا وقلنا .. هو يكمل دراسته لأنه عليه مسؤوليات وانتي عندك مسؤوليات مختلفة .. لو جاك عريس يبيك تشتغلي عشان يكد عليك ويحملك مسؤولية البيت ولا يحط شي من راتبه بالبيت يكون أحسن ؟؟؟؟؟؟؟؟؟ وافق وتوكلي على الله والحمد لله جامعية ومو ناقصك شي .... عقبال ما تكوي غترته ودشداشته بعد  |
الدراسة مقبلة دعواتكم
18-11-2011, 06:36 PM
|
المشاركة الأصلية كتبت بواسطة الذوق نجدي
حبيبتي أنتي تستاهلين أسوي لك بسبوسة تهبل زي ردك الحلو ياعسسسل .. ردك ريحني كثيييير لكن القلق وش حله ... والله ياقلبي للحين هو خاطب فقط ولاأستطيع أن أفهم منه أي شئ فلايصلني إلا كلام أهله لأهلي فقط !! وهذا ماوصلني ... وربي يسهل ويعين ويكتب الخير والسعادة للجميع ... هههههه آمين يارب عساي اكويهن |
18-11-2011, 07:08 PM
|
المشاركة الأصلية كتبت بواسطة Beta2
عادي حبيبتي .. الخوف القلق لا بد منه ..
أتذكر بنتي لما خطبت ابتدا الخوف مع انها خطبت عن قناعة زميل لها عارفته وعارفها .. وكل ما اقترب وقت العرس يزيد الخوف .. وهذا تشوفيه عند البنت الواعية أكثر من البنت الصغيرة لأنه الصغيرة ما تدري عن الزواج غير الفستان والحفلة والحين بنتي الصغيرة يجيها خطاب واذا شافت الموضوع قرب على الجد تخاف ويزر عقلها هههه الله يعين .. طريق ولازم نمشية .. توكلي على الله وين البسبوسة |
الدراسة مقبلة دعواتكم
18-11-2011, 07:22 PM
يمكن صليت المغرب 3 مرات ههههههههه
18-11-2011, 07:33 PM
|
المشاركة الأصلية كتبت بواسطة Beta2
اعتذر لأني قاعدة كل شوي أغيب وفترة بين كل رد ورد .. عندي ضيوف . أقولهم رايحة أصلي عشان أجيك
يمكن صليت المغرب 3 مرات هههههههههاي نعم .. انتِ بعمر بنتي الصغيرة ربي يحفظكم لشبابكم أهم شيء يكون الرجل مالي عينك ومقتنعة بمواصفاته .. يكون صاحب دين بمعنى محافظ على صلاته ويخاف الله .. وإذا هو مقتنع فيك وقتها تختفي أي اعتبارات ثانية .. تقدري انتِ بذكائك تكسبيه وتتجاوزي أي عيوب فيه .. وصدقيني مافي شيء أهم من بيتك وزوجك تستثمري فيهم دراستك وذكائك وتجاربك مع الناس وخبرتك بالحياة .. وأكيد ما راح تكوني خسرانة لو ما اشتغلتي بشهادتك أو كملتي عليها لأنك استفدتي منهم لبيتك ومملكتك ... يعني الذكية والمتعلمة تستفيد من علمها لبيتها وزوجها أفيد لها من وظايف الدنيا كلها لأنه بيتك وزوجك هم وظيفتك من رب العالمين .. هو رئيسك بالعمل وهو اللي بيحاسب ويعطي الراتب .. وما أغلى سلعته سبحانه وما أجملها وما أروعها ..أجمل من كل وظايف الدنيا لي عودة لموضوعك بإذن الله |
الدراسة مقبلة دعواتكم
18-11-2011, 08:57 PM
18-11-2011, 09:07 PM
|
المشاركة الأصلية كتبت بواسطة معتزه بديني
حياك الله أختي
الله يسهل أمرك ادعي ربك يو اتزواج طفشوني اهلي بشي ما يهتمون بسال عن الخاطب او وضع شروط والحين طحت على وجهي وتطلقت وتعرفين ويش قالو ما توقعنها كذا بس عزاء اني كنت اسال الله وادعوه ولم أتكل على اهلي وسؤالهم السطحي |
الدراسة مقبلة دعواتكم
18-11-2011, 09:57 PM
|
المشاركة الأصلية كتبت بواسطة الذوق نجدي
ههههه تقبل الله طاعتكم ...
لا حبيبتي لاتعتذرين خذي وقتك وراحتك ,,,, أهم شئ أقرأ ردك ... ومشكورة على دعواتك الحلوة وربي يخلي لك بناتك وتشوفين أحفادهم .. وكلامك مية مية ولكني بصراحة لحد الآن مو قادرة أحدد قناعتي فيه وهل أنا مقتنعة فيه تماما أو لا لأن الدراسة مسيطرة على تفكيري ومتدخلة في قراري !!!! أقول كل التعب وكرف الليالي بدون مااكمل دراستي العليا ياحسافة الشقاء والسهر والاستذكار << هذا تفكيري في ساعات البلاهة ,,, لكن لما أرجع لعقلي أقول لا أهم شئ وظيفتي بالحياة .... وبعدين يجيني تضارب جديد أقول بعد مايبيني أدرس وبعد بسكن بمدينة غير مدينة أهلي ... كلها اجتمعت بصراحة ....... تعبتك معي وحستك لكن هذا ماافكر به بصراحة ... ربي يعين |
18-11-2011, 10:00 PM
|
المشاركة الأصلية كتبت بواسطة Beta2
خلينا بأول نقطة وأهم نقطة واللي لونتها بالأحمر ... اذا ما عندك مانع تقولي لنا مواصفاته يمكن لما نسوي عصف ذهني ولما تشوفي افكارك مكتوبة تصير أوضح ونقدر نوصل لقناعة
أعطيني مواصفاته وأنا أبيت لك استخارة الليلة وأعطيك رأيي باكر اعتقد إذا وصلتي لقناعة فيه راح تهون باقي النقاط |
الدراسة مقبلة دعواتكم
18-11-2011, 11:34 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
