احنا فين عايشين
اللهم ارحمنا برحمتك
والله العظيم ماني عارف ايش اكتب
حسبنا الله ونعم الوكيل
الناس هذه ليش تتزوج من الاساس ويبهدلوا بنات الناس معاهم
في رأيي انهم يتزوجوا عشان يبعدوا الشبهات عنهم

استغفر الله العظيم
استغفر الله العظيم
استغفر الله العظيم

__________________
حبيبتي .... عندما تبتسمي الي سوف تنير كل النجوم التي في السماء

الله يفرج همك ويكشف كربك اختي الكريمه
توجهي الى الرحمن الرحيم واسأليه السداد فهو لن يخيبك
ي ودود ي ودود ي ذا العرش المجيد ي فعال لماتريد اعنها على مااصابها
واخلف لها خيرآ...

__________________

وكل شيء حولنا ﻻ يخلو من بعض الجمال،،لكنها ارواحنا احيانآ تصاب بالعمى~

الف الحمذلله انك تخلصتي من هالزواج

لا تزعلي منو خاذا انسان مريض الله يكون بعونه و يعافيه و يعفي عنه

تاكدي لو كان انسان سوي و سليم عقليا كان مستحيل يعمل الي عملو قد ما كان شخص حقير
للاسف زوجك معاق سلوكيا .. و بحاجة لعلاج مكثف و طويل و متعب .. الافضل انك تخلصتي منو

الاهم انك تحافظي على بنتك و ازا حاول انو ياخدا منك او يحرمها من جواز السفر و الاوراق الثبوتية هدديه بالفضيحة بالمحاكم ..

دافعي عن بنتك بشراسة .. لان الاعاقة السلوكية الي بعاني منها زوجك بتخليه انو يدعو الناس لممارسة الفاحشة ببنتو

الله يعوضك بالرجل السليم المعافى

السلام عليكم ورحمة الله وبركاته ..
أمر المؤمن كله خير ، والحمدلله رب العالمين ..
فرّج الله همّكِ أختي الكريمة وعوضكِ كل خير ..

الف حمد لله على سلامتك وسلامه بنتك
والله يكون فى العون ويجعله فى ميزان حسناتك ويعوضك فى بنتك
واللى يشوف مصايب الناس تهون عليه مصبته وربنا معانا
شوفى قصتى بتاريخ17/8/2012 فى قسم العلاقات الاسرية والاجتماعية بعنوان ماذا افعل مع زوجى وعائلته

حبيبتي اطلبي من وحده من البنات تشهد معك
هددي زوجك بان معك ادله وصدقيني ساعتها بيخاف
اخبري والدك يبلغك بان لديك ادله ترديه ورى الشمس ........ ان ماكف شره عنك
الحمدلله افتكيتي منه وبنتك ولا تعتب بيته وبلغي الهيئه عنه خلي المجتمع ينظف من هللاشكال

و اعوذ بالله هذا مريض نفسي
وش هذي الاشكال

يارب يصبرك ويجبر قلبك ويعوضك خير

حاولي تحتفظين بكل الادله وابحثي عن محامي اخر ثقه

ولا تعطيه بنتك مهما كان .........

يمكن هو تربي علي الميوعه وهذي الاشياء

لاحول ولا قوة الا بالله

اوف اوف اقسم بالله اني اسمع عنهم بس حسبته كذب ماتوقعت ان فيه كذا

شوفي اختي الكريمة اذا عندك صور له وهو لابس ملابسك وكذا وصور خليعه له

حلو وجدآ حلو احتفظي فيها

وذا رحتي للمحكمه قولي اذا كان الاب صالح لكان انا جلست عنده مو بس بنتي

بس الرجل لايصلح ان يكون اب ولا يصلح ان اكون بحياته

وعندي ادله وعندي كل شي ي شيخ

وذا سئلك وش الادله

قولي صور ومستعده اوريك اياه


وذا كان فيه تحاليل لشذوذه تقدرين تحجينها فيه

ثانيآ عندك شهود انتي الي هو الدكتور النفسي الي جيتوهه

وراح يكون الحضانه معك

وراح يتعاقب اشد العقاب من الشيخ

وبالعكس مفروض تفرحين وتستانسين انك ابتعدي عنه

الله يرزقك بزوج الصالح

__________________
* المقابِر مدُن ممتلِئه ، سُكانها غُلِفوا بَ الصمت الأبدي ، تُحكي مشاعِرهُم الوحده ، يُرقِبون دُعاءً يهتِفُ بَ اسماِئهم ، إياكُم و نسيانهُم . , !

أنتي ما اخطأتي أبداً .. حتى يوم قلتي لخالته اعترفتي بخطأج وندمتي وهذا دليل ان الي مثلج ما تطلع منه العيبه

وهذا ابتلاء كبيييير من الله لك

دائما لما يصير لج شي مثل هذا الابتلاء العظيم اسئلي نفسج .. ايش سويت .. هل لي ذنب؟ كل ابتعدت عن الله ؟

ولاتنسين "وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا" هذي قاعده معروفه

وبالذات لما تكونين انسانه نظيفه وقلبج ابيض.. انسي ان الله يخليج تبعدين عنه .. راح يختبرج ويبتليج ويفتنج فاعز الامور على قلبج عشان ترجعين للحق و للطاعه وتتقربين منه أكثر

وأكثر وأثعب الابتلائات صارت للانبياء والرسل واصلح الصالحين

أبيج تشيلين الشعور بالذنب هذا من قلبج تماما.. لأنه أكثر شعور ممكن يعذبح ويعرقل مسيرتج

انتي مب محتاجه لاحساس الذنب لانج انسانه واضح من كلامج تعترفين بذنوبج وتحاولين تصلحين

طليقج حطيت له احتمالات كثيره براسي.. اما مريض اما مس اما سحر.. ولكن

سواء كان فيه أي عله من هالعلل.. أنتي مو مجبوره تعيشين معاه

وبالذات بعد الفضايح الي سواها لج ولنفسه .. مو من صالح أصلاً ولا من صالح البنت تبقون معاه

ولاتنسين أنها بنت ووضع البنت في مجتمعنا مختلف.. لما احد يعرف عن ابوها وسوالفه

عشان هذا لازم ترفضين تماما الرجعه أو حتى الزياره للبنت.. لأنها ممكن تتعرض لموقف جنسي أو شي هذا انسان مريض ولاتستبعدين عنه الحركات هذي

وخلي قدام الناس كلها موضوع ان البنت تربت عند خوالها وامها وابوها بعيد عنها واااضح وضوح الشمس

عشان سمعتها ومستقبلها.. افضل لها يكون هالشي معروف بين الناس أنها مفصله تماما عن ابوها

وهي ماراح تتشتت لا تخافين اهلج ناس محترمين ومهتمين .. هذا بلاها في الدنيا انولدت معاه ورب العالمين ارحم عليها منج.. ماعطاها الا ماتقدر تتحمله

المفروض تعلمينها شلون تعيش مع وضعها ووضع ابوها وسمعته بكل قوه وثبات لأن لا تزر وازره وزر أخرى

حطي فبالج ان ممكن حد يعايرها.. ماردها بتعرف بموضوع ابوها شلون تعلمينها باسهل الطرق (لما تكبر طبعا وتوعى)

لازم تعلمينها تكون قويه وواثقه من عمرها عشان تستحمل وماتنهار.. نمي عندها الامور الي تعزز الثقه أولها الدين وبعدين العلم والاخلاق الحميده وحتى الجمال وحسن المظهر مهمين.

وبالنسبه للمحاكم والقضايا لا تخافين ابد .. أشوف أن المحامي حتى مو مهم

أنتي قويه بحد ذاتج عندج ادله لييين فوق

وشهود كثررر

أي صوره أو محادثه أو بنت من هالبنات الي عرفهم ممكن يشكلون خطر كبير فحياته قدام المحكمه

وادعي ربج قولي حسبي الله ونعم الوكيل.. وانتي متاكده ان من كان الله حسبه كفاه

ولا تعتقدين فهالدنيا في حق يضيع.. دام ربج موجود راح ينتصر الحق داايم أولا أو أخيراً..

وتذكري .. سبب وجودج سبب خلقج

ليش رب العالمين خلقنا؟ ( إِنَّا خَلَقْنَا الْإِنْسَانَ مِنْ نُطْفَةٍ أَمْشَاجٍ نَبْتَلِيهِ فَجَعَلْنَاهُ سَمِيعًا بَصِيرً )

الله خلقج عشان يبتليج.. وليش الابتلاء؟

لان بعد كل ابتلاء الانسان يكون اقوى واعلم .. ويتطور وينمو ويسموو..

صدقيني أنا قمة ابتلائاتي (والله أعلم) كانت في صغري.. وكنت أقول توني صغيره على الهم

ولكن الحين اقول الحمدلله على كل ابتلاء يارب.. لانه خلاني مثل ما انا الحين

الحكمه ماتجي من شويّ والمعرفه ثمنها غاالي

هذي مو حياتنا يا حبيبتي .. هذي دار الفناء.. تعلمي رساله ربج من الابتلاء الي عطاج داايم

ولما يجي يوم الحساب وتوقفين بين ايدين ربج رااح تحسين بالفرحه الكبيره الي تنسيج الهم كله لما يقول لج رضيت عنج.. وتقعدين تستعرضين كل الصبر الي صبرتيه وتفتخرين بنفسج وتحملج وصلاحج

ولاتنسين فعززز المصيبه قولي (اللهم اجرني في مصيبتي واخلف لي خيرا منها)

واللهي ماقلت هالدعاء مره الا وجاني الفرج بسرعه

سمعته عن الرسول صلى الله عليه وسلم أم سلمه وتقول يوم مات زوجها.. قالته .. خطبها و تزوجها رسوول الله صلى الله عليه وسلم.. وش افضل من هالفرج؟

وصدقيني راح تمر عليج ايام تذكرين هالسالفه ولا يتحرك لج ساكن

وتحسينها ماعاد تألمج ولا عاد تهمج.. رب العالمين راح يجبر بخاطرج

بالتوفيق

لاحول ولاقوة الا بالله ،، وحسبي الله ونعم الوكيل ... فاااااار دمي عليك والله حاسة بقهررك فوق شيييينه قوات عينه!! .. انت مو قد المسؤولية ولا بتربية ابناء ولا بزواج ليش تسوي نفسك عندك بريستيج قدام الناس؟!

حبيبتي بنتك ان شاء الله ماراح يقدر ياخذها وخصوصا اذا وصلت للمحكمة موضوع موقعه على النت وغير محادثاته وحركاته واتصال البنت لك وكل هالشي بصالحك ان شاء الله وسبحان الله اللي لين قلةب بعض الناس عشان زوجة المحامي تتصل وتحذرك وايضا وحده ماتعرفك ولاتعرفينه تتصل وتحذرك وكل هالشي من طيب قلبك ودعواتك ودعوات والدينك الحمدلله ...

حبيبتي اهم ما بالموضوع هو انك تحصلي حضانة كاملة لبنتك يعني حتى لما تكبر ومايكون له مجال للاستئناف بالقضية واعتقد قضية الدعارة هاذي تكفي وتوفي عشان تبعدين هالامور كلها عن حياة بنتك ... وربي يبعد عنك وعن بنتك كل شر ويمسح على قلبك ويريحك وينتقم من كل ظالم ويرجع لك حقك ويريح بالك ويخلي لك بنتك بحضنك ولا ينزل لك دمعه عليها ابد يااااااااارب