اهلا اخوي

والله شوف ياخوي انا مستغرب منك شلون وافقت على وحده ما شفتها؟؟؟؟

وبالنسبه لعمك ياخي هذي نضرة شرعيه والرسول وصى فيها شلون يرفضها ؟ ما درس هو ولا شلون

وانت ماخذ على سنت الله ورسوله مو من حقو اصلا يمنعك ولا احد يقدر يمنعك حتى زوجتكـ ما تقدر تمنعك دامها وفقت عليك ....
وانت هدي اعصابك وكل شي يجي بالسياسه .
حدد وروح لعمك البيت وخذ لك هديه كذا حلوه عوده فخمه له <<<<< هذي مجربه
وحاول تفهم عمك انه لازم تشوف زوجتك وتجلس معها وتسولف وتاخذ وتعطي لا تستحي انت رجال وهذا من ابسط حقوقكـ .. ولا ليش متزوج ؟؟؟
وزوجتك كما اتوقع انها بسن مراهقه .. وتسمع من صحباتها اثقلي. طنشي. ح يجيك هههههه من هالسواليف عادل البنات ما يحتاج بهالسواليف لو وحده من صحباتهم جاها معرس يعبون راسها ...
انت خلك هادي جدا جدا جدا مثل الثلج ...
....
وحاول انك تشتري لها هديه فخمه ... وترسلها مع اخوها وقولها عطها فلانه ... واكتب لها مع الهديه ورقه انك اشتقت لها وما تشوف بهالدنيا غيرها وا وا ... ترا يحبون هالكلام ...
او ارسل لها كتاب تقراء فيه او شريط تسمعو عن الحياة الزوجيه ...

...
واسالله الله ان يهديها لك

احكي لك قصة احد الاخوة
خطب ويظهر انه راها بالنظرة ولكنهم طلبوا ان يكون عقد القران قبل الزواج بيوم بحجة انها مبتعثه في امريكا
فرح الشاب ان ستفتح له فرصه لاكمال دراسته معها في امريكا واناظر تحديد الزواج وقبله بيوم عقد قرانه عليها
في يوم الدخلة اكتشف انها مصابه بالمس ومن سنوات عديدة تورط خلاص وطلع مسألة امريكا خرابيط مايبون يملكونه بدري عشان مايعرف وهي لا كانت في الخارج ولاشيء مسفرينها مدري فين يعالجونها بعدها الرجل تحمل وجلس يعالجها لانها خلاص اصبحت زوجته وبعد فترة تعبت اكثر فقالوا له اهلها طلقها افضل عشان نعالجها قالهم انا بعالجها قالوا لا لازم تتطلق عشان المس اللي بها الله يفرجها عليها المهم طلقها الرجل وهو مرغم وبعد فترة من العدة كلم والدها وقاله انا رجعت فلانه وادها قال طيب خلاص بعد شهرين ذهب بها والدها للمحكمة لاستخراج صك الطلاق من دون اخبار الزوج وبعد فترة من استخراج الصك زوجوها بشخص اخر
شوف بس قمة الظلم اللي انظلمه من اول ومن الاخير بعد

الشاهد من هذه القصة كلها
لازم تتأكد من السبب من عدم السماح لك برؤيتها والحديث اليها مستعجلين على العقد ويوم تم العقد مافي تشوفني ومافي تكلمني خييييييير
وش السالفه السالفه ياخوي فيها ان وانت لازم تكتشف الامر قبل لا تتصرف بالطلاق او الزواج

هذه نصيحه لك ولك حرية الخيار

__________________
باااركوا لي :14:
حققت حلمي وامنيتي بفضل من الله ومنة فالحمد له حمداً يليق بجلال وجهه وعظيم سلطانه
اللهم لاتكلني الى نفسي طرفة عين فأعجز ولا الى احد من خلقك فأضيع

اشكركم واشكر اختي غصة فراق على ردها الجميل

واشكر اختي ملائكيه على ردها الجمل

وتفهمكم للموضوع\

اخواني الي شفتته شي غريب

بالله يا غصه و ملائكيه

تقدرين تتجرئين اذا طلب خطيبك رقمك وانتي مثل بترفضين

بتقولين لا مابي اكمله ولا يكلمني ولا يعطونه رقمي نهائي ولا شي

وتكرري هذا الكلام 3 مرات

استحلفكن بالله عندكن جرائه بالشي هذا ؟؟؟

ايش معنى حركتها الا اني اشوفها قمة الغرور الثقه الزايده و رفعة الخشم

سالتكن بالله مو اهانه هذي ؟؟؟

والله اتوقع المسئله تحدي مين راح يفرض رايه صدقيني

اسالكن بالله وكل واحد شاف ردي يرد على كلامي

لاني براجع الوضع ولا ابي مشاكل

عموماً انا حاط في بالي اواجه ابوها بالشي هذا ولاراح اطلع من البيت لين اشوفها لو وش يكون

واذا مافاد والله احطهم بالامر الواقع بين خيارين

الاول : الشوفه وهذي زوجتي وحلال علي

الثاني : او كلن بطريقه اتوقع فيها شي وانتم مخفينه عني

موضوع ما يتحق الانفصال

__________________
يارب أحفظ لي طفلتي ولا تبتليني بفقدها

بارك الله فيك مثل هذا التصرف معقول..

__________________
أنا نسمة قوية تهد الجبال..أنا نسيم الربيع يدغدغ وجهك الآن..أنا رفات حركتها قدرة الله..فانظر حولك علك تجد أثرا لي في التراب

أخي زياد فهد ,,

أنا مملكه واكلم خطيبي واشوف هذا الشي ضروري جدا ,,

بس مثل ماقالت أختي غصه فراق يمكن خطيبتك عشانها عايشه في بيئه معينه فرضت عليها هالشي لكن طريقة رفضها مستفزهـ
كان بإمكانها ترد بلباقه اكثر بدون ماتكسر خاطرك
تقدر تقول لأختك خلاص ولا يهمك انا افكر واردلك وان شاء الله خير ,,
او مثلا تقول خلي بيننا رسائل بس مابغا مكالمات لو هي مستحيه وخايفه
ولا تكلمك من جوال امها او اخوها في البدايه ولا ع الأقل تسأل عنك عن طريق أختك
لكن الظاهر ان اسلوبها جاف نوعا ما !!
وصراحه رفضها للهديه بهذه الطريقه ورفضها انك تاخذ رقمها وخايفه انك تاخذه بالغصب من اختك
شئ غريب يا اخوي ويكسر الخاطر ويكسر فرحة أي عريس !!

انت أستخير اكثر من مره وسوي الشي اللي قلت عليه كلمهم وخليك واضح وصريح معاهم وربنا بيختارلك اللي فيه الخير ,,

ربي يريح قلبك ويختار لك الخير ,,

ماشاء الله الف مبروك والله يتمم على خير

مدري الرفض منها او من اخوها

واخوها قالي ( عادي الهديه ترد ) قفلت السماعه بوجهه

وربي شلت حمل ثقيل بينفجر بركان فيني وناوي فيه نيه اليمه

بس ربي الهمني رشدي ومسكت نفسي اقسم تقدير لاختيار ابوي و امي

وتقدير لابوها وامها

المكالمات ايوا لايكملني ولا ابي اكلمه ولا تعطونه رقمي نهائي مره

وكررت الكلام على اختي كل ما فاتحتها بالموضوع وصار تواصلها مع اختي مدة 5 شهور

واكتشفتها من اختي خبرتني..سالت اختي خلال 5 شهور سالت عني ..قالت ابداً ولا عمرها جابت طاري اسمك نهائي

على اني متواصل مع ابوها وامها واسال عليهم بالشهر مره وقبل نهاية المكالمه اسال عن خطيبتي واحوالها

وكنت اتوقع تبادلني نفس الشعور بمكالمت اختي بس ابد ولا فكرت نهائي

شوفي عشان اقرب لك المسئله

اختي لها شهرين عندنا بسبب تعامل زوجها معها

اهانات و تجريح ولا مبالات و تهميش و استنكار وياويلك لو تغلطين

وزوجها يقرب لعائلة خطيبتي من قبيله غير قبلتنا

وقبيلة خطيبتي و قبيلة زوج اختي فيهم صفة الغرور و التعالي و شوفة النفس و اهانات ولا اعم عليهم كلهم

بس صفة زوجتي و اخوها نفس صفة زوج اختي غرور مع اسلوب جاف

حتى يوم الملكه تخيلي اخوانها وابوها وابوي كلهم باركو لي

اما اخوها فنطراته نظرات انسان حاقد..واحنا داخلين البيت ومعانا الشيخ

قام اخوها قال فيه احد منكم اسمو طلال..انا استغربت مين طلال فطنشته ودخلت المجلس

والشي هذا مقلقني ودامها اسلوبها جاف من اول مره يعني فرض راي بالقوه وانا مالي قيمه عندها

فاكيد ليلة الدخله بتكون بين يديني واعلمها ان الله حق

هذي ماينفع معها اللين صدقيني

ودامها كسرت فرحتي ..اكيد بكسر فرحتها ليلة الدخله وبخليها تحس

لا حول ولاقوة الا بالله
يا اخي أستعيذ بالله من الشيطان الرجيم ولا تفكر كذا ,,
ايش الزواج هذا اللي من أوله شده وعنف !!
وين الفرحه والرومانسيه بليلة العمر

الحين انت اهدأ ولا تفكر في شئ أستخير اولا
ومثل رأي أحدى الأخوات هنا قول لأختك توصلها انك زعلان ومتضايق منها وتشد عليها شوي
وبعدها أتفاهم مع اخوها وخلي الوالده تكلم أمها ,,
يا أخي قدم جميع الحلول وأصبر و أستخير ولا تستعجل أما الزواج بنية الإنتقام عواقبه وخيمه ,,
لسه عندك وقت وان شاء الله الأمور تصير لصالحك ,,
اهم شئ لاتفكر وانت متوتر وإن شاء الله خير

أخواني مشكلتكم انكم ماتعرفون كيف تفكيرالبنات الي ينتمون لوسط عنده هالعاداااات...

وهالوسط أنا أنتمي له وأعرف كيف البنات يفكرون ينظرون لتواصل وقت الملكه..
يشووفووونه عييييب وغلللللللللط..

وماأكذب عليكم كنت مره أتناقش مع البنات وحده ردت علي قالت بالله أذا رضيت أكلمه وش بيقول عني المعرس بيقول ماتسستحي ...وكل هذا نتاااااج وتأثير البيئه الي عاشو فيها...

أما بخصوص سؤالك لو طلب خطيبي يكلمني..ايه بررررررفض وبكررها أنا صح تغيرت نظرتي ومفاهيمي وماعدت أشوف التواصل غلط..

بس مازال التأثير فيني..فضلآ أني أبد مو متهيئه بمعنى أنا ماتعودت أشوف أحد من المخطوبين حولي كان فيه نوع من التواصل ..

بينما البنات الي يكون ذا الشي دارج عندهم متعودين تشوف أختها وبنت خالتها وبنت عمها شي هي متعوده عليه ومهيئه له..
أما أناااااا لا (غصب عني!!!)