تكبير المشكلة يا اختي كان من طرفها بعد ما اتهمتني على عدم احترام اهلها .. وهذا الكلام غير صحيح ماشافوا مني الا كل خير هي فقط لحظة الوداع ممكن كانت قاسية واتحسسوا منها وهذا لا يعني انهم غير جديرين بالاحترام يعني عشان هذا اليوم خلاص جحدت السنين اللي راحت من المعاملة الطيبة ؟ .. وانا مو ساكن عندهم هي زيارات متفرقة لحين الحصول على بيت .. بالنسبة للاحراج فالشكوى لله .. تحدثت مع ابوها وكان يخفف عني وما اشيل بخاطري وان الامور ان شاء الله على مايرام وهو راح يتفاهم معها .. ولو انهم مالهم احترام ماكان اتصلت عليه اليوم الثاني .. ووالله انه اخر شي كنت افكر فيه انه يتدخل طرف ثالث من اهلها لكن اضطريت لاني احسست انها تريد تدخل وانها مستاءة من المعاملة.

بخصوص اعلام الامهات بالموضوع اكثر ما نرفزني انها قالت "اوريهم الكلام" .. وانا تحدثت مع ابوها باختصار المشكلة وليس ارسال مايدور بيننا برسالة لجواله !

على العموم الله يهديني ويهديها الى سواء السبيل والله يبعد عنا الشيطان

مش المشكلة المبدئية كلمتها

ارجع للبداية.. طريقة حياتكم كلها اقصد

كل شي كنت تشوفه ماله لزمة هو اساسيات

اذا فقدت

فقدت زوجتك احترامها لك

__________________

اختلافي عنك لا يعني اختلافي معك

وهل من الممكن انها تفقد احترامها حتى لو اكرمتها ووفرت حقوقها .. هل بسبب حساسية زوج ممكن انها تفقد المرأة احترامها له ؟ .. تكفر العشير وتجحد السنين ؟

وهل من تصحيح ؟

انت المخطي وتتحسس لأنك جيتهم وماعندك سيارة -بصراحة عندك خطأ في الاسلوب مع اهلها وباين اهلها حليوين يعني أحسك أحرجتها مع أهلها . مالومها
و الله أعلم

لا اخوي ما اتحسست لانه ماعندي سيارة وهي ليست المرة الاولى .. دايما اجي واوقات اخذ سيارة اايجار .. لكن هذي المرة جيت عشان اقعد مع العائلة قبل بداية دوامي ومافيها شي لو جلست في البيت ماكنت متحسس ابدا من هذا الامر

واهلها ماقصروا معي ومافيهم الا كل خير وبركة .. لكن المشكلة اقحامهم والخلاف بيني وبينها على اي اساس انا غير محترم الاهل ؟

الحساسية عندك اظن اساسها اصلا انك ساكن عند اهل زوجتك..

لا مو من حساسيتك اخي الكريم.. مع استنكار

زوجتك بحركتها قصدها تلحلح سو شي

تقصد وفر سيارة.. يعني حتى ماشاورتك وتكلمت الا عشان تبادر وتعارض وتوفر سيارة

اذا فهمي المحدود صحيح فهو كذا

__________________

اختلافي عنك لا يعني اختلافي معك

لا اختي انا مو ساكن عندهم انا ساكن ببيت اهلي بالسعودية لحين توفر بيت ان شاء الله في القريب العاجل بعد حصولي الان على وظيفة من ثم الاستقرار .. والسيارة موجودة بالسعودية ودايم نطلع .. لكن جلست عندهم اخر مرة اسبوع وماكان لها لزمة وليست اساس المشكلة السيارة ابداً لاننا تكلمنا عن هذا الموضوع بيني وبينها وكل الامور على مايرام

انا نسيت كل شي الان ويعلم الله اني ناوي الصلح لكن جملتها مؤثرة فيني بشكل كبير

والله انك غلطان وغلطان وغلطان

ومتناقض تماماً

نادرا ما احد يحصل ام زوجة رائعه مثل ام زوجتك

ياخي تناديك ولدي وش تبي زياده وتحلف عليك ولدها يوديك للمطار

وتلحقك بتسلم عليك عند الباب وانت حاجز سكيتي وبتسافر ولا بلغت الناس اللي استضافوك واعتبروك ولدهم مايصير بارك الله فيك

اللي مستغرب منه انك ترفض اي وساطه ان اهلها يقولون لها شي وتوصله لك وبنفس الوقت تطلب منها اشياء واعتذارات توصلها لاهلها

لاتناقض نفسك تحب اخوها يكلمك وابوها يكلمك انت بعد لازم تبادر وتكلمهم بنفسك مو توصي زوجتك تكلمهم لك وتعتذر نيابة عنك

ثم عيب تسكن عند الجماعة وتسافر فجاه اكيد ما حجزت انتظار ولا حجزت فيوم وليله حجزك من فترة ليه مابلغتهم ياخي انت اجازة وتغير جو وعفست الدنيا

وش فيها لو جلست مع اهلها وسمرتوا وضحكتوا وطلعت مع ابوها وامها وزوجتك وطفلك وزرت عمها

ترا شخصيتك وانعزالك واحساسك انك عبئ عليهم بيدمرك وما شفت بالاحداث اي اهانة لك

بالعكس انت اللي تتصيد الاخطاء


اصلحك الله تمسك بزوجتك واهلها ولو انا مكانك اعتذر منها واكلم ابوها واعتذر منه واقوله اني تمنيت اجلس اكثر لانك مثل ابوي وانتوا اهلي واذا قصرت او الفترة الماضية تغيرت فانا كان عندي ظروف والحمدلله الامور طيبة

خلاص انت توظفت واكيد زوجتك بتجي عندك مع طفلك لاتخليها تفقد جو اسرتها والسهر والوناسه الى بيت من كلمة ومزاح تقلبها جد وتعطيها ظهرك ياخي ازعل وخلك مقابلها

الله يهديك بس والله انك مناسب ناس قليل بحقهم كلمة رائعين

اخي الكريم والله لا مو قصد اني ارفض وساطة ان اهلها يكلموها عني وتوصله لي .. لكن هي قالت بالحرف الواحد تروح معهم ؟ قلت لا .. وبعد سفري تقولي ترفض طلبهم ؟ اي طلب محد طلب مني .. تقولي امي تقولك تعال وترفض طلبهم ؟ .. هنا زعلت وقلت ليش ماقلتيلي انهم طلبوني ؟ ليش سألتي اروح او لا فقط ؟ .. وازعل من اخوها لمن يكملها يا اخي ما ابي حواجز يعلم الله اني احبهم ما ابي يتواصلون معي بهالشكل من وراء حجاب عادي ياخي عندك شي تعالي بالعكس تحببني فيك اكثر واحنا رجال مابيننا .. والاعتذارات اللي كنت ابيها توصلها للمصلحة العامة ويهمني هالامر حتى مستقبلاً لو هي فرضاً جات البيت ولاحظوا امي او ابوي عليها شي بعتذرلهم واحاول اهديهم انهم ماياخذوا في خاطرهم .. لكن هي بيّنت انه هالشي مو من اختصاصها واني انا المسئول .. طيب ما اختلفنا بس انتي ابد مالك دور ؟ يعني عادي تسمحي لاهلك يستنكرون او مثلا يزعلون وانتي واقفة بلا حراك ؟ .. لازم يكون لك دور هنا وانا اتصرف بعدها مو مشكلة

قلتلها جدتي يوم رحتلها سألت عنك وقلتلها انها سافرت لانه عمها تعبان وهي اصلا كان عندها اختبار لكن لفيت الموضوع عشان لا تاخذ جدتي بخاطرها منها .. قلتلها شوفي الفرق بين تعاملي وتعاملك ابغالك الخير وما ابي احد يتكلم علينا تقومي انتي تقوليلي انت مسئول ؟

وكلامك صحيح انا اخطأت وحساسيتي ادركتها بعد تفاقم المشكلة يجب وضع حد لها من الان وصاعداً .. لكن غض النظر عن المشكلة وماحولها .. انا حالياً في صدمة من جملتها الاخيرة يا اخي وتقولي ارجع واتصل عليها ؟ .. انا لا اكابر لكن عزة نفسي لا تسمح

السلام عليكم ورحمة الله وبركاته..

أيها الأستاذ الكريم...

هل الحساسية لديك نتجت عن مواقف في الماضي قبل زواجك؟!

حياتكما ماشاء الله تبارك الله جميلة، فقط ماتحتاجه كن أكثر مرونة في التعامل..

واجعل المصارحة والحوار دوما وهذا يجعل كلا منكما يفهم إحتياج الآخر..

أمنياتي لكما بحياة مليئة بالسلام والحب و الإحترام..