السلام عليكم

قدر الله علي وتطلقت في عز شبابي كان عمري 27 فقط .. ومعي طفلة رضيعة وشهادة جامعية والوالد ماله الا 5 شهور متوفي

كنت ارددالعبارة المعروفة .. ربي أجرني في مصيبتي واخلف لي خيرا منها
كنت اتحرى اوقات الاجابه للدعاء .. ثلث الليل الاخير .. يوم عرفه ... رمضان طول الشهر قبل الفطور بربع ساعة اختلي بغرفتي للدعاء ... وبالعشر الاواخر كل ليلة تهجد ساعه او ساعتين وادعو في كل سجدة ..أتصدق ... وظليت على هذا الحال 16 سنة ... ولا يتقدم لي الا ناس غير جادين يخطبون وينسحبون ... وكلهم متزوجين بعد .. وقدر الله انخطبت لرجل متزوج .. لا تقولون ليش قبلت متزوج .. قلت لكم ما تقدم لي لا ارمل ولا مطلق ابد ابد.. الرجل هذ الكل اثنى عليه ومنصب و وسامه ..
قبلت قلت بس جا العوض.. تخيلوا اني من انخطبت وانا اتصدق بنية انجاح الزواج لاني تعبت كثيير
زهقت من الوحدة .. وتم الزواج ... عاملته كانه ملك .. قدرته واحترمته وحطيته على راسي.. والآن بعد سنتين .. صارحني أنه يرغب بالانفصال... رغم انه على حسب كلامه ما زال غير مرتاح في بيته الاول .. لكن عدم راحته عندي أكثر ..
رجاء ما بي بعض الاخوات الحين تترك لب المشكلة وتشغلني بالاسئلة التطفلية .. ليش تزوج على زوجته .. ليش قبلت متزوج ... كيف علاقتك معها بلا بلا بلا
لب المشكلة الي اطرحها بين ايديكم ... دايما الدين يحثنا على الدعاء و الالحاح في الدعاء لقضاء الحاجات والصدقة وووو طيب انا سويت كل شئ ولا نفع .. ودي أعرف ليش ؟؟
حتى بعد الزواج كنت ابحث عن الناس المتعففين واتصدق عليهم ..للاجر اولا وبنية صلاح حالي مع زوجي
ثاني طلا ق بحياتي يفصل بينهم 18 سنة ... قبل ما اتزوجة كنت ما زلت اعاني من آلام طلاقي الاول والحين تجددت الجراح ... اتحسب عليه بكل دقيقة .. واردد عسى الانكسار و القهر الي حطيتني فيه تذوقه اذا صرت بارذل العمر .. تذوقه من عيالك ...آمين