زوجك ما يستحي أجل حاط عينه على مبلغ بيروح لأرملة وأيتام ومين ياترى ؟ أمك وأخواتك ..! صدق ناس نفوسها دنيئـة لا وبعد يقولك قوليلهم زوجي رافض ههههه صدق اللي اختشوا ماتوا .. إذا أخوانك من وجهة نظره ( لأنهم رجال ) ملزومين في أمك وأخواتك وعيييب عليهم ياخذون من عندك فهو كذلك لأنه ( رجل البيت ) ملزووم فيك وفي بيته من إلى وعييييب عليه يحط عينه على فلوسك ويدور مساعدات من وراك، و لا حلال عليه حرام عليهم !

دام عرفتي معدنـه لا تعلمينه عن الصادر والوارد، وخصصي لأمك مبلغ شهري من راتبك طول ما انتي حية ما ينقطع عنها سواء كانت محتاجة أم لا، أما زوجك ف شكله ما يبين في عينه عشان كذا لا تكبين عليه فلوسك بدون حساب .. كل اللي أعطوا بدون حدووووود ندموا كثر شعر راسهم . تعلمي من تجارب غيرك .. خذي دروس مجانية !

زوجك صاير مثل الطفل المدلل اللي يبي كل شيء له ..! 170 ألف والظاهر إنتي مالك مدة طويلة من تزوجتي !! شوفيه ما جابت فيه نتيجة عند ( أول مطب ) قالك اجمعي أغراضك وروحي لهم !

أعطي لكن العطاء اللي ما يخليك تندمي بعدين .

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

لا وقبل كم يوم سحب لي فلوس وقالي غريبة كأن فلوسك ناقصة قلت له ليش وبعدها قلت له انه مو من حقك تسألني وين راحت .. يقولي اليوم ان هذي وقاحة مني اني اقوله مو من حقك تسألني كم راح من الحساب وكم بقى .. يقول كويس بالي واسع ولا رجال ثاني مايقبل .. بغيت اقوله لو رجال ثاني ماكان ينظر اصلا لراتب زوجته بس سكت ماابغى اكبر الموضوع اكبر من ماهو كبير..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

عموما
كل منا قاعد بغرفة لحاله.. حضرت له الفطور وتركته .. وانا مافطرت للان..
فطر وتوضأ ودخل ولبس ثوبه وطلع يصلي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

والله مافيها شي تعطي امك انا والله لو اتوظفت باعطي امي
رغم انها مو ناقصها شي بس من باب البر والاحسان بالام الغاليه
وعندي زوجي يعطي لامه مبلغ شهرياً
والله ولا قيد زعلت او اتدخلت مررررة عيب اصلا اقلو لا تعطيها !!!

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

فعلا مافيها شيء .. يقول البر مايكون بالغصب .. وهذا أنا اعلمك تجمعين لنفسك فلوسك اوك لو يصير عندك مليون مافكرت لكن تعطين اهلك واخوانك موجودين فماني راضي ابد

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

زوجك معاه حق اخوتك الذكور هم ملزمين بتوفير المصاريف لوالدتك
بيتك اولى براتبك لسد الحوائج المادية و لرفع الحالة المعيشية
الا لو كان اخوتك عاجزين عن توفير الحاجيات الضرورية عندها تعطي من راتبك لاهلك مع الاتفاق مع زوجك
اما كلام مثل هذا راتبي و ماله دخل فيه, فهذا كلام بعيد عن الواقع لان راتبه و راتبك الاثنين يجب ان يكونوا في خدمة البيت و الاولاد

لا يافاضل البيت له رجل وراتبي مو اولى فيه بيتي وزوجي ابد .. وفعلا ماله دخل براتبي لان انا ماعمري سألته وش سويت براتبك .. واعطيت مين ومااعطيت مين بالرغم اني عارفة انه قاعد يعطي اهله واخواته المتزوجات .. قبل كم شهر تعدل راتبه وصار حلو صار يكفي كل التزاماته بما فيها الاجار قبل اسبوعين وراني ايصال الرصيد لما سحب من الصراف وتفأجات ان ماعنده الا1600ريال وكان المفروض مايقل الحساب عن4500اقل شيء حق الايجار .. سألته عندك حساب ثاني قلت يمكن يجمع فيه قال لا..سألته قال مصاريف وسكت .. وجعني قلبي قلت اكيد لاجاء وقت الايجار بيطلبني اساعده وأنا وسبق واتفقنا انا وهو اني اشتري الارض واجمع للبناء وهو يتكفل بالمصاريف كلها بس الظاهر انه يقول في نفسه خليني اصرف على اهلي من حسابها..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الحين باقي مسألة قسط السيارة هالشهر ماعطاني بالرغم ان للراتب ثلاث ايام نازل .. كيف اتصرف معه؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

يا أختي معرف شو وضعج بالضبط ..
بس تقوليله مو من حقك تعرف وين اصرف فلوسي ، وهو مجرد سأل سؤال، بصراحه فيه غلظه !!
أنا مع ردود الأخت مكلومة 👍

__________________
"إنه ليقف خاطري في المسألة والشئ أو الحاجة التي تشكل علي فأستغفرالله تعالى ألف مرة أو أكثر أو أقل حتى ينشرح الصدر وينحل إشكال ما أشكل"-ابن تيمية.

انا ماقلت له لما سأل السؤال انه مو من حقك تعرف وين اصرف فلوسي.. أنا قلت له لاعاد تسأل وتحاسبني..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..