ههههههه تخيلتها زي اللي في توم و جيري ..
معليش استحمليها لين تجي شغالتك ..
منها ينضبطوا اولادك ومنها تتعلمين كيف المعاملة اللي تنفع لهم ..
بس انتبهي منها .. الحرص واجب ..

أنا جاتني شغالتي الفلبينية من اسبوع الحمد لله ..

فاكهة لي عودة بس نقزت لك

ترى انا مخططة انها تعلمني الطبخ
تعرف تعمل محاشي و كوزي و كابلي و برياني و باشاميل

بس هي مخططة اني ازود راتبها
و راح ازود لها طبعا ..
بس ابغاها تجي منها

و متاكدة انها راح تجي منها ، لإنها ما راح تاكل طبخي هههههههههههههههههههه
طلعت موسوسة نظافة الآدمية خحخخخخخخ ، و ماتاكل دجاج و رز
راح اطبخ لها رز و دجاج كل يوم و اقرفها عشان تعلمني غصب

و لا تاكل المفرزات الي تشتريها من الطباخات ..
تقول لازم قدام عيوني اشوف الوحدة و هي تطبخ ..

جايبة ملعقتها و صحنها معاها

اللاااي حبيتها .. شغالة موسوسة نظافة ..
أحسها نظيفة جدا وبيتك نظيف من بعدها ماشاءالله ..

على فكرة مرة كانت عندي خادمة فلبينية جدا مهووسة بالنظافة .. ومهووسة ترتيب ..
وكانت كل يوم تزيد وسوستها .. لحد ماحسيت انه صادها الوسواس القهري (مرض يعني) ..
لدرجة لما نطلع تقفل غرفتها وبعدين تجيني تقول لي فيه أحد دخل غرفتي وشوفي باب الخزانة فيه خدش ..
وتقول لي شوفي المكيف تم تغيير درجته ..
وانا أقول لها تركوا البيت كله ودخلوا غرفتك بيسرقونها ..؟
واللص لو فتح الباب مايرد يقفله .. ولو بيسرق مهب فاضي يفتح المكيف ويغير درجته ..
أحسها صارت تهلوس ..
ولما بناتي يلعبون وينثرون الألعاب تقوم ترتب بنفس الوقت هم من جهة يرمون وهي تشيل وتعصب ماتبيهم يلعبون .. ولما ياخذون ملابسهم من الخزانة تعصب وتصيدها حالة نفسية لأن اعتفس ..
لحد مازاد الموضوع عن حده وبس ما استحملتها حسيت اللي فيها يزيد .. فلما كملت السنتين وراحت مارضيت انا غني أرجعها .. مع إن بيتي كان يلق لق من نظافته ..

اهلا اختي روح , والله ان الخادمه نعمه وبتعب تجي وبتعب تتفق معاها وكل شي معاهم بتعب
لكن شر لابد منه , على العموم , انا كان عندي اثيوبيه والله ماشاء الله عليها مسلمه ونظيفه وصغيره مره بالعمر ,
وهاديه وصح من السود لكن وجهها تحس فيه الايمان والهدوء وكذا

طبعا قالت باسافر وارجع , لكن جبت بدالها فلبينيه , وهالفلبينيه جلست يومين وقالت ما ابغى اطفال وزعلانه
, والان رجعتها المكتب وسرا الليل وحنا ماسرينا

لا وقالت لي بالانقلش لان ماتتكلم عربي وراتبها 1500
قالت المفروض تعطيني من نفسك فلوس اليومين
قلت لها اعطيك على زعلك ؟ ماشتغلتي شي

قبل شوية و أنا راجعة البيت ، الشغالة تعودت اني ارجع متأخر مثل أمس و قبله ..
و أمس و قبله - كانت حالات مختلفة - و اضطريت اتاخر ..

المهم ، موعد دخولي البيت ، الساعة 1 بالضبط .. غالباً لإنه السواق ياخدني و ياخد ولدي ..
و مرات اضطر ارجع لوحدي يا متاخر أو بدري ..

المهم ، سمعت الصغير يقول ( أاااأ .. أاااأ ) .. و تقول له ( طيب طيب )
و سمعت ولدي الوسطاني يقول ( آآآآآآآآ ) ، و أسمعها تصرخ عليه بصوت عالي ( هوووووووووووووووووووس ) ..

هي تكره الوسطاني ، و هو ما يحبها ..
مستحيل اتركه معاها لو اني فاضية بعد كذا .. بس الحلو انها ( تفطرهم و تأكلهم ) لما أكون برة ..

المهم ..
أنا وقفت برة البيت ، و اسمع من الباب أصواتهم .. لإني مستحيييييييييييييييييييييل أثق في أي شغالة لو ايش ما كانت ..
بس دقيت الجرس ، و فتحوا الباب .. و أول ما دخلت شلت الوسطاني و حضنته .. و قلت له ( حبيبي يا قلبي )
و على طووووووول طالعت فيها و قلت لها ( إيش هووووووووووووووس ؟؟؟؟ )

هي وجهها تغير ألوان ، و قالت كنت أكلم جوال ، مو ولدك ..
قلت لها اللي سمعته بالضبط ، و قلت لها صوتك واصل برة الشارع ..

هو قال كذا ، و انت صرختي عليه و قلتي ( هوووووووووووووووووووس ) ؟
ليش ايش فيه ؟؟؟؟؟؟؟؟؟؟

طبعا ما ابتسمت لها و لاشي ..
و ولدي جالس على حضني و أبوسه و امسح على راسه و احضنه .. و طول الوقت حبيبي وحشتني ..

.
.

المهم ..

غيرت الموضوع ، و رحت أعطيت جوالي للوسطاني يلعب شوي ..
و اخدت الصغير لغرفة النوم أنيمه .. و توووي داخلة بالعباية ..

قلتلها رايحة انيمه ..
جات ورايا و عملت رضاعتين حليب للاثنين ..
و جلست عالسرير و تشرح لي اللي صار ، و أنا عملت حالي مصدقتها ..
( وااااااااااا .. من جد ؟ .... يا الله ؟ ... أهااااااااااااا .. إنت عشان صوتك عالي ماشاء الله ، أحسبك تصرخي ..
يا الله .. بجد ؟؟؟؟؟؟؟؟؟ إلخ )

المهم عملت حالي اني ايوة مصدقتها ، لإني قلت خلاص اخد حذري برضو ..
و ما أحاول اتاخر أي وقت برة البيت .. و لو اخرج ، أخد معايا الوسطاني عالأقل ..
لإنه عنيد و صلب و خجول شوي ، و هي عنيدة و عصبية .. ما أبغاها تكسر شخصيته و تخليه خواف ..

بس هي تكلمني و تشرح لي و تحط يدها على رجولي الله يعزكم .. مثل الصديق لما يكلم صديق و يحط يده عليه هههههه ..
لإني كنت ممددة رجولي فوق السرير احاول أنيم ولدي

بس تقول لي إنه الوسطاني جاب العلاقة حقة الملابس ، و دخله في راس الصغير ..
و بيسحبه من رقبته ..

تقول خرجت العلاقة ، و هو يصيح يقول ( آآآآآآآآآآ ) و أنا قلت له بس ( هوووووس ) بشويش ..
عشان كنت بأعمل لهم حليب ..

قلت لها ( يا الله ،، من جد ؟ واو أحسن أخدتي من يده .. لا لا لا ما يصير كذا ) ..
مضطرين نتحملهم :'''(

طبعا هذا اخر موقف انا حكيته .. و الي حصل منها ..

بصراحة ..
قلبي ما ارتاح ابدا .. على قد ما حاولت احسن الظن ..
و جلست اقنع حالي انه صوتها هو كذا مرتفع و عالي ..
جلست اقنع حالي انه انا الي ادلع اولادي و هي تعرف تتعامل معاهم ..

.
.

المهم ..
كان الموقف يوم الخميس و كويس لانه الويك اند كان جاي ..

.
.

هي الشغالة جاتني ليلة الاثنين ..
و الثلاثاء اول مرة اتركها مع الاولاد و متعودة اولادي يتعودوا عالشغالة خلاص ..
و ارجع الاقي الاتنين يلعبوا مع بعض و الشغالات يمدحوا بأولادي انهم مريحين لو انا ماني موجودة
لما يشوفوني اولادي .. تبدأ المجاغة حقتهم بشهادة حتى اخواتي و زوجي و الابلات الي بالحضانة

.
.

الثلوث و انا راجعة البيت ..
ما دققت الصراحة و قلت اول يوم و يمكن خايفين منها !

لانها ماشاء الله ( جثة ضخمة ) .. عريضة و متينة و عضلات و بشرتها سوداء جدا" و صوتها عالي جدا ..
و كنت سمعت صوتها و انا راجعة من العمل .. من طاقة غرفة التلفزيون و هي تكنس و تصرخ ..
عذرتها لانه ولدي ما يحب احد يكنس الغرفة و هو يتفرج عالافلام كرتون .. و كنت ناوية اطردها
دخلت البيت و لقيته يشهههههههههق من البكاء ..

قلت بداخلي يمكن عشاني تأخرت الثلوث لظروف بالعمل ..

لكن ارتحت و تطمنت نوعا ما ..
لما شفتها فطرتهم و غيرت لهم ملابسهم و نظيفين و البيت نظيف ..

الربوع ما سمعت صوتها و لاشي و كانت الامور تمام ..
و رجعت البيت بعد العصر ..

و ولدي الكبير كان موجود معاهم بالبيت و اكيد تخاف انه يوصل لي اي شي
لكن الوسطاني لسى ما يتكلم مضبوط

.
.

المهم ..
اني في الويك اند قلت اجربها .. و ما ارتحت لصراخها الي سمعته الخميس من الباب
و هي ما تدري اني الخميس اخرج بدري و كويس ما بلغتها ..
و لا أقنعتني بالحجج و الحكاية الي ألفتها ..

و كنت مقررة الاحد احط المسجل و عشان أتأكد لا تكون تضرب اولادي لا سمح الله
خاصة الوسطاني لانه عنيد و عصبي ..

.
.

فيه كاميرات مراقبة ممكن تركبينها بالشقة وتشوفينها على جوالك
حطي وحدة بالصالة ووحدة بالمطبخ تشوفين كل شي أمامك

والله هذي ثقافه لازم تنتشر في كل بيت خاصه بعد مشاكل الخادمات ,
والكمرات انا شفتها متواجده في اقل محل الكترونيات
وفيها اما تنقلها الى تلفاز بغرفه ثانيه او مكتب الزوج في المنزل او في غرفة النوم ,
والان مثل ماقلتي اختي تنتقل مباشره على الجوال , وطبعا ماتكلف والنت على الجوال صار بكل مكان وفيه عروض انترنت ,

مرحبا , مساء الخير جميعا

حبيت اقول ملاحظه وللجميع للفائده
الخادمات مايعرفوا ان اطفالنا اخذوا بعض الكلمات وبيقولوها بحسن نيه ولانهم اطفال
زي مثلا المسبات المنتشره , والان اطفالي والله تعبنا معاهم لان اذا خالطوا اطفال في حفلات واجتماعات
ياخذوا منهم مسبات , وتعبنا معاهم في حل ننسيهم هالكلام , وطبعا اذا قالوها للخادمه بلحظة عصبيه يعني بالنهايه اطفال
, الخادمه تنجن وتعصب وتتوقع انهم قاصدين هذا الكلام من القلب والعقل , وتنكسر نفسها وتقول انا مو كذا وكذا
, وكانت الخادمات جيدات جدا الي عندنا لكن هذا الموضوع يقلبهم ويعصبهم وفعلا يصيروا يصرخوا ويقولوا هوووس بقوه مثلا
, فقط حبيت احذر من هذا الموضوع الله المستعان ,

ماتتبنيها احسن ياروح
شايفك منبهره بيها .
انا بعرف اعمل بيض مقلى برضه
روح ماتحطيش ثقتك كلها فيها
انا مش عاوز اخوفك بس شفت على اليوتيوب احداث مسجله بكاميرات مراقبه لما تفعله الشغالات ويصل للقتل .
مش حانخسر حاجه لو خدتى حذرك شويه
وياسلام لو تركبى كاميرات مراقبه وتسجل او تشاهديها وانتى بالعمل
يمكن نظرتك تتغير .