شوفي حبيبتي انا بقلك عن نفسي .. انا موظفة وراتبي الحمدلله اضعاف راتب زوجي .. وبالرغم اني وقفت مع زوجي مو من اول سنة لا من اول يوم بحياتنا لانه يستاهل ولانه سوى المستحيل وتكلف بديون عشان يتمم زواجنا ولانه كريم معي لاصار بيده شي .. بالرغم من كذا بس اقترحت عليه اشتري له سياره طبعا بقرض لان سيارته خرباتها كثير وتستنزف اللي يبقى من راتبه بعد سداد ديونه فقلت له اشتري لك سياره ونرتاح من خرابات وتصليحات السيارة .. تدرين انه رفض بشدة .. لدرجة اني زعلت وقالي انا ممكن ارضى تساعديني في شغلات اساسية في حياتنا لان ماعندي مقدرة مادية لكن انك تحطين على نفسك مبلغ وقرض عشان اركب سيارة .. لان كل تفكير زوجي ان القرض يكون لشي باسمي سواء أرض أو بيت..

اللي ابي اوصله ان المدة الزمنية ماهي كفيله انها تضمن لك حب وصدق زوجك وخوفه من ربه .. لا والله الرجال اللي يخاف الله لو العشرة بينك وبينه يوم واحد بس ماراح ياكل حقك ابد ...

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

احبه حبيبي لكن بالنهايه مااخذتي قرض على ظهرك
والمده الزمنيه تبين اذا زوجك له مواقف من البدايه غيرك ياخذ وقت
وحتى انتي لك مواضيع تستشيرين الاعضاء هل تساعديه ولا لا
طبيعي الوحده تحرص قبل ماتسلم زوجها اي شي

صحيح انا استشرت لان انا مؤمنة بمساعدة الزوجة لزوجها لانهما على مركب واحد .. وكان قصدي من الاستشارة تدعيم موقفي ورأيي فقط لاغير .. انا معك ان الزوجة عليها بالحذر بس انا اخالفك بأن المدة الزمنية هي المقياس ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

احبه حبيبي
محد يستشير الا عشان يعرف ايش يعمل مو انه يطلب منهم يدعموا موقفه معناته مو واثق من قراره
رايك واتقبله بصدر رحب
لكن المده الزمنيه مقياس

ولعلمك زوجي معطيني شيك مفتوح يقول كل ريال ساعدتيني فيه ارصديه لان الدنيا حياة وممات ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

طيب هذا انتي ماساعدتيه الا انتي موثقه كل شي وماحذه عليه شيك بدون رصيد

هل تتصوري اني ممكن اشوف زوجي يحتاجني واتخلى عنه او اتركه يضيع في حياته لحاله!!
لا والله .. وش أبي بكم ريال دام زوجي محتاج ولا اعطيته .. هذي حياة زوجية مو شركة تجارية ...

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

احبه حبيبتي وهل قلت لا تساعدينه
ياجماعه مااتكلم عن المساعدات البسيطه
خاصه للي زوجها ضعيف ماديا وراتبه على قده تساعده بالاجار والكهرباء والماكل
لكن اتكلم عن الي تاخذ قروض وسيارات وتفك له الجيب ومبلغ بنص مليون ريال
هذي وش اسمها
انتي زوجك محتاج وعطيتيه ماقصرتي مبالغ يمكن تكون عاديه ماتوصل للي فوق
مع هذا برضو ماقصر كتب شيك مفتوح لك ورفض تشترين له سياره

انا ماطلبته شي هو اعطاني الشيك مع رفضي الشديد بس اصر اني اخذه .. وعلى فكرة لو لاسمح الله صار شي وافترقنا بقطع الشيك وارميه لان مافي شي يعوضني زوجي وحياتي معه.. مع اني متأكدة انه ماراح ينكرني في ريال ابد.. ترى الدنيا فيها خير والرجال اللي يخافون الله واجد...

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الحمدلله واثقه من زوجك طيب انا ماتكلم عن الي مثل حالتك
ولا اتكلم عن الرجال الطيبين ولا انتقد تصرفك
مع هذا احسك زعلانه من داخلك وتبررين موقفك
يختي الي يعطي يكون واثق من نفسه