يارب ساعدني
خذ بيدي وانسني همومي وكل مهموم يارب
جالسة اتصفح موقع ثاني مشاركة فيها مشاكلي مع زوجي
يارب على شنو احبه وانا لازلت مصدومة وغير متوقعة اني متطلقة
طق طقني
وخيانة وخاني
وزواج تزوج على وبنفس يوم طلاقي
واهانة كان يهيني
وديون مغرقني
وكان يستغل طيبتي في اشياء اسويها له وهي غلط بس سويتها علشان ارضيه
ومع هذا يقول احبك
وانا احبه
عفيه قلب شنو هالحب
يارب ان كان طلاقي وعدم رجوعي له خير لي فانزع حبه من قلبي

وش تحبين فيه ياخيّه ..ان لجسدك عليك حقاً،،التفتي لنفسك وبناتك واذا الله كاتب صلح خليها تجي منه

بعد مو بايدي
الحب اعمى

المراه اذا تطلقت زاد حب زوجها عندها لانها يمكن تكون محسوده او فيها شئ وان شاء الله ربي يعافيك ويشفيك من مرضك
انا نفس حالتك احبه واموت فيه بس كنت اطلب الطلاق وهو ما راعاني في وقت تعبي ونرفزتي برغم علمه بمرضي من الحسد والعين بل كان يزيد في المشاكل يمكن بسبب العين الحاسده مدري وحتى اني اقله 24 اكرهك وحتى كتبتها في حالتي في الوتس اب برغم حبي له والله العظيم بس مدري كيف كنت اتصرف كلهم يقولون يمكن سحر تفريق مو حسد بس مدري عن شىء
انتي لك رجعه حاولي الحين تنسين كل الماضي واتركي كل شئ ورتاحي وريحي نفسك مره حتى تروح عنك الامراض وتشفيين ولا تقررين الان واذا تزوج الله يستر عليه اهم شئ نفسك وصحتك عشان عيالك واذا لك نصيب راح ترجعين له

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

هذا هو فافضي لنفسي وارتاح
لاني انا تعبانه وهو مايقدر تعبي
بس المؤلم اني احبه وهو يحسب اني ما احبه
وما اعتقد بيحاول يرجعني وما ادري شنو اسوي اذا استلمت ورقة طلاقي
هل اشتكي عليه
والا اصبر
وهو لازم اشتكي على الاقل يتحرك ويسدد الدين اللي ما اخذه باسمي
واللي كل شهر تزيد المديونية لانه شركة ربوية

الدين اللي عليك حاولي تتواصلين معه بالحسنى لان لو طلبتيه في هذه الحاله راح يعاند ومرح تاخذي منه لا حق ولا باطل حاولي توسطي احد عزيز على قلبه هو بينكم عشان الدين مع اخبار الوسيط انك ما انتي حابه تروحي محاكم عشان ابو عيالك ومو هاين عليك جرجرته وانك تبغي تحلي الامور بالحسنى او اكتبي الكلام في رساله وارسليه له بس تكون مقتصره على
السلام واشرحي الحاله وانك مو هاين عليك تدخلي الناس بينكم عشان سمعت بناتك وحبك لهم وانك تخافي على سمعة ابوهم لانها شرفهم ومالك رغبه تروحي محاكم ومن هذا الكلام بس ترى محاكم من اولها ما انصحك مو عشانه بس عشان سمعت البنات لانهم راح ينقدون عليك اذا كبرو في المستقبل بانك جرجرتي ابوهم للمحاكم وكمان نصيحه من اخت لك لا تقوليين لاحد ان زوجك كان فيه وفيه حتى تحافظي على سمعة البنات لان سمعتهم غاليه وراح يجي يوم من الايام مو شرط الحين بعدين في المستقبل ان احد يعيرهم فيها
والله يسهل لك ويوفقك ان شاء الله

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

كلامك صحيح لكن قبل سنة تقريبا زعلت ونفس الشيء قلت لاهله ابيه يسدد الديون اللي ماخذها باسمي
والله تبهذلت قالوا لي اخوانه طلعي اوراق المديونيه ورحت لعدة مكان وطلعت اوراق تثبت اني مديونه وتوقعت بيسددون ولو جزء بسيط منهم وما سددوا ولا شيء
وما اعتقد بينفع معاه شيء
وانا قبل طلاقي قلت له نتطلق ودي وبدون محاكم ما رضي براحته

ربي يكتب لك الي فيه الخير
اصبري
اتركيه فتره وشيلي كل شيء من راسك
لاتفكرين باي شيء
فقط ريحي نفسك وجسدك
واقضي ماتبقى من الشهر الكريم
بين صلاتك ودعائك وقراءة القرآن والصدقه من احب ما تملكين والذكر والاستغفار
ربي يشرح صدرك وييسر امرك لما فيه خير لك
ربي يشرح صدرك

__________________
لا اله الا انت سبحانك اني كنت من الظالمين
(‏يَقيني دَائماً مُعلق بَأن فِي الغَيب شَيء جَمِيل يَسْتحق الصَبْر)

تحري ليلة القدر وأدعي ربك والله كريم
وان شاء الله تفرج وترجعون لبعض علشان البنات الثلاثة والله يكسرون الخاطر

ان شاء الله تنفرج
وبناتي ما عليهم بس اللي كاسرة خاطري الصغيرة دايم تبكي تبي ابوها