السلام عليكم ورحمة الله

انا كتبت قصة طلاقي في موضوع سابق
ما رجع واستجد .. هو زيادة تواصل طليقي والعذر تواصله مع بناته وبالامس صرح برغبته بارجاعي للمره الثانيه .
المره الأولي صديته رغبه مني باسترجاع جزء من كرامتي عندما تركنا بدون سبب حقيقي .
لكن بالأمس أعطيته فرصه بالكلام
وسائني اكثر ما قرئت منه ..
أوضاعه المادية سيئة ولا يستطيع يفتح بيت ثاني
لديه مبلغ مالي ويريد ان يشاركني بمشروع هو برأس المال ولنا بالعمل ولا اعرف مالغرض من هالشي ( عذره اعرف انك تعرفين تديرين المشاريع ) هذا صحيح لكن مو عذر عشان أشارك طليقتي بمشروع . قلت له شارك زوجتك او اهلك وانا بعطيك فكره لمشروع لكنه أصر ... وصرفته باني لا املك الوقت .
هو بالغربيه وانا بالشرقيه وتخطيطه ان يوفر لي سكن بالشرقيه اذا رغبت لكن لن يكون معنا دائما
يعني حياته الاساسية بتكون بالغربيه .
اعتذر واعتذر عن كل الي سواه فينا بدون الخوض بالتفاصيل .
وطلب ان نظل نتناقش حتى نلاقي حل مناسب
أمس ماقفلتها بوجهه بس اليوم اول ما قمت من النوم
كتبت له رساله وقفلتها بوجهه
انا سامحته من زمان لوجهه الله
بس داخلي كسر والله ما قدرت اتخطاه
غير اني احس انه يبغى يصلح غلطته
لكن مو من معزته لي .
ويمكن إحساسه بالذنب هو الي يدفعه لهالشي
انا متضايقه على حالي وحال بناتي
عندي فرصه أخليهم يرجعون يعيشون مع أب
لكن ما قدرت اتخطى كسره لي .
ويمكن عشان هالفرصه مشوهه من البدايه ومافيها. شي يدعوا للامل
راح ارجع زوجه ثانيه
الأحوال المادية سيئه
راح أعيش ببيت بدون زوج لين يشرف حضرته بالزياره .
غير اني شبهه متاكده بأننا لا نصلح لبعض .
اخواني وأخواتي
الي سويته غلط باني رديته ؟
هل انا انانيه لاني ما رضيت ب هالظروف الي عرضها ؟
غير احس اني رخيصه بنظره
كيف يرضى يعيشنا كذا
كأنه يحجزنا
وهو يعيش حياته كامله

انا جداً متالمه وأحس اني متخبطه .