امين يارب

لا لا طبعا اكيد مابي احد يعرف انه انا ورا هالبلاغ ولو على كذا كان من اول مكفوش

انا ماعندي مانع لو اجرب اي حل واي فكره اهم شي بسريه بس يتم الموضوع
وشكرا عالاقتراح

الصراحه ياخووي ماتقصر على ماتفعل بس شي مخوفني اذا درى انه انت الي مبلغ يمكن يسببلك مصيبه بعدين يعني يرميك او شي اخر الله يكفيك شره ياارب البعيد عن الله الشيطان معه مانستغرب حاول اننننه مايدري انه انت السبب فيه

ان شاء الله قد ماقدر مايدري انه من طرفي , وبيني وبينك حتى لاسمح الله درا بيوم ماهمني لان الي سويته شي يرضي الله ويرضي ديني وفيها اعراض ناس وممكن وحده تفقد بكارتها بها المكان ..؟

واخوي عرف بالموضوع شافني يوم كنت مع رجال الهيئه بالسياره وقلتله عالموضوع كامل
وقلي احسن ماسويت لان حتى انا بغيت اضعف بيوم والسبب

(( اتصل هالشاب على اخوي بيوم عالساعه 4 الليل وقله ضروري محتاج سيارتك او توصل بنت عندي بالغرفه واخوي الله يهديه يقول خفت ايش صار وايش سوا من مصيبه في بنت الناس ومن هالكلام وقال خلها تنزل اوصلها طيب , ويوم نزلت وركبت مع اخوي يوصلها قالتله كلم فلان انه يرسلي مبلغ كل شهر لاني حامله منه وانا متزوجه وزوجي كبير بالسن وانا متاكده اني حملت من فلان وانصح فيه , يقول اخوي يوم سمعت هالسالفه يقول والله مادريت عن نفسي من صدمتها وصرت امشي وانا مدري وين اروح لين وصلتلها بيتها ورجعت لفلان وكلمته حرام الي تسويه ويرضيك مايرضيك وليه ومن هالكلام,, قاله الادمي انا مافكرت ولابوحده فيهم لو تموت او تمرض انا كل الي علي اخذ غرضي وتنقلع ))

من بعدها اخوي مسح رقمه ويقول انخميت فيه وحسبته عنده شوية احساس ولاعاد يكلمه غير سلام وبس

وزي هذي الاشكال والله حلال فيهم الفضيحه

السلام عليكم ,,
والله شي يقهر ,لكن اسمح لي اتكلم بصراحه شوي,, انا ضد فكرة انك بلغت الهيئه ,لان الموضوع ممكن يطلع عن السيطرة ويصير خراب بيوت وتدمير مستقبل سواء للشاب او البنت , طبعا اذا كان الهدف هداية هذا الشاب فالافضل انك تبدا معاه شخصيا وممكن تكون هدايته على يدك واذا تحس انك ماراح تعرف تكلمه باسلوب مقنع فحاول تكلم شخص من اصحاب العقول النيرة والاسلوب المقنع وخليه يوصله باي طريقة .
ومن ناحيه ثانيه , الشباب في مثل هذا السن معرضين للفتن اللي محاصرتهم من كل ناحيه فالمفروض انك ماتقاطعه وبالعكس تقرب منه وحاول تاثر عليه . يعني ماهي شقة دعاره والعياذبالله عشان تخلي الهيئه تداهمهم .
واذا حبيت باعطيك فكره تبدا فيها , حاول تكلمه وتقوله انك لاحظت سيارة للهيئه عند بيتكم وان احتمال يكون عندهم خبر عنك , فبالطريقه هذي انت خوفته وعرفته انك تعرف عن موضوعه وممكن يكون بدايه بينكم تقدر تناقشه وتقوله كلمتين يمكن تخليه يتوب .
ربي يوفقك للخير ويهديك ويسعدك والمسلمين جميع.

ياخوي مافاد لاكلام ولانصح واتجرء انه يعزم الشباب بغرفته وهذا مو اي منكر حتى نستهين فيه هذي هتك اعراض ,, والذي لااله الاهو لحد الان مايقل عن 20 وحده شايفهم بعيوني طالعين لعنده وماخفي كان اعظم
هذي بس الي اشوفهم بالصدف وانا نازل وانا طالع
واذا خايف على خراب بيوتهم وتدمير المستقبل, محد ضربه على يده بها الطريق , والبنات الي اهاليهم غافلين عنهم خلهم يدرون ويعرفو كيف يتصرفو مع بناتهم, وهنا يجي دور الهيئة تتعامل مع الموضوع بسريه مع اهل الشاب واهل البنت مافيه فضايح للعلن
لمتى الواحد يسكت عالفتن ولمتى الواحد يقول نفسي نفسي ,, وياليته منكر بينه وبين ربه وساتر نفسه الا يفتخر بها الشي والصغير قبل الكبير يدري عنه
وانت ماتخيلت المنظر لما تنزل البنت وتطلع للعماره وتتخيلها زوجتك او اختك او احد من اهلك حتى تحس بمعنى احساس الغيرة الي تصيب المسلم,, واهاليهم غافلين عنهم على بالهم رايحين محل او مدرسه او او او ,, وكلنا نغلط وننجرف بس اذا ماكان فيه خوف من رب العالمين , خله ياخذ جزائه هو واشكاله
لعل وعسى فضيحتهم سبب في توبتهم

اخي الكريم , اقدر حرقتك وغيرتك على بنات المسلمين , وانا صدقني انا لا استهين بالمشكله , ولكن اسأل نفسك اولا , هل هدفك تعاقبهم ام الهدف الاصلاح ؟ والدين النصيحه .
ثانيا , لا يجوز لك ان تراقبه في بيته من سطح بيتك لانه من التجسس والله اعلم .
ثالثا , انت تزعم انه يفعل مايفعل ولاتستطيع الجزم , كما تقول انك تشوف البنات ينزلوا من سياره ويطلعوا عنده , فالرجل لم يجاهر بمعصيه .
فكل القصه شكوك وليست يقين , وصدقني انا معاك ولست ضدك ولكن في مثل هذه الامور يجب تحكيم العقل وليس العواطف فالموضوع يمس الشرف والتشهير وهذا ليس بهين .
حفظك الله والمسلمين جميع ,,

سؤال: انت قريت الموضوع كامل ولا مقتطفات فقط...!!

الشاب اقولك يناديني لفعل الفاحشه يقولي جايين عندي كم بنت واذا حاب تجي اهلا وسهلا وانا علاقتي معاه سطحية مجرد جار لنا ,,

ويشهر بنفسه امامنا ويفصلنا بخلال تجمع الشباب ايش سوا وردة فعل البنت كيف كانت واغوا على يده كم شخص من الي متجمعين معنا وذهبو معه الى الشقه يفعلو الزنا والعياذ بالله

وانا ايش دخلني اسئل نفسي هدفي الاصلاح ولا هدفي اعاقبهم...!!
في من يحاسبنا ويقيمنا وهو الهدف الوحيد لكل مؤمن

بس انا محاسب امام ربي بمنكر ولم ابلغ عنه ,, والهيئة جهة اختصاصية للامر بالمعروف والنهي عن المنكر ,, وهذا واجبي كمسلم اترك الامر لجهة الاختصاص ماجيت اشهر فيه امام الخلق انا جيت استشير هنا لان محد يعرفني ولا اعرفه وهالمواضيع مابي ابوحها للخلق استر الشاب واترك الامر لجهة الاختصاص

وتمت المراقبة بوجود الهيئة لكي اثبت لهم انه هذا هو الشخص وهذي هم البنتين من خلال الاتصال , ان شاء الله وضحتلك المعلومه
وعلى فكره ((من راقب الناس مات هما)) وانا ماراقب لغرض التجسس انا شفت منكر وعشان لاظلمه واسيئ الظن تاكدت بنفسي مره ومرتين وثلاث لحد اخر مره وبلغت الهيئة الشي هذا ماينسكت عنه



وبالنسبة للنقطة الثالثه : يجون البنات لعنده لشرب الشاهي او القهوه مثلا ..!! وييوم يفتخر بافعاله امامنا ويعزم فلان وعلان بحكم انه انا محد قدي تعال ابسطك هذي ستر...!!

وتحكيم العقل بردي للاخت لمار عندما ذكرت لها موقف من مواقف اخوي معه ان البنت تشتكي منه بانها حامله منه تحكيم للعواطف مثلا...!!

وجزاك الله خير على ردك وهذي وجهة نظرك بمنكر يحصل امامك وهذا تعاملك للموضوع حرية شخصية
وهذي وجهة نظري وفعلت بما اراه صواب
والله يهدينا ويهدي الجميع ويستر علينا وعلى جميع المسلمين

جزاك الله خير وكثر من أمثالك

وأكتفي في تأيدك بحديث الرسول عليه الصلاة والسلام(من رأى منكم منكر فليغيره بيده,,فأن لم يستطع فبلسانه,,فأن لم يستطع
فبقلبه وذلك أضعف الأيمان)

وهذا أي منكر!منكر فيه هتك أعراض وانتهاك لمحارم الله...فضلا عن شناعة جريمة الزنا وعواقبها..

الله يكثر من آمثاالك ،، ويستر على بناات المسلمين ،، ويهديه ويهدي الجمييييع

__________________

اخي الكريم , التجسس اللي اقصده هو وقت ما كنت تراقبه من سطوح بيتكم وهو في بيته . اما التشهير ليس بذكر الموضوع هنا ولكن اقصد بتبليغ الهيئه . واما ما تزعم انه حصل فكلها مبنيه على كلام وقصص حتى ولو كانت منه شخصيا فبعض الشباب يتفاخر بقصص كلها كذب .
والواجب منك عندما كان يسرد لكم قصصه مع البنات ان تنكر عليه وقتها وامام الشباب وتنصحه واذا لم ينتصح منك هدده بتبليغ الهيئه او كلم احد من اهله واذا استمر واصر بلغ الهيئه .
هذا اجتهادي وجزاك الله خيرا على اجتهادك .