والله مدري ايش اقول
امي وابوي شايلين يدهم من الموضوع لانهم حاقدين على تصرفاته واحترم رايهم

انا ماقصرت معه بالعده تنازلت عن كرامتي لحبي له وعشان حياتنا وولدنا بس ماقدر هالشي لانه عنيد
بس للاسف عنيد وبارد وراسه يابس
والمشكله اثناء العده كان يعترف لي ان ابوه قال ان طلقتها لا ازعل بس الظاهر ابليس شجعه
وان اهله يحنون عليه انه يرجعني كوني ماسويت شي يستحمل هالطلاق وعشان ولدنا لايضيع
لان كل شي يتصلح ماينرمى


للاسف موشاطر غير بتويتر يخربط ههههههه الله يرحم حاله

اذكر موقف صار بالعده ارسل لاخوي انه بيجيب بطاقة تأمين لولده وللاسف كذب على اخوي انه مو متواجد بنفس منطقتنا قال انه بالدوام وكان بتويتر كاتب انه نازل لمنطقتنا وصدق اخوي انه مو موجود
وارسل ولد اخته يجيب البطاقه مع انه بنفس منطقتنا ليه ماجابها لهالدرجه منحرج ؟

انا استغرب اقلها ماتبي ولدك تشوفه عالاقل مصروف : (

الله يهديه ويصلحه هاذا اللي اقول ويبين له الصح
لو بيدي شي سويته بس مالي غير الدعاء : )

الله يفرج همك ويصلح امورك .. عليك بالدعاء اخية و الصبر مفتاح الفرج

1) خذي برأي الأخت الكريمة/ سيدة الموقف.
2) دعي العناد والمكابرة في غير محلها.
3) ابنك يستحق التضحية يا امرأة.
4) قدمي هذه المحاولة لإبراء ذمتك أمام ابنك في المستقبل.. وافهمي قولي هذا جيداً.

اتفق مع الأخت سيدة الموقف ..

لا تكابري ..

فإنت فضحتيه عند أهله ،، و فضحتيه عند أهلك .. بسبب ( غلطة ) كان ممكن تتصلح ما بينكم ..
و مع كذا ، اعتذر لك ،، و رفضتي اعتذاره .. و في البيت وقت رجعتي برضو كنت قالبة عليه ..

و حتى بعد الطلاق ، أبوك قاله رتب أمورك مع المحكمة ..

الرجال حس بإهانة شديدة ( و ما بينها لكم ) وقت فضحتيه عند أهلك و أهله ..

و حب يسترجع كرامته بطلاقك ..
و ممكن كمان يتزوج بس عشان يثبت للكل إنه هو مو ناقصه شي .. و بيرد اعتباره ..

.
.

لا تتركيه للشيطان ، و إنت شايفة إنه بدأ يمشي في طريق غلط .. تويتر و بنات وووو إلخ ..
و أهله ما راح يتدخلوا و لا يجبروه إنه يرجعك ، لإنه في الأخير تهمهم سعادة ولدهم
حتى لو كان ولدهم ( مجرم ) لا سمح الله ..

ولدي عمره نفس عمر ولدك ،، و في السن هذا ترى الطفل يعرف أبوه و يدور عن أبوه و يفرح به ..
حاولي تستعطفي زوجك و تعتذري منه لإنك فضحتيه أمام الملأ ..
و لا تكابروا لحد ما يتزوج و ولدك اللي بينظلم

ياناس ليه حسسستوني اني غلط ماتقرون وش كتبت اقولكم سويت اللي علي
اعتذرت له بالعده سووووووووووووووووووووووووويت كل شي فقط عشان احبه ولاني يمكن غلطت بس نسبة غلطي مو كبر نسبة غلطه
انا ما اكابر ولا شي ارجعوا اقرأوا ردودي لاكابرت ولاشي
والحين عدتي انتهت انا اجنبيه عنه ما اقدر اراسله او اي شي
مابيدي شي
دوره الحين

ومحد بينظلم بهالقضيه الا ولدي حبيبي
لاني بعيش حياتي وهو بعيش حياتي

وادري انه اهله تهمهم سعادته بس ما ضن والله اي احد يرضى
يخلي ولده يتشتت حتى لو يحبونه اقلها يشوفه ويجيب مصروف
لانه الفشله عليهم بترجع وعليه ان قط ولده
ومجتمعي اللي عايشه فيه مايسمح بكذا ابد وينتقدون جدا اللي يرمي ولده

:*

اسمعي مني وأرسلي للرجال رسالة
وأكتبي فيها أعتذار وأنك حابه تصلحي الأمور بينكم عشان ولدكم لازم يعيش بوضع أسري
مستقر

:*
أما حكاية أنك أجنبية عنه ماقلنا شيء أجنبية
بس هذه أعتبريها المحاولة الأخير للإصلاح بينكم
وتوكم حديثين طلاق وفي أمل لرجعتكم

:*

__________________

هو حاس بالاهانة امام اهله و بيسترجعها يطريقته
عشان كذا بتويتر ماهمه اد و بيعمل اللي براسه

زوجك اتوقع جنوبي و عاطفته تحكمه
ارسلي له رسالة وحدة.. حسسيه انك شاريته
عشان لاتندمي بيوم و تقولي ياليت وكانت امامي فرصة اخيرة

الاحظ ان اغلب مشاكلكم ماتحلونها بينكم

مشاكلكم مثل أي بيت لكن اشوف اهلك على اطلاع دائم ويستلمون ملخص ومقرر عن اوضاع المشاكل بينكم

وهذا شئ طفشه كل ماصارت مشكله اهلك بوجهه كل ماصارت مشكله اهلك مره واهله مره

ليه كذا ؟؟ ماتعرفين تحلين مشاكلك بينك وبين زوجك ؟؟؟ لازم اهلك واهله يكونوا فرع ؟؟

ابصم بالعشرة ان اهله يضغطون عليه وكل ما يضغطون يزيد عناداً ورغبة في الهجران

اهلك يقولون مالنا دخل غسلنا يدينا منه مانبي نتدخل ؟؟؟

طيب ليه يتدخلون من اول ؟؟ ليه لما وصلت الامور الى هالحد شالوا يدينهم ليه ماشالوها من اول ؟؟

اسمحي لي نفسية زوجك انا افهمها لأني اعرف بالفضايح مرة عند اهلها مرة عند اهلي

الى ما طفشت خلاص انا استر واسكت ولا اطلع فضايحها وهي ماتكمل يومين الا فاضحتني عند اهلي واهلها

كلميه وحاولي تهدين الامور بينكم برسالة او حتى لو تكتبين له بالتويتر

بس جالسه تتابعين وش يسوي بالتويتر ولا مرة تشجعتي وقلتي بكتب له احاديث حكمة صورة لبنته يحن قلبه

بس تتابعين وش كتب ووش رد ووش يقول وش بتستفيدين ؟ ولا شئ

اذا اهلك شالوا يديهم براحتهم هم ماراح ينكسرون ويربون عيالك

انتي لاتشيلي يدك الا اذا قال لك انا مابيك وقتها انتي سويتي اللي عليك وخلاص

اذا مافيه امل يرجعك خلاص ارفعي قضية نفقة وحددي ان من الطلاق الى اليوم الفلاني ماعطاني نفقة يعطيك كل مافات ومجبر عليه

الاخوان ما قصرو بس ما حبيت اطلع وانا مو داعيلك
الله يهدي بالك ويختار لك الي فيه الخير ويصلح لك امورك ويرضيكي يااااااارب

__________________
سبحانك اني كنت من الظالمين