انقصف بيت أهلي
السلام عليكم
صحيت الصبح على تلفون برن و قريبي يخبرني ان بيتنا بسورية انقصف و بيوت فلان و فلان و فلان (اقارب و جيران و معارف)
اتصلت بأهلي الخط معطل
فتحت الفيس بوك و شفت بوست اختي كاتبة : سمعنا صوت الطيارة انا و ماما حملت ابني و ركضنا باتجاه الغرفة الي ما فيها نوافذ لما صرنا عالباب شفت ضوء ومض و شي شبيه بالشظايا و ارتمى عليها حجر و الزجاج كنا فقط ننطق الشهادة شاهدت الموت بعيوني بس لقيت حالي لسا عايشة الحمد لله و امي و ابني
(للاسف هي رضت باتجاه القذيفة بس مين بيعرف الطيارة بأي مكان و باي مكان حتنزل قذائفها)
اختي لجأت عند أهلي على أساس انه البلد خلص محررة .. بس مين بيمنع الطيران ؟؟؟؟؟
أخي على الفيس بوك : كنا طالعين من صلاة الجمعة انا و ابي و زوج اختي و شفنا الطيارة مرت صاروا الرجال يركضوا بالشارع خوفا من سقوط صاروخ بأي وقت و بالفعل الطيارة بدأت بانزال الصواريخ شفتها نزلت عدة صواريخ فوق حارتنا ركضت باتجاه البيت .. الدخان يتصاعد من جهة بيتنا و بيوت الجيران
اخي صور الموقف بفيديو كان فقط ينطق الشهادة و يستغفر وصوته يرجف ..
الحمد لله على سلامة اهلي نعمة كبيرة ، بس 30 شهيد قسم كبير منهم اطفال
150 جريح ومافي مشافي !!
خرج اهلي من بيتهم و راحوا لبيت اخي لأنه فيه تدفئة بس .....
من يمنع الميغ من التحليق بأي سماء تريدها طالما هي ضمن مزرعة الاسد ؟؟
__________________
.
.
استودعتك أهلي في سوريا يا من لا تضيع ودائعه
18-01-2013, 10:04 PM
ضوابط المشاركة
العرض الشجري