ابوي يقول مااايستاهلها.. هذا عذره

لا راتبي ماله علاقه فيه ابداااا بلعكس دايم يسالني اذا ناقصني شي

ابوي غيور ولانه كان يضرب امي بداية زواجهم ،،اعتقد انه خايف علينا

عندنا في الإمارات و اتوقع في جميع دول الخليج شي اسمه قانون العضل..

كل المشايخ و القضاه يلجؤوون لها الشي كآآآآآآآآآآآآآآآآخر الحلول في حالة تعنت الأب و رفضه زواج بنته من خاطب مناسب لها...

هي خطوه جرئيه... و خطوه كبيره... و لكن شرعا حلال... في حالة العضل... تخرج الولايه من الأب و تروح للقاضي و يقوم القاضي بتزويج الفتاه... و طبعا قبل هذا كله... لازم تثبتين ان ابوج رفض اكثر منخاطب كفء بدون اي عذر مقنع...

و بدون مثاليه.. رضا الوالدين واايد مهم في حياتنا... و لكن احيانا الأب يتسلط على البنت و يحرمها من حقوقها... الزواج اعفاف و تحصين و البنت تقدر تمارس حياتها الطبيعه كأنثى و كأم ان شاء الله تعالى... الشرع ما حرم هذا الشي.. العادات و التقاليد تستنكره و لكنه مب حرام..

إذا أقدمتي على هالخطوه فلازم تكونين واااااااااااااااااااااثقه جدا من الرجل اللي بتتزوجينه... لأنج راح تخسرين ابوج فتره طويله وربما للأبد... و ممكن يقطع علاقتج مع اهلج..

فكري عدل في كل خياراتج..

أذكر وحده اتصلت لشيخ و كانت عندها نفس المشكله... و قال لها نفس الكلام اللي قلت لج اياه... و آخر شي قال لها القرار لج.. لأن هذي حياتج بعد...

احدى زميلاتي كان ابوها وامها يتعاندون ويرفضون تزويجها والبنت مطيعه مره
الى ان وصل عمرها 38
والان تفكر ان تتزوج غصب عن ابوها... لكن وين العرسان؟؟؟؟؟
وان حصل،،، يا متزوج او مطلق

انا عاجبني الخاطب لعدة اسباب
اولا.. اخت صديقتي متزوجه اخ الخاطب.. وتمدحهم جدااا
ثانيا.. الناس متمسكين فينا.. امي قالت لهم ان والدها متشدد شوي وهو حريص وبياخذ وقت الموضوع، قالو ماعندنا مانع اهم شي البنت اذا موافقه او لا.
ثالثا..اعزب وموظف حكومي و وافق على كل شروطي ( شرطت عليه السكن في حي معين.. سالته اذا يمانع نروح مؤتمرات عمل...ماعنده مشكله ابدا.. وكمان لو نروح سنه لندن اكمل البحث..)
رابعا واخيرا...انا مو مثاليه ومافيني مميزات عشان انتظر خطاب بعد هذا..

ما عندج حد من الكبار يتدخلون في الموضوع...

فعلا البنت يوم توصل عمر معين الناس ما يخطبونها بعدين... او اللي يخطبها يكون كحيان مكحين...

تصدقين انا كلموني عن واحد شيبه و يوم رفضته قالوا لي يا بنت تراج صكيتي الثلاثين... يعني علشان صكيت الثلاثين آخذ شيبه!!!!

وانا بعد قبل هالخاطب بكم شهر جاني واحد عمره 45 والثاني 38 ومعه اطفال....

عشان كذا عجبتني مواصفات الخاطب الاخير

اعرف وحده قريبتي تشبه قصتك

ابوها رافض تزويجها تقدم لها القريب والبعيد

زوج الاصغر منها وهي لا

هي كان راتبها كبير وماندري هل هو طمع براتبها او لان يشوفهم مايستحقونها

صار عمرها 29 وتقدم لها زميلها بالعمل وهذا ناضلت بقوة عشانه

اللي قبله بس كانت تتحسر وامها تكلمه وعمامه

اما هذا الاخير دخلت حتى شيوخ لكنه مازال رافض وهي مصرة

الان هي تزوجته وعندها ولد منه ماشاء الله

انا ايضا كانت امي ترفض تزويجي وماتخبرني باي خاطب يخطبني

اعرف بالصدفه

لما صار عمري 26 شفت رؤيا وفسروها زواج وحياه صالحه

انخطبت واصريت عليه حتى امي استغربت اشمعنى هذا قبل ماتتكلمين

اصريت عليه علشان الرؤيا وعلشان حسيت اني خلاص لمتى اللي قدي تزوجو وعيلو

وامي مازالت تطفش العرسان

والحمدلله تزوجت رغم ان حتى في فترة الخطوبه امي لازالت ماهي حابه

لكن انا حاولت بقد ماقدر ماخلي مشاعر امي تاثر علي من ناحية خطيبي

الان انا تزوجت والحمدلله ومرتاحة وامي تغيرت من ناحية زوجي صارت تتقبله
وتعتبره مثل ولدها

لكن ارجع واقولك اصري عليه اذا هو مناسب
لان هذي حياتك وماحد بيحس فيك الا نفسك

وبكرة اذا تزوجتي وشافوك مرتاحة بيتقبلونه وبيحبونه

الله ييسر امرك

الله ييسر امرك انتي بعد... اثلج صدري ردك لاني حسيتك فاهمتني
وانا بعد شفت رويا اول ماانخطبت...وتفسير الحلم اني بتزوج وزوجي فيه عيوب لكني اتغاضى عنها..

انا اشوف ان هالرجل مناسب لي لكن بنتظر الناس اللي بيسالون عنه واشوف وش يقولون

طيب سويتي شي مع ابوك ؟
كلمتيه اليوم ؟؟

لا لسا لان اللي وكلناه يسال ..لسا مارد
الله يسهل وييسر اموري ويكتب لي ولكل من قرا موضوعي الخير كله