لا اله الا الله
وش الطلاق يكبر المراءه
بطلوا تشائم
والله الكل عايش ومادرا عنا

جوابي ع سوألك
بسيط
نفسي علي عزيزه
ما ارضى لها الذل والضعف وربي كرمها واعزها

وان استهزاء او شتم او مد يده هذا دليل نقصه اهو وضعفه

مصونات طوري نفسك وتفائلي بالخير تجديه
واحسني ضنك بالله وابشري بالخير
وشوفي ردي الاول وراح تعرفين جواب كافئ ووافي
لاستفهامك وتعجبك مني .

اتمنى لك التوفيق والسعاده والتفائل والرضى والسعي للافضل

احتسبي الاجر
في كل ما اصابك
تجدين العوض الجميل

خائفة اختي أعطيكي عين .......

قولي ما شاء الله
بسم الله علي
هههههههههه

معليش ي مصونات المفروض انك قد تخطيتي مرحلة الم الطلاق
تتوقعين ان احد بيجي و يشيل حاله الهم و الحزن اللي انتي فيها
حياتك بيدك
دامك جالسة و حاطة يدك على خدك و تتحلطمين
فراح تبقين كذا لو فتحتي 100 موضوع

خواتي انا ضايق صدري الحين بالحيل ايش أسوي علموني امي ماتبغي تكلمني وصديقتي تصرفني وخواتي ماقدر اكلمهن وين اروح خائفة مرة من الدنيا انيً انجرحت وتبهذلت ولعن خيري وتلخبطت حياتي وتطلقت .........ماقدر أشوف الزين والشين بطلاقي.......انتظر ردكن خواتي واخواني

كلمت امي ماتبغي كلامي وين اروح......

ماحد يتحملني .....

يصرفونك لانك حزينه وتعبوا منك
حبيبتي ونسي عمرك وش لك بالعالم
اقري ارسمي شوفي برامج حلوه ادخلي النت سوي ماسك لشعرك
العبي رياضه

احمدي ربي انك من غير عيال ولا راح يزيد عليك التفكير
انا من كثر ما افكر في عيالي وبناتي وش اقول لهم بعد العمر هذا اللي المفروض اكون معهم فيه صرت ادخل غرفتي واصك على نفسي صرت استحي واحسني مثل الطفل اللي يبغى تعليم ما كاني متعلمه وجامعيه كرهت كل شئ حتى دراستي العليا كنسلتها ولا عاد كملتها
حتى الكتابه والاملاء صرت الخبط فيه ومعد قدرت اجمع الكلمات مع بعض
من كثر التفكير بعيالي ومستقبلهم وبالذات انهم في اعمار مختلفه صغار وكبار
انتي احمدي الله انك باقي ما عندك اطفال لا تحرميين نفسك السعاده ولا تلتفتيين لاحد ابني نفسك بنفسك والله لو ما عندي عيال لكان الحين في مكان وعالم اخر من كثر طموحاتي بس تقيدت وانربطت ماني عارفه كيف بنفك من همي

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »