أي بنت بمكانك راح تنجرف معاه ، وأولهم أنا ، ألاقي اهتمام ومعاملة حلوة من رجل وأكرهه ؟
لكن أول ما انجرف معاه هو بيطلع زي الشعرة من العجين ، وانتي سمعتك بتكون ع كل لسان ، محد بيقول مسكينة هو تمادى معاها وزوجها مسافر عنها ، لا بيقولون هي قليلة الأدب اللي تغري أخو زوجها وزوجها مسافر عشان مستقبلهم
فاختاري الحل إنتي ،

سؤال بس ، ما تتقرفين وانتي تغسلين ملابسه ؟ معليش يعني بس انتي زوجة اخوه مو زوجته هو ! انتي مسؤولة عن غسيلك وغسيل ولدك فقط .

اول شي اتقي الله
ثاني حاجة
صارت لقريب لنا وللاسف هو انسان اعجز عن وصفه هو وزوجة اخوه
البنت جميلة جدا تغري حتى الصخر الله يستر عليها
صار بينهم كلام وهو ملسون وكوميدي وسحب البنت بسلوبه
طبعا هي مو قليلة شر بعد
صار الي صار وطاحو بالمحضور
زنا بزوجة اخوه والعياذ بالله
طبعا صارت مشاكل مالها اول ولا اخر وقطيعه وكان ممكن توصل للقتل وهو حلال فيهم للامانه
فا انتبهي وش تبين فيه اصلا
بينك وبينه سلام وفقط لااخذ ولا عطا
وانتي ترضين زوجة اخوه تكلم زوجك وتتلكع الخ...
اتقو الله

ساقرب الصورة
نظام عوائلنا لما يتزوج الابن زوجته يعتبرونها اختهم امي تتكلم مع اعمامي عادي وكل العائلة هكذا
انا لا اريد ان افهم النقص معه لانه يعامل الكل مثلي حتى زوجة اخوه الا بعض التصرفات والاهتمام مثلا
1غرفتي تطل على الصالة والمخرج وابني كان مريض و بكئ ليلا وزوجي نائم وباب غرفتنا غير مقفل ياتي يطمئن عليه واذا تعبت ينومه لي
سؤاله المستمر عن حزني وسكوتي المبالغ
اذا رائ ابتسامتي احس انه يسعد
ارئ احيانا سعادته في سؤالي عليه او تكلمي معه ولو كان بسيط جدا مثلا السلام او صباح الخير اوشكرا
والتي تقول تجنبيه قلت اني جربت واخته تتعاون معي اذا لاحظت شيئ ولكن زاد كلامه وسؤاله لدرجة ترجاني ان اخبره لما انا صامتة
والتي تقول ماحفضتي عرض زوجك وعاجبك الوضع انا ماقلت لمسني وتبادلت النظرات الغرامية معه ولو ماخفت من نفسي ومنه كان ماعرضت المشكله اما في المنزل من ناحية الاشغال فهذا هو النظام ولم اتمكن من علاجه وقد سبق وعرضت المشكلة هنا
بالله عليكم اذا جاء ياكل وامه على الطاولة تطلب مني ان اضع له الطعام لذا هو تعود ان يناديني لاني الوحيدة التي تقوم بتلك الاعمال وهو يناديني امام زوجي عادي مثلا اعطني ملابسي. اكل.......

مو انتي تقولي عاملتيه بلطف زايد ليه طيب
أخت زوجك ليه حذرتك؟؟؟

عامليه كأخ أمام الجميع...

لكن اذا لاحضتي انه يتصيد يشوفك لوحدك ويقرب منك هنا لاتعطيه مجال

سؤاله الدايم عن حزنك لانه عارف انه الي قاعد يسويه خطأ لذلك يبغى يطمن إنك متفاعله معه وشايفه الوضع عادي...

سهل انك توقفيه عن حده بدون مايلاحظ الجميع...

اذا أهل زوجك يخافو انك تفرقي بين الأخوه تأكي انه رضاك ع بعض تصرفاته تجرك للتفرقه بينهم وممكن يحطو اللوم كله عليك لو حصل كارثه من خلال سكوتك ع تصرفاته ...
لما قرب منك وهو يلاعب الطفل اتوقع وصل لمرحله قذره في محاوله اصطيادك ...

تطرقت الاخت العزيزة الى نقاط مهمة في صميم الموضوع ...
فالتفرقة واقعة لا محالة ان استمر الحال و توج بما يضغب الرحمان !!!

فكيف تحسبين ردود المستشار المؤتمن غير هذه ؟
و لماذا نبهتك أختُ زوجك إن كانت لا ترغبُ إصلاحا ؟
الكارثة إن لاحظت ما يزيدها قناعةَ سوءِ الحالِ ، فالبراءةُ - هنا - من المحالِ ! ، لتنقل الاخبارَ للنساء و الرجال ، و يأتيكِ نهايةَ المطافِ كلَّ إشعارِ ( طلاق ) !!! و لن ينفع حينها كلِمٌ فيه دِفاعِ !
فلا لومٌ عليها إن فعلت ، فإلاستدراكُ خيرٌ من الندمِ بعدَ فواتِ الاوانِ !

__________________

رَّبِّ اغْفِرْ لِي خَطِيئَتِي يَوْمَ الدِّينِ

انتي كتبتي موضوعك بصيغة سؤال هل علي تجنب اخ زوجي ؟
بعدين ذكرتي انه متميع ع حد قولك يعني تجاوز الحدود
لدرجة اخته نصحتك وحذرتك
وانتي رغم ذلك
قلتي هو كذلك مع الجميع يمزح لكن انتي زودها معك
ويمسك يدينك بكل اجرام وعدم خوف من الله و خيانة ثقه زوجك فيكما
انتي حافظه الاحداث تماما
واضح وضوح الشمس انه اثر فيك
لو بيزعلون اهل زوجك مانبهتك اخته
نبهتك لان الي قاعد يصير غير مالوف عليها وغلط بنظرها
التزمي حجابك
وخافي من ربك قبل خوفك من المشاكل
كيف تسولفين معاه وتسمحين له اصلا يتمادى معك
انتي فكري في ربك اولا وزوجك وتخيلي لو زوجك يسوي كذا مع زوجة اخوه
ثم ع اساسها تصرفي

السلام عليكم ساجيب على اسئلتكم
نحن عندنا الاختلاط عادي اولا عمري 23 وهو 26 وانا لا اضافة وارتدي الحجاب امامهم انا ماقلت لمسني بيده او يتصيد يراني وحدي قلت لطفه واسئلته معي كثيرة
اخوه من عمل حادث وحماتي لما مانهضت ليلا وسالت عنه عنفتني بقوة ساجيب لاحقا لظروف خاصة

لو ماكان اللي بينكم خطأ كان مافتحتي موضوعك ..
ولو اخت زوجك تشوف اللي يصير عادي ماكان كلمتك ..

خلك صريحة معانا ومع نفسك .. انتي حابة اهتمامه فيك ؟؟

حاذري أخية
يستشف من كلامك استرسال في الوضع و ارتياح له و لعله إعجاب به وإن خادعك الاحساس و إن كان تسلله بين جنباتك أخفى من دبيب النمل فالشيطان نعوذ بالله منه شاطر كما يقولون
السلامة السلامة لا يعادلها شيء قبل أن يسبق السيف العذل
ولا كلام يعلو على كلام خير البرية ففي الحديث الصحيح (الحَموُ الموت)
ما يحصل بينكما منكر مخالف لشرع الله
ضعي حدّا حاسما رادعا كما أشار عليك الأفاضل و الفضليات بارك الله فيهم جميعا
الله أحق أن تخشيه
و في الحديث عن النبي صلّى الله عليه و سلّم : (مَن التمَس رضا اللهِ بسخَطِ النَّاسِ رضِي اللهُ عنه وأرضى النَّاسَ عنه ومَن التمَس رضا النَّاسِ بسخَطِ اللهِ سخِط اللهُ عليه وأسخَط عليه النَّاسَ )صحيح بن حبان

__________________