ألف سلامة عالوالدة ربي يشافيها ويعافيها
ويقومها بالسلامة ..
ربي يحبر بخاطرك وتمضي هالفترة عليك
بسهالة

__________________

اسال الله ان ييسر امورك ويشفي والدتك ويحفظها لكم يا رب

الله يحفظها ويشفيها يارب ويكتب لك الاجر ويسر جميع اموركم

__________________
سبحان الله وبحمده

اسأل العظيم رب العرش العظيم ان يفرج همك
ويشفي أمك
ويعينك على برها

جزاكم الله خير جميعا على الدعوات الطيبة ..
أمس رجعت من السفر ..
والدتي صحتها لا تسر ..
الله يكتب أجرها ..
صابرة ومحتسبة والله يعلم ألمها وتعبها ..
يوم الخميس طلعت من المستشفى ورجعت البيت ترتاح شوي وتغير نفسيتها ..
واليوم بترجع المستشفى .. لها جرعة تاخذها بالوريد .. وبكرا ألتراساوند عشان فيه ماي متجمع ببطنها لازم يحطون أنبوب للخارج عشان يطلع الماي ..
مسكينة أمي تعبت .. ياليتني أقدر آخذ تعبها ..

أبوي قال لي روحي المستشفى اعملي فحص سرطان الثدي أنتي وأخواتك ..
وانا خايفة .. أقول أعيش وأموت وما ادري شفيني أحسن ..
العلاج بروحه تعب وعذاب .. ما ودي اتعالج لو طلع فيني شي ..

الحمد لله على سلامتك
الله يشافيها ويعافيها
ان شاء الله ما بيطلع فيكي الا كل خير
ادعيلها رمضان قرب ان شاء الله رب العالمين بيستجيب و خلي بناتك يدعولها دعاء الاطفال مستجاب

__________________
سبحان الله والحمد لله ولا اله الا الله والله اكبر

قلبي معاج يا أم الدانة.

ودعواتي ترافق الوالدة .. أسأل الله أن يخفف عنها ويكتب لها الأجر.

__________________


اللهم طِيبَ الأثر .. وحُسْنَ الرحيل.

يآرب يآرب يآرب تشافي أم الدانة ...
وتخفف عليها ماأصابها وتكتب لها الأجر والشفاء العاجل
أسأل الله ان يثبتك على بر والدتك ويجعله أجرلك ومكسب للفوز بالجنة ..

وبإذن الله تفرحو بشفاءها وعافيتها مافي مثل الأم الله يخليها لكم دوم سالمة..

__________________

ماقصرتوا يالغاليات ..
الله يبعد عنهم وعن أحبابكم السوء ..

صعب تغيري ناس مثل كذا

حاولي انك ما تهتمي وتعاملينها ببرود وعدم مبالاه

مثل قولي لها انا كنت تعبانه ما أرد ع احد رغم الكل يدق
ويسأل ويدقوا ع أهلي ًيسألوا

استهبلي عليها

عشان ما تتعب نفسيتك وصحتك ولا تدققي ولا تتوقعي الأفضل

مشي وسلكي


وسلامتك الف سلامه ما تشوفي شر