إنجازات ولد مطلقه مفاخر في امه
امي مطلقه علشان كذا ابوي مايبي يزوجني امي مطلقه جاء عمري 17 ودخلت سوق الغنم وبعت واشتريت وجمعت الريال علئ الريال وتخرجت واشتغلت وظيفتين دوام صباحي ودوام مسائي لمدة سنه وفتحت محلي الأول وسجلت في الجامعه وداومت الجامعه صباح وبعد الجامعه اروح لمحلي قاعد في لين الساعه 11 الليل وبارك ربي لي وفتحت الثاني وصرت أقسم وقتي بينها وبين امي وبين الجامعه ورممت بيت امي والحين ابوي يقولي مابقى الا ولد المطلقه ي علمني الصح من الغلط للأسف ليته مآ تكلم عن السبب الحقيقي أجل يقولي مافي عرس قبل اخوانك اخواني من ابوي للأسف دخلتهم معي 4 شهور وخسروني مايقارب خمسين ألف مو متهمين لأنفسهم مآ يبون إلا الفلوس وهم قاعدين أقسم بالله العظيم اني أعطيه مبلغ وقدره ويروح يعطيهم أياه اقول ي ابوي غلط كذا بيتعودون ياخذون منك مهم معتمدين على أنفسهم يقول عادي ي أبوك خلهم يستانسون كله من رأس العقرب الله لا يوفقه الله ينتقم منه الله يجعلها تحت رحمة من لا يخاف الله هي وخواتها الله يوريني فيهم عجائب قدرته حسمت أمري والليله بخطب بنت جارنا لا صار معارضت ابوي عشان اخواني لعنه ت لعنهم كلهم انا صنعت نفسي وانا بزوج نفسي الله يسامحه الله يحلله كل الي بقوله ابوي يظل اهو الي جابنيي الله يعطيكم العافية حبيت أعلمكم إيش صار معي ودعواتكم لي تكفون دعوة المسلم لأخيه المسلم في ظهر ألغيت مستجابة

اخوي عشريني ....

أبوك مابيزوجك حتى يزوج اخوانك ولا يبغاك تكمل دراستك ؟؟؟

لانه ترى ممكن مايستقبلوك أهل البنت الا بأهلك وجماعتك عاد تخيل لو أبوك يروح لهم يقول ولدي فيه وفيه...

بعدين ليش ماتعيش مع أمك أقعد معاها سنه وروح انت واياها أخطبو البنت الي تبغاها ...بصراحه أمك نعم الام وتستحق جلوسك معاها ماحرضتك ع ابوك رغم انه واضح قاسي شويتين عليك وقسوته طلعتك رجال فركز إهتمامك ع أمك وهي تخطب لك واذا ابوك رفض يروح معاك اطلب اخوالك او أحد اعمامك الي تعز عليه....

المهم لاتروح لوحدك خذ أمك ...تراني ناصحه لك عشان ماتتحطم لما يرفضوك ويسبك فيها ابوك ماسمعت كلامي تستاهل ماجاك....

والله أعطيتك نصيحه من واقع وكاني أعطيها اخوي الصغير ....والله يوفقك ويعينك ع دراستك تكملها وتتزوج بنت صالحه تعينك ع بر أمك...

اختي متفائله في السباق كنت المح له قبل بداية السنه وكان يتحجج بدراسة يوم صارت وظغطت عليه بين كل شي يقول انت مآ فيك خير انت تربية مطلقه لوني فوق رأسك كان تربيت عدل أحد يعرس قبل إخوانه أقوله انا الكبير يقول ولو انت وإخوانك سوا مآ يصير أعرس قبلهم وبنسبة ل خوالي وعماني مقاطعينا لهم كيف اروح وأقول لهم انا خذت موعد من جاري وقال بعد بكره تعالي طبعا مايدري انا وش أبيه فيه انا افكر أكلم شيخ قبيلتنا وبعدين خلاص عفت المره الي بخطبها ابوي وموضوع أخذ امي اكيد بأخذه وخاصتن البنت الي بأخذه امي تحبها ماني مأخذ وحده كذا وجاري على علم بمستواي المادي و العلمي واساسن اهو رجال فيه ومرته فيها خير وعياله فيهم خير وأهل خير يكفي كانو يساعدونا انا وأمي قبل وانا صراحه احبهم واحب اخلاقهم احسن مليون مره أخلاق ارحامي دعواتكم بالتوفيق و البركه

اساسن ابوي طلق امي وانا عمري ست شهور ومن ذاك اليوم وانا ما أنام إلا في حضن ها الله يخلي لي و ابوي الله يهديه ويغفر له

حين تربيك مطلقه ثق ثقه تامه انك ستصبح ذو شأن عظيم فقط اتق الله في نفسك وستصل إلى مبتغاك وستنكشف لك الدنيا والمجتمع و الصاحب الحقيقي البعيد و القريب العدو الشامت الله ارزقني برها و قر عيني بها و قر عينها بي

الله يوفقك ماعليك ب تتيسر ان شاء الله..

__________________
الحمدلله

الله يكتب لك مافيه الخير يارب

الله يجزاك خير الله يهيئ الخير من عنده

و الله طلعت رجال
الله يخترلك الخير و يوفقك يا رب

__________________
أبسط شيء في الأناقة نظافة قلبك

رجال وكفوا ، الرجوله مو في العمر الرجوله في الكفاح

الله يوفقك ويسهل لك امورك وتفرح امك فيك

__________________
وهل من مصير اخر ؟