حلو عشان تشتاق لها أكثر
وانا أحس لو اني متزوجه وبعيدة عن زوجي أحس اني فاقدة شي مني
مثل جوالي لما يخرب ع انه جماد بس تعودت عليه أحيانا ابكي لأن خلاص صار جزء مني

الله يزوجك عاجلا غير اجل وتحسين بالي نحس فيه وتصيرين تكتبين عن مشاكلك مع سي السيد ..!

المرأة غالباً تقلق من غياب زوجها وتدعي بالدعاء المأثور اللهم استودعتك زوجي وقلبه

وطول الوقت اتصالات ...من معاك....من جاك ...وين رحت ....من شافك ..

واستغرب لماذا بعض الأزواج يشتاقون لزوجاتهم وبعضهم الأخر يعتبرونه أمراً عادياً
هل هو راجع لشخصية الزوج وتقديره لدور الزوجة في حياته أم قدرة الزوجة على تعليق الزوج بها ..؟؟؟

انا احب هالنوع من القلق واستمتع فيه واشعر ان زوجتي تهتم لامري وانها معي حتى لو كنت بعيد عنها ..
ماعندي مشكلة ابدا .. ان اكون محور الاهتمام .. مثلما اهتم بها تهتم بي ..
الموضوع بنظري شخصي بحت .. ويختلف من شخص لاخر ..

انا ع طول بيت اهلي وهو عند اهله
نفتقد بعضنا لكن لازم يكون 3 الى 4 ايام عند اهلي
علشان البنوتة وضع مؤقت
لكن قبل كنت احس انه يعمل مشاكل عشان غيابي
لكن الان عادي اغيب يقول علشان راحة بنتي
اما انا مرتاحة في بيت اهلي وعادي يمشي اليوم

الله يسعدكم .. ويديم المحبة بينكم

الحال من بعضه
حاليا زوجي مسافر لمدة الشهر
واول مرة من زواجي يسافر لوحده
قررت انها تكون اجازة سنوية لي
ولكن زوجي رافض اطلع مع اهلي بغيابه او ابات عندهم

بما اني ساكنة مع اهله .. فيريد اتم فالبيت و اذا اريد زيارة اهلي فابوه بيوديني
فالبداية اذمرت عالقرارا اللي حكرني فيه
بس مب مشكلة
مابخرب اجازتي .. بستقبل صديقاتي واهلي عندي
وبطلع مع اهل زوجي .. ها مسموح

اممممم
اليوم ان شاء الله ببدا برنامج رياضة .. مشي ونط حبل وشوي تمارين لشد البطن
و بأذن الله ببدأ حفظ سورة البقرة

بالنسبة للوحده والشوق ووالخ
ما احس كثير بالوحده بحكم سكني مع اهله بس اكيد افتقده
لكن احاول اشغل نفسي عشان ما تسيطر علي الافكار

وبوافيكم بجديدي

في انتظار جديدك .. اعانك الله واعانني معاك ..

انا رجل بيتوتي
فاإذا غابت زوجتي وبناتي الايام مالها طعم عندي اقضي يومي بالنوم على الكنبة حتى الاكل مشي حالك.
اشتاق لصجة بناتي وطلباتهم الي ماتخلص الله يحفظهم لي .
لكن الشي الحلو ان زوجتي لابعدت عني تصبح عاشقة تعال شوف الدلع والاهتمام بي هذا الشي الي يحمسني ويخليني ارضى انها تجلس عند اهلها فترة ولا انا ماأرضى

الله .. الله وش الرومانسيه والحب يالوافي .. الله يهنيك ويسعدك ويخليك لهم ويخليهم لك