يا بنات لا تفهمون المتفائل غلط
هذا مجرد نقد بناء و صراحة ,من رجل يعرف النساء و طينتهن و على ماذا جبلن
تقبلوا الصراحة بصدر رحب , وابتسامة
الله يهداكم بس @__@

__________________

ههههه نتقبل

لا والله تضايقنا

الحريم كلهم كذا
والرجال ملائكه صح ما بينهم ابدا غيره حسد حقد او انتقاد الزوجه

اصلا الرجل ما عنده الا المره ينتقد فيها وحاطها ولا شي

سنعت عن ناس يقولون الاهل اكركم الله

من كثر ما هم ينقلون لبعض افكار سيئه عن النساء



الموضوع يا اخي الفاضل يالمتفائل بالله

الرجل ذكر ان زوجته تتكلم عن اخته وهو من كثر ما يحبها يضايق ان مب قادر يوفر لها كل هالامور

لكن مب شرط انها تنتقد او ذمته او اطلبة منه شي

عادي جدا

حطيت فيها عيوب الدنيا لانها امراه فقط


الله يهديكم يا اخواني اتركوا عنكم الكبر الله خلقكم وخلقنا والكل فيه عيوب لا احد كامل الا الله تعالئ

زوجتك تلمح لك يعني تلحلح وجيب لي مثل أختي
وهذا أسلوب أغلب الحريم إلا من رحم ربك فلاتزعل منها ولاتتضايق ومثل ماقالت وحدة من الأخوات
قول لها أنا أتحداه يحبها كثر حبي لك وأضمن لك أنها بتكون في غاية الرضى

المتفائل
اسم الله عليكم ياملائكة الأرض
مظاليم صراحة مع هالنسوان

ها أستلمتوني الحين

خواطر
مايجوز اتعوذين بالله مني حرام عليج ، وكان من الأفضل أنج اتعوذين من ابليس ، ومع هذا الله يسامحج

مسز داني
الله أعلم بلي بقلبي ، وأني له ناصح ، وإستهزائج مشكورة علية

الدانة 26
الرجال ماقال زوجتة شتقصد ، على طول فسرتوا على كيفكم !!

جومانة
ملائكة الأرض ، ماياخذون إلا حور الأرض
واللي مو لاقية من ملائكة الأرض ، ف صدقيني الطيبة ماتاخذ الردي

الخلاصة
ألف مليون ترليون مرة أقولكم بأن لما أقول كلمة "الحريم" ، وأنتقد التصرفات ، هذا مو معناتة أني أنتقد كل الحريم حتى لو ما كتبت "البعض" ولو أني أجزم بأنهم أغلبية ، لأن من الطبيعي أن تكون سياسة التعميم "ظالمة" ، وعلية أقول أن أغلب حريم اليوم غير متحملات للمسؤولية ، يفكرن بسعادتهن وبمصالحهن ، مو مهم الرجال تصير عندة قصور بالناحية المادية "بالطقاق" ، اهم شي وناستها وشكلها قدام الناس ، بإختصار لافود ولازود!!

من السهل أنكم تلاقون أرجال طيبين ومن السهل أنكم تكتشفون الرجال السيئين ، لكن من الصعب أنكم تلاقون حرمة طيبة وسنعة لأن كل أموركم بالخش والدس والمظاهر الكذابة والنفاق الإجتماعي والرياء ، صاروا الرجال المقبلين على الزواج اليوم يقولون يارب طيب حظي مع طيبة الحظ ، وكل هذا لأنهم مايثقون في بنات اليوم.

ويلة ردوا أستلموني ودوروا علي الزلة.

__________________
استغفر الله واتوب إليه

هذه الجملتين توضح كل الأنصاف و النقد البناء ,, مايحتاج توضح
مهما دعوت ((للرفق)) بال(حرمة) إلا أنك تراها كما كتبت و بال(الأغلب)

,,,
!!

على فكرة الرجل خالد ,,كتب أنها لم تقارن..و مجرد (حجي)

__________________

المتفائل والله حالتك صعبة لهدرجة معقد من الحريم وتجربتك معهم سيئة...؟!!
يا أخي إذا فيه نماذج بحياتك مكرهتك بالنسوان ومخليتك تشوفهم شياطين فلاتعمم تجربتك على جميع بنات حواء

في هالرد يعني

انزعاجه شيء و حديثها شيء آخر

__________________

اي عاد انتي يامسز داني تموتين وتفسرين كل شي على كيفج
أهم شي تكون المسئلة في عيونج هي إمرأة ورجل وكل اللي عليج أنج أدافعين عن المرأة حتى لو بالباطل.

أقسملج بالله لو عندج أخو يبي يعرس تبين تاخذين وقت على ماتلقين له بنت الحلال
مع كثرتكن إلا أن أبركتكن قليلة ، غلاء مهور ، ومخاسير ، وأخرتها ماتسوى ريال

ملاحظة >>> البعض عشان تبرد قلوبكم

ومرت خالد تسولف علية من باب تسنع وشد حيلك وسولي مثل رجلها ، على بالج تسولف بس عشان تونسة وتتبادل معاة اطراف الحديث !! شنو ماتعرفين همزات الحريم ولمزاتهن ، لاتحسسيني انج انتي بعد ماسويتي كذا مع رجلج.

تكفون خلونا نقول على الصح صح وعلى الغلط غلط حتى لو على حساب أنفسنا ، وبسنا مجاملات.

__________________
استغفر الله واتوب إليه

جومانة
فسروا على كيفكم ، يالله حطو فيني عيوب خلق الله

__________________
استغفر الله واتوب إليه

و من قال ما فيه (حريم مو سنعات) و نكديات و ماديات و دفشات و بويات ,,,وكثير بعد

بس أنت تقول (جبلن) يعني الله عز و جل خلقهم جدي , ما يصير يا خوي
و تصر و تقول أنه نقد بناء و اذا شفت حرمة صادقة اعرف أنك بالجنة و من هالكلام
في المقابل

أدري أنه في رجاجيل ,كلهم سنع و طيبة و رجولة و مواقف
وفيه بالمقابل رجال , أردى من الردى نفسه , شلون تقول ببساطة تعرفين الصالح من الردي
انزين شلون الحريم , و أهلهم ينغرون بظاهر بعض الرجال و يتورطون معاهم
بعدين يكتشفون انسان غارق بالرذيلة , يتابع أفلام اباحية و عند علاقات ,منهي المجنونة اللي وافقت عليه
إلا أنها أخذت بالظاهر و حجي الناس!
يعني تشوف أن كلامك أن الرجل يوضح أنه سيء و صالح شيء ظاهر ,,لا بالله
الرديين من النساء و الرجال و,يخفوون ذلك لأنهم يعرفون أنهم ما ينقبلون بالمجتمع
بينما الصالح و الصالحة ,,ظاهرين

يصير اقول عن الرجال السيئين أنهم مجبولين و مفطورين على الفحش و الرذائل
استغفر الله ,,الله ما يخلق عبده بهالصورة , إلا أن ظروف التربية و غيرها من العوامل
خلتهم جدي ,,نفس الشي النساء الردييات

أنت أخي الكريم , فاكر أننا ندافع عن النساء من الباب للطاقة و كذا كل الحريم جيدات
لا ,,ما يشرفني أدافع عنهم(عن الطالحات)
بس أنت كلامك ,,,يأخذ طابع العمومية و تصر على الأغلبية
بينما الرجال مصر ان السيئين قلة قلييييلة و ذكرتها مرة
يعني لو قايل الصلاح في الجنسيين أقل ,,,أنصفت
أما اغلب الشر عند الحريم و أكثر الخير عند الرجال
ما هوب انصاف

__________________