اتوقع الواحد لازم يغير نفسه علشان يحسن صورته التغيير مطلوب احيانا علشان تمسك العصا من النص

معك حل واحد الثقه ثم الثقه ثم الثقه بالنفس
تاكد ان من راقب الناس مات من الهم
ناظر نفسك بعين الرضا راح تلاحظ كل شي مختلف بعينك
اسمحلي لاتناظر لنفسك بمنظور هذا يناظرني بمنظور كذا وهذا وش يخكي او يقول عني لاتكسر بنفسك وخاطرك
لان النفس اذا اعتادت تنكسر ماعاد ترجع ثاني تنضبط
انتبه لنفسك قبل تروح منك ولاعاد ترجع
داري خاطرك دامك عارف وش حكيت وشهي وجهة نظرك
خذو بها كان ماخذو هم احرار مشكلتهم ماهي مشكلتك
تصالح مع نفسك وراح تناظر الدنيا بشكل اخر

معك حق اخي
ولكن الواحد لازم يعدل صورته اذا كانت منتشره عنه اشياء ماهي فيه
ما يحط ايده على خده ويقول ما علي من الناس
ما عليك من الناس والناس ما عليها منك بعد

موضوع الثقه شي لا يختلف عليه احد ولكن مو هذا قصدي
اتمنى تفهمون موضوعي

للي فاهمني غلط بعطيكم مثال فرش يوضح الصوره

عطيت اخوي مبلغ وما قصرت معاه اخوي طلب زياده سلف قلت ماشي
يوم جا وقت الدين قلت له عليك بالعافيه حلالك ما ابيهم بس عط ابي وامي شي بسيط من المبلغ اللي معاك
وهذا اللي صار

وحنا جالسين كلنا ابوي يمدح اخوي ويقول ما قصر معانا فقدام جماعتنا انا اطلع بصوره اخرى غير حقيقتي

فاتمنى تفهمون قصدي

مرحباً مرة أُخرى الأستاذ الفاضـل ’’’’

عليك أن تكون لك ردة فعل اتجاه بمثل هذه المواقف ’’’لا تتردد وتصمت ’’’لأنه من المفترض أن يشكرك أنت فلك الفضل بعد الله ’’

كون واثق من نفسك واخبره هذا المبلغ مني ياوالدي ’’’

اظهر حقيقتك أنت ’’’لست بحاجة أن يظهروا حقيقتك الآخرين ’’’أفعل أنت عملك سواء إهداء شيء لهم والكل سيرى هذه الحقيقة ’’’

والتشجيع سيولد بداخلك الثقة والإقدام على العطاء أكثر وأكثر ’’’

ومن هذا النحو لن تهتم لكلام الآخرين ولا تهتم لرضاهم مادمت معتمداً وواثق من نفسك ’’’

رزقكَ الله من حيث لاتحتسب ’’’

مرحبتين

بس الوضع مو مثل ما انتي متصوره ان اخي نسب الطيب لنفسه بالعكس هو ما تكلم وانا محسن الظن فيه من ناحية هالنقطه
بس حبيت اعطي مثال للمواقف الليي تصير معي وكيف اني ما اطلع بالصوره المفترض ابين فيها للناس

يعني مرات ان شفنا بخيل لا نظلمه ونقول بخيل محد يعرف وضعه لين ما نتاكد

ولما نشوف قاطع رحم المفروض ما نذمه لان قد يكون وده يتواصل مع اصدقاؤه وارحامه ولكن فيه رهاب اجتماعي

وغيره من الحالات

اخوي واضح انك خجول و ماتحب تظهر مشاعرك ..

فكرتني بموقف حصل لي ..

كنت طفلة عمري 9 سنوات .. لميت مرة ورود من الحديقة حقة بيتنا و عملت عقد من الخيط ..
و ناديت اختي الي اصغر مني و قلتلها اعطيه لماما و بابا .. و كتبت لها ورقة اهداء منها لهم ..

كان وقتها اهتمامي اني ادخل الفرحة بقلب ابوي لانه ماعمره احد من اخواني و اخواتي يفكروا كذا مثلي

المهم ابوي شاف الهدية و مرررررة فرح بها و كان ابويا عصبي و يخافوا منه اخواني و خواتي الكبار
بس كنت انا مختلفة عنهم بس استحي منه

المهم انه نادى اختي و حضنها و انبسسسسسسط و قال للكل
و انا وقتها مازعلت .. فرحت لانه انبسط اهم شي

لما طلعت الثانوية .. كنت جالسة مع ابوي ..
فتح خزنة له .. و وسط الاوراق كان شايل الورقة الي كتبتها بخط يدي .. على انه العقد اهداء من اختي

المهم ابوي قاللي و هو مبسوط ..
هذه الورقة الي كتبتها اختك لي و دابت لي عقد ورد .. محتفظ به لحد الان

استحيت اقول له انه انا الي سويت و فعلت و عملت .. حسيت ماهي من اخلاقي و ماعرف

المهم مات بعدها ابوي الله يرحمه ..

.
.

اخوي ..

انا كنت مثلك .. و بسبب طبعي هذا اني اقدم الشي و ما اتكلم
جاتني اتهامات كثيرة من اخواتي و اخواني بعد موت امي ..

اتهموني اني ابخل على امي .. وماهم عارفين الحقيقة
و الحمدلله .. بعد موتها .. انا اكثر وحدة مواصلة على محاولة البر بها ..

فإنت لاتهتم بكلام ناس ..

و الله بتتعب ..

و بالنسبة للنصيب .. لسى ربي مو كاتب لك ..

لا لست خجولاً لهذي الدرجه وماني كتوم لمشاعري

بس مشكلتي الظاهر ما اسوي دعايه لنفسي
لاني شايف خير ولله الحمد من طلعت عالدنيا عز ومعزه بفضل الله فما اتفشخر على مثل هالامور التافهه

وجزاكي الله خير *

هل أنت ذهبت و خطبت و أنرفضت اكثر من مره علشان هيك تبا تغير النظره
ولا انت تحسب حساب شيء ما صار لسه ؟؟؟؟؟؟


اسمع بسيطه العيد جاي و سوي مفاجأة لأهلك رحلة ولا أحجز في شاليه ولا شيء على حسابك
و هم من كثر ما أنهم مو مصدقين ما بيخلوا أحد ما بيقولوله و تتغير الصورة و إنتهينا.


أما اذا كنت خاطب و تنرفض فهذه ما عندي لها حل

__________________

اي نعم خطبت كثير وما صار نصيب
فهذا السبب خلاني انتفض واعرف عيوبي والاشاعات اللي طالعه علي

بس استغرب من رد بعض الاخوان عن حسن نيه طبعا يقولون لا تهتم بكلام الناس
بس الواحد لازم يوازن بين الامور

والله يجزاك خير