ما اتصل وارسل رساله لما كنت طالعه مع اهلي واتعرض لنا في الشارع
وبعدها ارسل هالرساله
أولادي ماأدري عنهم هذي مشكله اجي عند بيتكم اسأل جدتك تقول اطلعوا وأسأل وين تقول ماأدري واتصل وترفعه أختك وتقول ماأدري عنهم انا كنت نايمه يوم يطلعوا اروح لبيت خالك هم مايدري أجل مين الي يدري فرجاء لاتحطين نفسك لمسأله قانونيه إنتي وأولادي مسؤولين مني اذا إنتي ماتبي إني أكون مسؤول عنك فصفي حساباتك معي نظاميا بلاش الألغاز هذي كلها .
ومارديت على رسالته وتعرض لي مره ثانيه وأنا مع اخوي وقال لأخوي بودي اختك بيت الطاعه

ابي نصايحكم وش الافضل بهالوضع اكلم
خالي واقوله يكلمه ان خلاص مانبي اجتماع او اروح واشوف وش بيصير
انا ما ابي اانذل اكثر وماني عارفه شسوي

أسأل الله أن يجعل لك من كل ضيق مخرجا
حبيبتي اصبري
ارى ان زوجك يريد عودتك ولكن تأخذه العزه بالاثم
زوجك فيه ايجابيات ولكن تأثير اهله اقوى
يعني باستطاعتك اصلاحه ولكن قبل ذلك اصلاح نفسك
اي تصبحي قويه بالحق واثقه من نفسك ﻻتتنازلي عن حقوقك
ونصيحه ﻻتذهبي للاجتماع ودعي االامر لوالدك

رأي لا تخرجين من طوع أبيك فكرامتك من كرامته
وأسأل الله ان يفغر لي إن اخطأت ولكن وضعت نفسي مكانك
والله أعلم

وإستخيري في الذهاب من عدمه وسبحانه سييسر لك الخيرة من أمرك

__________________

مع هذا الرأي ..
والله يكون لك بعونك ويفرجها عليك من أوسع أبوابه

__________________

انا من رأيي تتنازلي هالمرة و تروحي

ادعي الله و كثفي الدعاء ما تدرين يمكن لما يشوفك تنازلتي

يحن قلبه و يلين .. الدعاء يلين الحديد فما بالك بقلب ادمي

انا تعلمت من طلاقي يكون عندي بعد نظر في المشاكل


يعني سوالف الكرامة هاذي اتركيها على جنب ..

بكرة ان تكرن عليك و قلب ، الله العالم ايش ممكن يسوي

عشان كذا اقولك روحي و الله معاك يمكن تتصالحون ان شالله

و ان لاقدر الله .. على الاقل تكوني حاولتي عشان الاطفال اللي بينكم

و اكيد خالك بيتفاهم معه بشكل ودي و يحاول يصلح بينكم

بالشكل اللي يحفظ حقك و حق عيالك

الله يفرج همك و يجعل لك من كل ضيق مخرج

__________________

‏
الوعي هو الملاذ ..

أستغفر الله العظيم ؛
( الفردوس غايتي )

السلام عليكم
انا استشرتكم في موضوع ذهابي للاجتماع واستخرت وكلمت شيخ فنصحني إني اروح دام خالي وعمي معاي
حضرت
وحضر زوجي عمي تكلم قاله شنو اسباب المشاكل المستمره وليش تمد ايدك على زوجتك وتطردها تخيلوا قال إني أضربه وأنا إللي ابدا بالضرب انصدمت منه اقوله متى ضربتك يقول دايما تضربين تشدين ايدي ومادري ايش وبعدها جاب خالي طاري السكن حاول يقنعه رفض وقال انا اعترف غلطت وكان المفروض مايصير كل هذا بس سكن ما راح اطلع تخيلوا خالي عرض عليه ان يدفع له نص قيمة الايجار سنويا رفض وقال مابي صدقات من عند احد طيب وش الحل قال ترجع معاي معززه مكرمهانا ما قدرت اسكت تكلمت وقلت له شلون ارجع بعد إللي صار أمك طردتني وقالت عني كلام غلط يقول لا امي ماطردتك والكلام إللي قالته في لحضة غضب طيب والمشاكل اللي صارت قبل وتدخلاتها وكلامها لامي كل هذا لحضت غضب يقول المشكله مش في السكن المشكله فيني وفيه لو تنحل مشاكلنا ماأحد بيتدخل قاله خالي طيب فكر في موضوع السكن جرب سنه ماراح تخسر قال بفكر ومشى مع خالي لان جايين مع بعض بالسياره بعد مارجعت البيت دق خالي وقال زوجك كلمني واحنا في الطريق وقال إن أكلمك بموضوع السفر تسافرون اثنينكم وتهدي نفسياتكم وتتفاهمون يقولي وش رايك قلت له لو سافرت معاه معناها تصالحنا ولما نرجع بيوديني بيت اهله قالي لا اهو بيفكر بموضوع السكن وانتي لما تسافرون حاولي بعد معاه وإنتي القرار لك
والله محتاره فكرت إني لو سافرت معاه يمكن اقدر اقنعه بموضوع السكن
وبنفس الوقت لو ما اقتنع لما نرجع من السفر شنو بيصير موقفي وانا مستحيل ارجع هذاك البيت شنو موقف اهلي بيصير
انا لو بسامحه عشان عيالي لكن امه وإللي سوته فيني والله ما اقدر
محتاره ابي رايكم

عزيزتي دام وصلت المبادرة منه بالسفر وإعادة ترتيب الأوراق .. فأنصحك مثل ما قالت العزيزة فردوس
امنحيه فرصة أخيرة ..
منها لإعادة الحياة إلى مجاريها ,, ومنها تحاولين التغيير من نفسكِ في ضوء ما حدث .. حاولي التقليل من احتكاككِ بأهله ..
ولا تتحدثي عنهم أمامه ..
كان الله بعونك عزيزتي

__________________

أختي الكريمة
استخيري في أمر السفر و استشيري أهلك و أخوالك و أعمامك ... وتوكلي على الله و ابدأي فكري بحياتك معاه بطريقة مختلفة حتى لو عدت لبيت أهله فضعي شروط لذلك مثل أن يغير هو أسلوبه معك و يلتزم باللين و يترك العصبية في التعامل .. أتوقع الزوجة بتتحمل أهل الزوج اذا وجدت منه تعاملا مغاير عن أهله ... و اطلبي أن يعطيك مصروف كافي لك و غيرها من الامور التي تنقصك.... فكري جيدا واستغفري كثيرا واستخيري و ادعي الله كثيرا بأن يلهمك السداد و الرشاد في قولك و عملك و يوفقك لما فيه الخير ... فرج الله همك و أنار بصيرتك

__________________
[img]http://im33.***********/edShu.gif[/img]

اخواني محتاره احس حياتي معاه مستحيله فوق الشهر مبتعده عنه ومو هامه ولا يفكر في حياتنا احس الوضع عنده عادي ومصر على كلامه ويدافع عن نفسه واي شي يطلع له مبررات حتى الضرب قال إهي تضرب ليش تسب وتصرخ يقول لاني لاقي منها اشياء لا تحتمل شنو هالاشياء يكذب ويقول ماتسمع كلامي ماتحترمني في إيش يقول كل شي ليش امك تتدخل كل مره بينكم يقول ماتتدخل متى تدخلت وامها بعد تتدخل وإنتي تقولين ﻷمك كل شي متى هالكلام صار يجيب مواقف قديمه لما كنت حامل وامي خايفه علي وتقوله لاتزعلها يقول لا دايما تشتكي ﻷمها وامها توجع راسي بالمكالمات يقول حتى المزحه تقولها لامها والله كذب اتذكر كلامه واتضايق عشان يبرر تصرفات امه يكذب على امي
ابي سكن لا ما راح اروح ايجار كل شي ابيه لا اتذكر كلامه وتجيني ضيقه وش يحس فيه واهو يكذب وينكر ويدافع عن اهله على حساب منو كل هذا انا زوجته وام اعياله ليش مو راضي يفصل بيني وبينهم احس انه جالس يحاربني ويبي ينتصر علي بأي وسيله حتى لو كذب المهم يطلع إهو على حق
يقولي ماراح اغصبك ترجعين وماتغصبيني بالسكن ضلي عند اهلك يمكن يجيك واحد يلبي كل طلباتك شنو طلبت منه احترام
ابي سكن يحفظ كرامتي
شسوي قلبي يعورني احس بضيقه في صدري انا احبه وابي اعيش معاه لكن مو على حساب كرامتي ابي احس اني غاليه عنده
ليش راخصني
للدرجه هذي ما استاهل مستخسر الفلوس فيني وفي عياله
تحسون هالانسان منه رجاء يعني لو صبرت وضليت عند اهلي بيحس فيني
لاتقولون لي انا عايشه معاه ومفروض اعرفه لاني مو عارفه شي ومادري ليش يسوي كل هذا