كل ما تتقدمين خطوه تتراجعين خطوات عند زوجش صفه وحيده سيئه وهي العناد ما عرفتي للحين تتجاوزينها لا صرتي بالعكس تعاندينه ووحده بوحده هذا مو حل هذا نديه وكرامه زوجش كريم معاش ويغسل المواعين وبعد تتسالين وما تعرفين ليش غسل المواعين غسلهم كنوع من الاعتذار وشعور بالمشاركه والتعاون ويغار عليش وبعد تفهمينه غلط حب امتلاك اخاف اقولش من يكفرن بالعشير تشوفين السيئه وتفكرين باي شيئ يسويه لش بطريقه وراها غرض مو زين ليش تشوفين نصف الكوب الفاضي وتراجعتي للوراء ليش الصد يعلم الجفى افهمي هذي طريقته في الاعتذار بمعناه قبلتيها حياش الله ما قبلتيها بالطقاق وانتي الي خسرانه خلاص تفهمي تفسيته وعديها هذي نقطة ضعفه وما بيغيرها وبيقضي عمرش تنتظرين

سر الحياه احاول احسن الظن
لكن خايفه من اي تصرف سلبي
لاني ما ابي اخسره


كوكي انتي متخيله احد يشتري بوكي ورد
بعدين يرميه بوجهك وهو مكشر.. ويمشي
انا اقوم اخذه واقول شكرا بس
واسكت وانكفي على نفسي

هذا اللي حاصل بينا
طبعا زوجي ماجاب ورد ولا شي
لكن اقصد هذا اللي صاير
وسابقا كنت اعتبر هالاشياء البسيطه رضاوه
واروح وابوسه وارجع طبيعي
يقوم يقول: لاتحسبي اني عملت كذاحتى ترضي
انا عملت كذا لاني ابن اصول ومتربي كويس الخ الخ

والله هالمواقف صارت بيني وبينه زمان
انا ما ابغى ارجع وراء ولا افكر بشكل سلبي
لكن برضو مو فاهمه ايش منتظر مني
يعني هو قايم بواجباته وانا قايمه بواجباتي
كأننا موظفين بشركه.. والشركه هي بيتنا

انا فقدت سواليفه بس
وهو فقد رومانسيتي ودلعي واهتمامي فيه
وسواليفي والغزل والكلام الحلو وشغلات خاصه
يعني لو بنحسبها بالمنطق بتكون خسارته اكبر
مع ذلك هو متجاهلني ويتعامل معي بجفاء
وانا افتح له ابواب الصلح واسكت
يعني اكون متشيكه ومروقه وعامله قهوه وحلا
انتظر كلمه طيبه او سالفه يقولها
وما القى شي.. يقوم فجأه ويقول انه طالع
تبغين شي من برا؟
لا شكرا
وبس

بما اني وانتم متفقين ان زوجي ابو العناد
عطوني فكره ذكيه وخفيفه اكسر فيها الحاجز
بدون ما ادعي اني مرضت او تعبت واستنجد عطفه

انا ابي شي عفوي وبسيط بدون تمثيليات
قبل شوي فكرت اطبق موضوع ام الدانه وتراجعت
حسيت الحركه قويه وممكن تاخذ نتيجه عكسيه
لكن برضو محتاجه حل

كنافة عددي ايجابيات زوجك ..

كريم- متعاون- بيتوتي
يحترم ويقدر اهلي
يحب ابنته كثيرا
قلبه طيب اذا كان راضي



عيوبه:
عصبي جدا- حساس- يشك بنفسه كثيرا
عنيييييييييييييييد

أول ما أنخطبت .. خالتي اخت أمي قالت لي نصيحة للحين بأذني :
قالت لما الزوجة تغلط .. تبادر بالاعتذار ..
ولما الزوج يغلط .. الزوجة تبادر بالأعتذار ..
طبعا مش القصد بالاعتذار كلمة آسفة وحقك علي وسامحني .. ولن انتي تبادرين بالصلح ..
كلمة طيبة .. ابتسامة .. تمسكين يده .. تقولين له وحشتني ..
وخليه يقول اللي يقوله بعدين .. اسمعي من أذن وطلعي من الأذن الثانية ..
المهم إن المياه ترجع لمجاريها ..
الله يوفقكم ..

شوفي .. أنا ماقلت اذكري عيوبه ..
ومع ذلك .. ترا عيوبه موجوده بأغلب الرجال ..
نادر تلاقين زوج مش عصبي ولا عنيد ..

طيب أنتي عنيدة ولا لا ؟؟ بصراحة ؟

وبعدين ودي نتكلم في محاسنه أكثر .. ترا لفتت نظري وحبيتها وجميلة جدا هاذي الصفات ..
زوجي مثلا .. لما نتشاجر .. مايحترم أهلي ويغلط عليهم ..
فيه أصعب من هذا .. يندم بعدين ويقول ان الكلام اللي قاله من ورا قلبه بس من حرته علي يبي يغيظني .. ولكن شيء جدا يضايق لما تسمعي عن اهلك هالكلام ..
متعاون وبيتوتي .. يااااه .. وش تبين أكثر من كذا ..؟
والله فيه صفات جيدة .. وياليت تسهبين أكثر فيها وتتذكرين المواقف الحلوة اللي بينكم..

ايوه انا اعند بعض الاحيان
ومن عيوبي اني حساسه وعاطفيه ودمعتي سهله
لكن الحمدلله لي اسبوعين مابكيت
وهذا انجاز بصراحه هههه
بالنسبه لمحاسنه فسبق وعددتها وقت المشكله
واكثر من مره اقول هو مو سيء.. لكنه نكدي

يا حبيبتي ..
بادري الله يرضى عليك ..
الحياة الزوجية مافيها كرامة ..
انتي عشان بمشكلة معاه كل حاجة تشوفيها بمنظور سلبي ..
مثلا قال بنسافر .. رحتي فسرتيها عشان يريح ضميره ويسافر مع رفقائه ..
نظف الصحون .. طيب .. شوفيها انه حب يرجع الود لكنه يكابر ..

انا مع ام الدانه ترى ما في حد كامل واذا على كيد النساء يارب يطلعلش صرصصصور عوووووووووووود قد راس ريلش وتخافين وتصرخين وتركضين ركض للمنقذ تترجينه يقتله وله ليكون ما تخافين من الصراصير خليش انثى ترى يحب الانوثه ياله قومي دوري على صرصور ونفذي المهمه هههههههههههه وعاد لا تقولين ما عندنا صراصير