صباح الخير ..‘
يااخيه اتمنى ان تجلسي مع نفسك جلسه مصارحه .. اتركي المنتدى وكلام الاعضاء وكل شئ ... وجلسي مع نفسك .. .. ايش وضعي الان ..؟ ايش موقفي من اللي حصل .؟ ايش راح اسوي لحاضري ومستقبلي ...؟ اشتكي الى الله وابكي بين يديه .. اجلسي مع نفسك فكري بعقلك لا بقلبك .. لاتفكري في طليقك فقط ولا في اطفالك فقط .. فكري في نفسك .. ليس بربطها بالماضي وتمجيدها بل ربطها بالحاضر والمستقبل .. الامر قد وقع استفيدي من خطاءه ومن اخطائك .. هل تتمني يرجع لك وهو لم يتغير ..؟ ام يرجع لك وقد ندم وتغير .؟ ياعزيزتي .. لاتلوميني على كلامي .. مره تصرحين بحبك له وتمني عودته .. ومره تكرهينه ولا تريدينه .. ومره تخبرينا ان نفسيتك ممتازه والحمد لله .. ومره نجدك تشكين من ظلمه لك وبكاءك على حالك .. كل هذا في اوقات متقاربه جدا جدا .. اذا نفسيتك غير مستقره ... بداخلك رفض تااااام للواقع .. رفض للطلاق ورفض حياتك مع والديك ... وقد تكتبين انت ِ غير مقتنعه او لايعكس حالك بشكل حقيقي .. عدم استقرار نفسيتك وعدم تحديد ماتريدين بالضبط .. انعكس حتى على ردك على بعض الاعضاء اذا لم يوافق مايكتبونه هواك ِ..! لك الذوق ولهم قلة الذوق .. لك رفعة الخلق ولهم دونيتها ..! ماوافق هواك رفعو سابع سما ومن خالف خسف بهم سابع ارض..! بدل ان تكسبينهم تكادي ان تخسرينهم على تعليق منهم لا يستحق منك كل هذا .. ياحبيبتي انا لن استفيد ان مدحك او حتى ذممتك .. ولااعرفك ولا تعرفيني حتى استقصدك ... لكن انا ارأف بحالك .. فتحتي صفحه في مساحه فكر اكتبي فيها ماتشاءين بصدق وابتعدي عن تكرار المواضيع المفتوحه لك .. لان الفائده لك اولا واخيرا ... لاتشغلي نفسك في تلميع صورتك في المنتدى وتبرير بعض المواقف .. لانه عالم افتراضي وليس واقعي .. انظري للاهم ثم المهم اذا صَلَح الاهم صلح المهم.. اسال الله ان يهديك ويشرح صدرك ويفرج همك .. |
أختي نوآره أعيد وأكرر أنه لايرمى إلا الشجر المثمر وكل منا لديه هموم ومشاكل وضيق بالصدر فكل واحد لابد يكون له
صديق قريب أخ اخت أم أب عزيز قريب يفضفض له صعب الواحد يكتم نفسه هكذا تعودنا وهذا مو معناته اني فضفضت ابي الناس ترحمني لا هذا رد لبعض الأعضاء الذين يرون أنها مذله بل هذا تفريغ مافي النفس لواحد عزيز عليك أنا اقول لك أختي نوآره متى ماأردتي ان تفضفضي فلا عليك سوى فتح موضوع والمنتدى لك وللجميع ونحن نشارك الواحد فكل منى يساعد الأخر ويواسي الأخر واللي مو عاجبه ماحد اجبره يفتح الموضوع ويناقش اتعبت يدك وفكرك على ردك وجرحت الشخص الأخر إلا إذا طلب منك النصح من استشارك فقد دخل ذمتك قدم له النصح بالشيء الذي تراه منصف قدر المستطاع وأكرر وأقول نحن هنا مثل الأخوه وأحييك أختي نوآره وتأكدي أنني متابع مواضيعك بشده ولا تحرمينا جديدك وإبداعك .....شااااب |
على مهلك على مهلك
يااختي تراك وانت تكتبين ماتحسين بنفسسسك مندفعه بكلمااتك الجآرحه ومتباهيه بقوة شخصيتك والفاظك القاسيه تجبرين نواره على المحافظه على نمط معين لنفسيتها وكانك موكله بهآ ماتواجدت انا وهي وكل عضو وعضوه بالمنتدى الا عششان نوقف وقفه صادقه مع بعض انتي مواول مره تستخدمين هالاسلوب حتى معاااي اسلوبك جدآ سيئ ومع احترامي الشديد ماعندك ذوق ولامراعاه لنفسيه العضوات انتي مطلقه وتحررتي وعشتي حياتك على كلامك من احد الردود وانك ماتسمحين لشي يكدر خاطرك ولو اقسم انك ضعيفه من داخلك وشخصيتك مهزوزه ماعندك الا احنا مستضعفات ونصرح بالي بخاطرنا وانتي قاعده تقوين من نفسك على حسابنا تتخيلين ان هالكلآم ينقال لك وتطبقينه ترى خلآص تعبنا من هالعيناااات تعبنا بجد لاانتي ملزومه تتابعين نفسيه نواره ولا انتي ملزومه تدخلين مواضيعها المتناقضه وانا عن نواره باتكلم ارتاااحي وريحي نفسك .. صدقيني لولا اني مااستشعرت من مضايقتك لنواره ورب البيت ماكان رديت عليك وانتي عارفه اني كنت اتقبل كلامك واسكت ولاحسستك اني مسيئه معاااي .. اما الي بيتحكم فينا ويجبرنا نكون على هواه فنقول له استريييح ترانا بشششششششششششششششششر بالاول والاخير تحكمنا عواطفنا ومشاعرنا .. بتقولين انا اقول تكتب مواضيع وهي مستقره نفسيا بقلك ..!! ليه المنتدى هذا موجود وفيه مستشارين ومستشارات على مستوى من العلم عشان اذا صرت رايقه واضحك ومبسوطه ادخل انكت هنا واطلع والا اذا صرت في ضيقه او حاله احباط من وضع انحطيت فيه بدون رغبه مني ويكون الكل متواجد لمساعدتي والوقوف بجانبي اتمنى انك تراجعين نفسسسك زين وتتجنبين التجريح في خلق الله واعتبريها نصيحه من وحده تضايقت في يوم من الايام من اسسسسلوبك : |
اختي تناهيد .. وانا اقول على هونك على هونك ماارح انتاقش معك عن نواره لان الامر بيني وبينها ولاابغى ارجع اتكلم عنها من خلال ردي على كلامك .. لكن بعقب عني وعنك .. اولا انا مارديت على مواضيعك الا مره او مرتين بالكثير .. وصرت ماادخل مواضيعك ابد لاني على يقين انك ماراح تتقبلين كلامي ... مع انه ماراح يكون اقسى من رد اختي نوراتي عليك وتركتك بحالك وهنا انتي اللي جيتي وصح كلامك انا عايشه حياتي ومعتزه بنفسي ولاعمري عشت دور الانسانه الضعيفه .. ولاتحلفي على امر يخصني وانتي ماتعرفيني حق المعرفه لااستقوي عليكم ولا شئ .. ولو بنيتي هالشئ كان ياتناهيد استقعدت لك بكل مواضيعك وبكل رد وليش استقوى اصلا وش الفايده المرجوه لكن انتي راضيه بضعفك وتحبي تعيشيه .. واذا على اخر سطورك هاذي قناعتك .. ولغيرك قناعات .. ولي قناعه تشبه قناعتك لكن بشكل مختلف .. بصراحه احس اني قاعده انفخ بقربه مفقوعه انا بشرق وانتي بغرب لكن عادي هكذا طبيعة البشر .. |
ايه صح ماصرتي تدخلين لمواضيعي لانك اول مادخلتي ماتكلمتي عني او عن طليقي
او حتى بالمشكله كل الي قلتيه وش دراك ان اخو الي اخذها طليقي يكون السبب يعني دخلتي باتجااااه معاكس وبقوه انا حطيت الموضوع وشرحت الطريقه الي خطبها وتعرف فيها عليها وانتي ماشاء الله قاعده تحامين عنها وعن اخوها ذكرت لك السبب في الموضوع ( حتى لاتقعي في مظلمه ) لادفاع ولا يحزنون ولو هدفي دفاع ماكان سالتك من اصله .. ولما رديت عليك الرد المنطقي والصحيح رجعتي تلعبين عل حبل خلي عندك ثقه في نفسسك الله اكبر صرت العب على الحبل وانا مدري صدق المثل اللي يقول خير تعمل شر تلقى . خل بنفسك ثقه من كثر ماتقارنين نفسك فيها من كثر ماتفكرين فيه وفيهم وكلامي موجديد عليك وقلت لك ثقي بنفسك ( يعني لاتفكري انهاافضل منك لا شكلا ولا اخلاقا ) ولاتشغلي بالك فيهم وهالكلام اتكرر عليك مو مني بس . وكل كلامي نيتي فيه مثل ماقالت اختي سيدة الموقف نبيك تتغيرين للافضل نبي لك الخير .. صرت ادافع والعب > شر البلية مايضحك .. انسحابك يعني اعترافك الحقيقي بان فيه مشكله في ردودك يمكن ماتقدرين تسيطرين عليها وهذا افضل حل |
أنا آسفة .. جلست أبكي من كلامك .. بس وربي كنتي قاسية وتتطنزين بقوة ..
اول مرة احاول ارد برد اصغر فيه عقلي او يمكن ثاني مرة .. وربي حتى مسحته لكن وزني الشيطان ورجعت كتبته .. لاني مليت .. بعض العضوات بالذات يغلطو كثير قلت لازم ادافع عن نفسي .. وربي آسفة وهاتي بوسة ياخيتي .. ولاتكوني مرة واضحة وصريحة مو حلو .. قيسي الكلام على نفسك قبل تحكيه للناس .. مرة قوي قوي كلامك وكله طنازة .. أنا احبك بعد .. ياعومري .. طيب ليش ماعندك اطفالك ؟ وايش حياتك احكي لي أنا احب اسمع .. واحس بغيري .. اتسلى واتصبر بغيري .. واوعدك اليوم صايمة انا .. وبادعي لك من قلبي .. يابنت انا من الصدمة اشكي للشغالات .. للاطفال .. لكل من يقابلني .. ادعي لي بالثبات .. + هذي هدية اعتذار / أممم .. فيهم بالأول / شوكلت .. والثاني مجموعه عطور مع الجل شاور واللوشون .. والكبير اللي تحت فيه كتب وروايات .. وآخر شي الكارد فيه كلام / اختك اللي تموت فيك / نوارة .. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|