اختي الكريمه

نصيحه مني لك

ابدا لا تأخذي بكلام من يقول لك بانه من حقك تمنعي اهل زوجك من دخول بيتك في غيابك

وانتي حتى لا تفكري كيف توصلين تفكيرك الخاطئ والمحرج والمزعج والسخيف لزوجك انا هنا اتكلم عن الفكره وليس شخصك

انتي انسانه واعيه وعاقله ان شاء الله

لذلك لا تجعلي زوجك ينظر اليك بتلك النظره

اذا كنت من النوع الذي لا يدخل اخواته واهله شقته الا بحضور زوجك او بإذنه حتى
فزوجك ليس كذلك

ويبدو انه حنون وفيه خير لاهله واخوته وهذا دليل بأن فيه خير لك

اختي اغلب الاعضاء تضايقوا من كلامك ومن رغبتك الغير مقبوله ومرفوضه
فما بالك بزوجك وهي اخته

تخلصي من هذه الافكار المعقده
ان هيبتك تزيد لو اخوك فهمهم ما يدخلون بيتك في غيابك
وان لك خصوصيه لو منعت حماتك من دخول بيتك في غيابك


يا اختي
قولي يا هلا ومرحبا باختك والله
ان شاء ضيفتها وما فشلتني فيها

والله تكبرين بعينه

موضوع التحليل ايش اللي يفشل في الموضوع
حتى لو حامل مثلا خير وبركه
اعتبريها اختك واتركي الحساسيات ستجلب لك فجوه بينك وبين زوجك




نصيحه تقبلينها مني

لو انا مكانك كان زعلت
مايدخل البيت اي حرمه وانا ماني موجودة ورجال بكيفه لان بيجلس في المجلس
لكن الحرمه بتتحرك براحتها واكيد البيت في اشياء خاصه فيا مااحب احد يشوفها
لكن في حالة الضروره عادي اصلا باعذره ويتصل علي اجي
مثلا اخته جايه تزوره يعتذر باي شي ويقولها الله يحيك بكره
واحنا من عاداتنا ماندخل البيت وصاحبته غير موجودة حتي لو بيت اخوي
اقولكم ع موقف
مره امي فتحلها خالي باب شقته وقالها تفضلي وقال والله ام فلان خارجه كان بيكلمها بموضوع
والله مارضيت تدخل قالت ماادخل وزوجتك خارجه وكان بيضغط عليها وقالت اللي ماارضاه لنفسي مارضاه لغير
وقالت تعال لبيت الوالده لان ساكن بنفس عمارة امه او حتي في السياره

وشرعا صح مالها حق تمنعه لكن من باب الود محبته لزوجته مايدخل حريم البيت وهي خارجه
زي مااحنا ننظف ونغسل ونطبخ وهو شرعا مو من واجبنا بس لمحبتنا لازواجنا

شوفي انتي معاك حق في شيء وغلطانه في شيء ..
معاك حق في طلبك ان يكون لك خصوصية في منزلك وان لايدخل المنزل احد في غيابك فربما يكون البيت يحتاج ترتيب او غيره وربما لاتريدين لاحد ان يعرف امور خاصة فيك وفي زوجك واطفالكم وبالتالي من حقك ان تعرفي من بالبيت ومتى واين سيكون موجودا ..
انتي غلطانه في انك حددتي اخته او احد من اهله فهؤلاء ليسوا غرباء وهو يمون عليهم مثل مايمونون عليه وكمان بالتالي ليس من حقك منعهم من دخول منزل اخيهم في اي وقت ولكن حتى لاتشعري انتي بانهم انتهكوا خصوصيتك في حال تكرر الموقف في غيابك مثلا وحتى لايتكرر عليك بكل بساطة ان تكوني جريئة شوي وتتكلمي بصراحة شوي مع زوجك وتبعدي عن اللف والدوران وقولي كلامك بشكل واضح .. حبيبي اذا احد بيجينا البيت حتى لو اهلك بلغني قبلها بفترة ولاتقولين ابي ارتب البيت او ازين .. كوني صريحة معه عشان يفهمك واذا قال لك ليش قولي عشان اخاف اكون برى البيت وانا ماحب احد يشوف بيتي في غيابي وبكذا انتهى الموضوع ولو صار وجا احد من اهله فجأة وماقال لك بيكون موقف استثنائي ومايحتاج تركزين فيه ..
لابد من المصارحة في هالامور والابتعاد عن اللف والدوران ..

أبدا مافيها شيء
الا غرفه النوم طبعاا..

__________________

الحق معك،،
الضيوف في غرفة الضيافة،وباقي البيت من الخصوصيات،انتي ماتدخلين احد الا بإذنه،ولايدخل بيتك احد الا بوجودك

كلن حسب عاداته، الغالبية يشوفوه شئ عادي والبعض يتحرج ويشوفها خصوصية

اطلبيه باسلوب حلو الضيوف حدهم غرفة الضيافة،،

هل أم زوجك عادي تدخلين عليها باي وقت وبدون زوجك ؟
وهل تدخلين غرف خواته متى ماحبيتي؟

اذا نعم فالله يعينك لانك أنتي اللي جبتيه لنفسك
لكن اذا لا دائما بيني لزوجك ان خواتك أنتي بيجون فبرتب البيت وكذا حتى لو هو مرتب
وضحي له انه ان البيت يحتاج ترتيب زيادة اذا بيجون لكم ناس
لين يتعود ان مو مقبول يدخل أحد بيتكم بشكل عشوائي لازم يعلمك علشان ترتبينه وتسنعينه
وطبعا مثل ماتعاملين اهلك عاملي اهله يعني أنتي بعد خليه يشوف بنفسه ان خواتك مايجون فجأة

اقتباس:

المشاركة الأصلية كتبت بواسطة نسمات البرد احبك يا مهره وتعجبني ردودك وانبساط اذا شفتك رديتي على موضوعي لكن هنا أنبهك على شغلة صح يمكن غلط اذا كان عندي بيت وبعيد عن الأهل ممكن يكون الوضع مختلف عني وانا شقتي صغيره وبنفس بيت الأهل يعني دخول اخته في غيابي معناه كل أموري الخاصة صارت على المكشوف اذا أنا تواجدت بالبيت أكيد بأحرص على غلق الأبواب او أشيل الحاجات المحرجة زوجي أكيد مراح يفهم هذه الأشياء وانا وضعت هذا الموضوع مو تجادلوني لديه طالبت بالحرية أنا ابي افهم زوجي موضوع خصوصية زوجته في شقتها وكفى

الله يحبب فيج خلقه يا نسمات .. ويسعدج ويرضيج.

وجهة نظركِ واضحة .. ولا أحد يمكن أن يجادل في حريتكِ واستقلاليتكِ .. وشخصياً أؤمن بأن البيت بيتكِ كما أنه بيته.

ولكن أن تقولي لزوجكِ: لا أريد لأحد من أهلكِ أن يدخل البيت في غيابي .. فهذه صعبة يا نسمات .. وكما قالت الدانة هو تصرف معيب وفيه من عدم اللباقة ما فيه.


بعدين ما عليه .. زوجكِ ما راح يفهم يعني شو يتفقد البيت ويشيل الأشياء المحرجة قبل دخول إحدى أخواته .. وتعتقدين أنه سيفهم موقفكِ عندما تطلبين منه عدم السماح لهن بالدخول أساساً؟!!

بالعكس .. تفاهمكِ معه والاتفاق على ما يجب عليه فعله قبل استقبال إحداهن ستجعله يفهم وجهة نظركِ بشكل أفضل .. سيفهم أن هدفكِ بالفعل هو الحفاظ على خصوصيتكِ وأسراركِ وليس الإساءة لأخواته ولو بشكل غير مباشر .. وسيسايركِ وينفذ طلبكِ بكل هدوء .... أما (أختك لا تدخل في غيابي) فستستفزه وتثيره وتحفزه ضدكِ .. حتى لو شرحتِ بعدها وجهة نظركِ عن الخصوصية والحفاظ على الأسرار .. وكل ما ستسمعينه منه: (انتي ما تحبين أهلي) (وانتي تبيني امشي على كيفج) (وهذا بيتي أدخّل فيه اللي ابي ومب من حقج تعترضين) ..... إلخ ... وأنتِ بالتأكيد في غنى عن كل هذا ولا تريدين بالطبع أن يتصاعد الأمر لهذا الحد.


استهدي بالله واسمعي الكلام

__________________


اللهم طِيبَ الأثر .. وحُسْنَ الرحيل.

انا مع نسمات البرد برأيها
لكن الموضوع مو بس عن الخصوصيه
اذا احد بيدخل بيتي لازم اضيفه واكرمه
حتى لو كانوا اهلي
واجهز القهوه والشاي والعصيرات والحلويات
وهذي النقطه الرجال ابدا مايهتمون لها
يعني اقصى شي يسوونه كوب شاي
وليتك يا نسمات تلمحين لزوجك من هالباب

بالصراحة انا مالخذتها من باب الضيافة والاستقبال
يمكن طلعت تبغى غرض من المطبخ او تبغى اخوها في سالفه معينه وراحت يعني ماجت زياره مخصوصة
فرق بين الاستقبال للضيوف وبين زياره خفيفه لغرض محدد فقط
واغلب العوائل الكبيرة الي ساكنين مع بعض تصير بينهم هذي المواقف

مو حلوه الوحدة تقول لزوجها اهلك لا يجو في غيابي فيها انتقاص لقدر زوجها

__________________
ريم نواف سابقا

نسمات بس وضحي لزوجك وش تبين بضبط.
انا معك ما أحب احد يدخل بيتي وانا مو موجوده ،، لي خصوصيه في البيتي
مو مشكله تجئ تجلس في غرفه الحريم بس تجلس تتمشى في البيت انا ما أحب كذا
بنسبه لخواتي اذا جوني في البيت عادي يدخلون اللي يبون
فيه فرق بين خواتي و خوات زوجي بس غرفه النوم مستحيل احد يدخل
انتي تفاهمي مع زوجك قولي له افضل تكلمني تعطيني خبر اذا بيجي احد عندي عشان اذا فيه حاجه أعلمك عنها
وبس