كوين

نصيحتي لك ..

تعاملي مع اهل زوجك .. نفس تعامل ( زوجة اخوي التانية ) مع اخواتي ..
و انا فعلا تعلمت منها أشياء كثيرة ..

حتى اني صرت أعامل اهلي نفس اسلوبها .. و ارتحت كثير : )

1. جاملي .. جاملي .. جاملي .. جاملي .. الخ

2. قالولك مثلا كلي هذا الشي .. تعالي اجلسي هنا .. اعملي كذا ..
لا تقولي ( لا ) ابدا .. ابدا .. ابدا .. لانها تتفسر باشياء غلط عندهم و أشياء تانية في رأسهم ..

قولي ( واو .. بجد ! و اتهربي بعدين باي طريقة ..
اعملي كأنه جاكي اتصال .. تلفون .. اي شي )

المهم
لا تعطيهم مجال او فرصة انهم يتصيدوا عليك اي شي ..

3. لا تتكلمي كثير قدامهم و انسي ( العفوية ) أمامهم ..

4. و انت تكلمي بناتك .. تقصدي تمدحي ( ام زوجك ) بطريقة غير مباشرة قدام بنتك ..
يعني الكلام لك و اسمعي يا جارة ..

5. لا تحكي اي شي عن نفسك و لا تعطي أسرارك لهم

6. ضخمي افعالهم لما يحكوا اي شي ..
( واو .. خطيرة .. من جد ! .. الخ )

يعني بالمختصر

خليهم على قد عقلهم

يابوح ... واحد امه ماهي راضيه عليه ... كيف تبغيه يتوفق بحياته ..
انا اغلب الايام اصحى من نص ليلي من احلامي ابكي واضم زوجي ... اخاف افقدو

ابغى ارتاح واتطمن لحياتي معاه ...

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

مالذي يغضبها ؟
أ تكونين أنتِ من ضمن الأسباب ؟
فإن كانت كذلك ،
وَ أنت لا يد لكِ بذلك فما الذي يقلقكِ ؟


اطمئني وهدأي من روعكِ ، الله المطلع - عادل - ولا يؤاخذكِ بذنب غير ..

ألفّ الله بينَ قلوبكم

__________________

-
يَاربِ تمّم بالفَلاحِ مَسيرتي ..

روح صعبين مرا ..
انا الحمدلله اعرف اكسب الناس باسلوبي ...
اجامل كثير ... اسلوبي طيب ... لكن ماقدرت اكسبهم ...

ممكن مشكلتي بعفويتي ...

انا ماسرت اقابلهم ... حتى زواج اخو زوجي مترددة اروح او لا ...
لو مارحت ... ماما راح تلاحظ ان فيه شي .. ومااحب تدري عن معاملتهم لي ...
غير ان ابو زوجي راح ياخذ بخاطرة ... هوا الوحيد الي علاقتي معاه تمام ...

طبعا اخواته يتمنو اني مااجي ... لان وقت الملكة كانو مبسوطين اني ماجيت ..

روح .. انا ماهمني يتكلمو والله لو قالو عني زانيه ... معاد يهمني ...

بس ابغى اعرف .. ان لو بعدت زوجي عن اهله .. غلطانه او لا ..

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

ذكرتيني ببيتِ قصيد /
نافق تعيش وجامل الناس تنحب ،
وبيع الضمير تشوف كلن يجيلـك !

أصلح الله الحال

__________________

-
يَاربِ تمّم بالفَلاحِ مَسيرتي ..

بوح سماوي

للأسف .. هذا الي فعلا صاير ..
انا صراحتي و عفويتي هي الي سببت لي كل مشاكلي مع الآخرين ..

يكفيني انه نيتي تكون طيبة و اني أضمر الخير بداخلي للآخرين

كوين تعوذي من ابليس ليه هذا الكلام!
تذكري ان القدر موكل بالمنطق ..يعني لو حصل لا سمح الله الفرقة بينك وبين زوجك بترتاحين ولا هو بيرتاح

اللي يحصل بينك وبين أهل زوجك اعتبريه صدام حضارات وثقافات
وحافظي على رقي أخلاقك وحاولي ترتقين فيهم بتطبيق نصايح روح الطير ماشاء الله عليها
الحمد لله انتِ بعيدة الآن عنهم واحتكاكك فيهم محدود
ولا تنسين في ثقافتهم وعرفهم ان نقل زوجك وابتعاده عنهم شئ كبير وجريمة لا تغتفر
ومسألة وقت وتهدا النفوس لما يشوفون أخوهم مرتاح في حياته

ولوقدروا يأثرون عليه كانوا منعوه من الزواج بك من الاصل
لكن زوجك شاريك ياكوين .. لا تجيبين سيرتهم ابدا ولا تبينين انك ماخذه في خاطرك عليهم قدامه حتى لو هو اتكلم
قوليله كلنا قلوبنا بين اصبعين من اصابع الرحمن
ومهما أساءوا لك بالكلام .. لاتشيل في خاطرك يمكن فاهمين ان كثر الدق يفك اللحام ..اثبت لهم العكس وطنش

وبصراحة ماني فاهمة ليه امه رابطه رضاها عليه برضا بناتها؟

ومدام قدرتي تكسبين ابوه بتقدرين تكسبين امه حتى لو بينت العكس
مافيه ام مايهمها ان ولدها يكون مرتاح وسعيد في حياته
وصيه دايم يبر فيها ويتصل فيها حتى لوسمعته كلام مايعجبه لا يقطعها ابدا
ويزورها وياخذ لها هدايا كل مالقي فرصة

وخلي شعارك دايما
ازرع جميلا ولو في غير موضعه
فلن يضيع جميل اينما زُرعَ
ان الجميل وان طال الزمان به
فليس يحصده الا الذي زَرَعَ

والله يصلح الأحوال بينك وبين أهل زوجك
ولا تنسين الدعاء دائما ... الدعاء يصنع المعجزات يا أحلى كوين

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

روح
في النهاية ما يصح الا الصحيح
والله لو توصل المشاكل للسما ما أتنازل عن مبادئي عشان الناس

يكفي ان ربي مطلع على نيتي وهو اللي بيحاسبني مو الناس

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

روح
اتوقع اني اول وحدة قريت الموضوع
دخلته كان توه نازل وماكان فيه احد الا انا وانت
بصراحة كنت احاول اكون لطيفة في اختيار الفاظي لسببين:

1- انه مهما كان هذه اختك
2- ولاني اعرف انك من الناس اللي تحس بالذنب لانك تقدسين العلاقات الاسرية وتؤمنين بالوفاء

ماعلينا
ولكن اسلوب اختك صدمة صدمة
ماتخيل انه اخت تعامل اختها بالشكل هذا
امك قالت جملة:
عمري ماحسيت انها بنتي كانها ضرتي

اخ من هالجملة وصعوبتها على النفس
على العموم الحمدلله انت وصلت لافضل طريقة للتعامل معاهم
وهي لو استمرت راح تبقى الدنيا ادور عليها

الله يهديها


وبالنسبة لزوجك
فانا عندي ارحم الف مرة من طريقة اخوانك
على الاقل زوجك بالنهاية راح يلتزم باللي تلزميه فيه
اما تولي امرك لشخص ممكن يظلمك وقوي ويقدر يجبرك على شي ما تبغيه !

فاحس صعبة شوي

.
.
.

QUEEN حبيبة قلبي
مادري ان كان فيه فايدة كلامي الان وفيه فرصة للاصلاح
بس احس يا كوين ان مشكلة وحدة بسيطة جرتك انت وزوجك لمشاكل كبيرة عويصة

انت حبيبة زوجك واختياره ومستعد يدافع عنك بكل قوته
ولكني لا تلوميني حسيتك تصرفتي كزوجة بانانية
فكرتي باللي يريحك واللي انت متعودة عليه واللي يناسبك
نسيتي ان اغلبنا المتزوجات ننجبر نتصرف بتصرفات ببيت اهالي زوجنا غير عن تصرفاتنا الحقيقية

نسيتي ان انت من بيئة منفتحة وهم من بيئة متشددة
وعلشان تندمجي معاهم ويقدروا يتقبلوك كان لازم تاخذي شوي من صفاتهم او على الاقل تكون تصرفاتك بحدود المقبول عندهم

انت كانك حرصتي انك تعزلي نفسك وتاكدي لهم بسلوكك ان انت غير !!

مثل موضوع اللبس او اسلوبك الحلو في الكلام مع الرجال (المحارم عليك)
ان شاء الله تذكرين لما نزل زوجك الموضوع
انا وقفت معك 100% لان مهما كان موضوع اللبس مش مبرر للقذف وغيره

ولكن بنفس الوقت كان ممكن تفادي كل هذا يا كوين
بدال لا توصل للقطاعة وانت البنت الحبوبة الطيبة تتضطري تبعدي زوجك عن اهله من خوفك من شرهم
.
.

اللي تعمله زوجة اخو روح نفس طريقتي
يالله شكثر ااجامل ام زوجي وخواته لحد ما اقرف
مع انها خالتي
بس في بيتها اجلس وين ما تبي وانام وين ما تبي وامدح ولدها قدامها وماشتكي عليه نهائي

لدرجة مرة صارت بيني وبينه مشكلة كبيرة
انصدموا بجد
والله شفت اخت زوجي تبكي !
تقول فلانة وفلان يتهاوشون ! وانا مصورة حياتي مثالية وعاقلة قدامها

كل هذا ليش!
والله العظيم علشان عيالي يا كوين وحياتهم المستقبلية

وتعاملي هذا مو بس مع اهله الخاصين
زوجي قبيلته كبيرة
وكلهم يعيشون في مكان واحد عندكم يسمونها قرى ولكن نحن يسمونه (فريج) هههه نفس فريج ام خماس وشلتها واجامل عماته وحريم عمامه
والحمدلله هالطريقة اثمرت كثير و يوصل لام زوجي مدح عني ولله الحمد
.
.

ولا تقوليلي اهل زوجك غير .. اسمعي بحكي لك هالموقف
بين منطقتنا انا وزوجي ومنطقة اهله ساعتين

كانت اجازة وجلسوا عندي اخوان زوجي الصغار اسبوعين
يعني امه خذت راحة اسبوعين معاها البنات ويطلعوا براحتهم ويرجعوا
وانا عندي اولادها الصغار في الابتدائي والاعدادي
المهم كنا بنرجعهم بيت امه خلاص لانها طلبتهم
وعقبها نبي نروح انا وزوجي وعيالي فندق يومين (اول مرة يوديني وهي تعرف )

تضايقت امه وحاولت تكنسل الطلعة بس رحنا .. ولما رجعنا عندها نجلس يوم قامت ترمي الكلام علي
ان انا مطلقة وهي اخذتني لزوجي ( زوجي اعزب)
وهي لها الفضل
وقامت تجيب تفاصيل عن طليقي احرجتني
لان انا ماتكلم عنه نهائي في محيطي
المهم كنت بنفجر بس مسكت نفسي .. عادي توصل معاي اقولها خذي ولدج واخذ عيالي واطلع
لاني حسيت باهانة والله واذلال

تخيلي لو انا ما اسايرها كيف بتعاملني !

لا وازيدج من الشعر بيت
اخو زوجي الصغير مسفر حرمته برى كثييير وما تكلمت ولا فتحت فمها !!

المشكلة كل كلامها كذب وهي ما اختارتني
لكن زوجي اصر علي قالها ابي فلانة بنت خالتي
كانت تبي له من عائلة سلفتي اللي مبهدلة ام زوجي الحين ومبهدلة زوجها وندمانة ليش اخذت منهم !!
حتى اخوه مقهور وقاله ليتني اخترت مثل ما انت اخترت بنفسك !!

فيا ام ملك
اصلحي ما مضى خير لك
وسوي لك مجتمع خاص فيك تلبسي وتعيشي فيه مثل ما تحبي
ولكن اهل الزوج خط احمر عامليهم مثل ما يبون وانتهينا

واللبس ترى امره مقدور
الدنيا فيها الف ستايل مو بس ثوب روز ولا لجنز وبلوزة
فيه حلول وسط كثيرة
وانت ام الذوق والاناقة ما ينخاف عليج يا عسل
كلنا تعلمنا منك يا طيبة القلب

صدقيني اريح لج ولضميرج ولبناتج في المستقبل واريح لزوجج
بالنهاية هم اهله وانت بنفسج قلتيها
هو يحبهم وكانوا ايد وحدة قبل

فكري بكلامي
وشوفي كيف ممكن ترجعي تدخلي لهم بهدوء

ومثل ما قالوا البنات
تعوذي من ابليس وخلي عنك افكار الفراق
الصلح خير الصلح خير

__________________
الحمدلله الذي بنعمته تتم الصالحات

سحابه ياعسل ...
انا زوجي مافاتحت معاه الموضوع ابدا ... لاني مابغى الاجواء بينا تكون متوترة ... لكن عارفه وشايفة كل شي يصير من ورايا ...
وبالنسبه لامه ... ماانكر ايام تكون طيبه معاي .. واكتر شي لما نكون لحالنا .. لكن بوجود بناتها تتغير ...
والحمدلله زوجي مو مقصر مع امه ابدا ... وانا اعاملها بكل احترام ومقدرة كبر سنها ..

امين يارب ربي يصلح الاحوال ...

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك