طيب ليش ماتحسنتي مع الادويه ؟
اللي اعرفه ان اعراض الاكتئاب تخف مع الادويه يمكن المشكله بالطبيب ماكتب لك العلاج المناسب حاولي تغيري الطبيب وامشي عالادويه لين تستقر خالتك واهتمي بغذائك خذي مكملات غذائيه فاتحه للشهيه
وزوجك مافيها شي لو طلع مع اصحابه هو طول الاسبوع معك بس يطلع ويك اند
انتي شوفيلك نشاطات واطلعي لاهلك او صديقاتك لانجلسين بس تراقبينه

__________________
السعداء أشخاص علموا أن الحزن ؛ لا يجدد قديماً ؛ و لا يعيد ماضياً ؛ و لا يرد غائباً ؛ فتركوه جانباً و ابتسموا .

اختي مرض الاكتئاب مثله مثل السكري او اي مرض ملازم للانسان وفيه حالات تشافت بان الله وفيه حالات تلازمها طول العمر , هالمرض تقدري تسوي كونترول عليه عن طريق العلاج والادوية بس احيانا تسوء الحالة واحيانا تختفي واحيانا تروح وتجي بانتظام الى اخره بس انا متقبله الوضع وتعودت على الحاله المزاجيه وتقلباتها بس اللي حولك لا مايتقبلوا هالشي ابدا وبالنهايه يقولولك انت نفسيه او مجنونه او او او

اما بالنسبه لزوجي انا لما تكلمت عنه بمشكلتي قصدت اننا ازواج على الاوراق بس عشان كذا فكرت بالطلاق افضل له بس لي لا لاني احبه انا صابره واحاول اسوي اي شي
بس هو مو متقبل وضعي ولا فاهمه واللي بعده اكثر و اكثر لما عرف عن مرضي
واساسا مايحبني ولا يبادلني المشاعر ابدا ولا يبي يبني معي حياة اتمنى تفهموا

انه المشكله مو بالطلعات ابدا بالعكس عادي يسهر عندهم ويسافر براحته بس انا وين مكاني بحياته ! هذا اللي قصدي والمشكله انه طالت المده 3 سنوات !! مو قليله

3 سنوات قليلة جداً جداً في عمر الحياة الزوجية

وبالنسبة للاكتئاب فالحمد لله انك عرفتي انه اكتئاب ومرض وبتتعالجي منه

في عائله يوجد بها اكتئاب ولكن محد معترف فيه فتخيلي كيف عيشة ابناؤهم وزوجاتهم معهم

ومن ضمنهم والد زميلي

وزميلي اخذ منه شوي

وبنته اخذت منه شوي

ولما عرف موضوع الاكتئاب الوراثي هذا (عن طريق تقرير طبي قديم لوالده)

لاحظ ان عمه الفلاني وعمه الثاني وجده الله يرحمه عندهم نفس الاعراض

ارتاح جداً ان هذا الشيء عبارة عن مرض معروف بدل ماكان يتعامل مع وهم ويشكّوا في انفسهم

وزميلي مقهور من والده انه ماعالج نفسه وسلّم امره لله

وقال لعله خير

بس من جد انك محظوظة لانك مشخصة المرض اللي فيكي وبتاخذي ادوية

نرجع لموضوع زوجك

فزي منتي شايفه ان العلم متطور وكشف عن مرض الاكتئاب فكذلك الحياة الزوجيه بها امراض

واهم مرض من وجهة نظري هو مرض الجهل

جهل الزوج والزوجة يعني ايه حياة زوجية

جهل الزوج والزوجة عن طريقة تفكير كل واحد منهما

اعترفي بهذا الجهل

وابدأي عالجيه وتوكلي على الله

__________________

جربتي تغيبي عن زوجك فترة اسبوع او اسبوعين او حتى شهر ؟!
احيانا ابتعاد الزوجين عن بعض فترة من الزمن تجدد العلاقة
وفي وقتها بتعرفي قيمتك عند زوجك
اذا كان مشتاق لك فعلاً او لا

ي حبيبتي هذا لو زوجي اصلا مقابلني هو مو حوجود اغلب الوقت او كله برا البيت
انا لوحدي كني عايشه لحالي

اغلب وقتة برى البيت ماتعرفي فين بيكون ؟!
ولمى يخرج من البيت متى يرجع ؟!

اوكي بعد مايرجع لاتنطين له وتبوزين او تسالينه ليش تاخرت وانا دايماً لوحدي وووو......لااااااا خليه يدخل ويلقاكي مشغوووله بشي واذا جاك ردي السلام واكتفي بابتسامه وارجعي لشغلك ابدا لاتحسسيه انك زعلانه..بتلقينه من اول مره يحتار ويبدا يلاطفك ويسالك شتسوين...مو تهذين له كل شي خليكي حبه حبه وغامضه شوي

اسأل الله ان يشفيك ويسر خاطرك ويبعد عنك الضيق والاكتئاب صدقيني ماحد يحس فيك الا اللي جرب فقططططط ..

بعطيك شوية نصايح اول شي عشان نفسك فقططط بعدين عشان اللي حولك ،،

اول شي خلي ثقتك بالله كبيره واحسني الظن فيه ولا تقولي حالتي وراثه ومالها علاح في امراض مستعصيه وبالايمان بالله وحسن الظن والعزيمه صاروا احسن ناس

ثاني شي حاولي تعالجين نفسك بالقران ارقي نفسك كثير وبنفسك الاذكار التزمي فيها صباح ومساء سويلك برنامج قراءة قران لوو صفحه يوميا شغلي البقره في بيتك حاولي تتجنبي المعاصي او اي شي يجلب الشياطين بالبيت صور ارواح .. الخ تزيد الهم والكآبه بالمنزل ..
احرصي على قفل ابواب دورات المياه اكرمكم الله ..
صلحي تمارين استرخاء لوو عشر او ربع ساعه ماتاخذ من وقتك شي صفي ذهنك من اي افكار سلبيه حاولي تكوني ايجابيه شبعي عقلك الباطن بااشياء ايجابيه وحلوه وكرريها مع نفسك وبصوت خافت مع الوقت يبداء المخ بطرد الافكار السلبيه يسوي زي الفرمته ويبداء يدخل اشياء ايجابيه

غذائك لازم يكون صحي قد ماتقدري لان له دور كبير في اشياء تجلب السعاده زي الشكولاته الغامقه قللي سكريات ودهون اشربي مويه كثير فواكه وخظار ومكسرات كثري منها

خلك دايما مرحه بالبيت استمتعي بوقتك البسي الوان تجلب السعاده رتبي منظرك اهامي ببشرتك وشعرك دام عندك وقت فراغ
خليك مبتسمه دايما حتى لوو مزاجك سيء
تدرين كل اللي انتتي فيه من الشيطان يحب يشوف المؤمن حزين اقري دعاء الهم والحزن
كثفي دعاء لنفسك استغفري كثير
اذا قرب زوجك يرجع من بره خليه يشوفك ف جو مثير شموع حولك كوب قهوه كتاب مفيد
وابتسامه وشكل جذاب يحس انك شخصيه جديده
راح مع الوقت يلاحظ تغيرك
الرجل يحب المرأه اللي تدلع نفسها وتسوي لها جو وتكون مرحه ومبتسمه وتسولف مايحب النكديه حتى لوو مالك مزاج اظغطي ع نفسك قدامه اجل كيفف تجذبينه وتغيرينه

الرجل ينفر من جو البيت الكئيب والزوجه اللي طول الوقت ساكته وحزينه وتلاقينه طول وقته بره يوسع صدره وهذا من حقه
اعطيه حقوقه عشان يعطيك حقوقك


اتمنى افدتك بشي بسيط وحاولي تطوري من نفسك وتعيشي شبابك بما يرضي الله كي تسعدي ف الدنيا وباذن الله ف الاخره

__________________

زيرو مشكلتك بسيطه وتحتاج ذكاء ودهاء نسوان بسيط ...انصحك بقراءة مقالات الدكتوره ناعمه الهاشمي بالتفصيل،،،وبلخص لك نقاط مهمه يمكن تفيدك:
1-تجنبي الالتصاق الدائم بزوجك سواء جسدياً او معنوياً(وين رحت_ليش تأخرت_انتا ماتحبني_اكيد ببالك اخد غيري_الخ )
2-انشغلي عنه باشياء مفيده واعطيه فرصه يشتاق لك ويدور عليكي مثال(اجلسي بغرفه ثانيه غير اللي يجلس فيها واقري روايه او كتاب باهتمام_تفرجي على فيلم او اي شي_ارسمي او مارسي اي هوايه اندثرت بعد زواجك)
3-اهتمي بنفسك جداً مو لازم مكاييج وكلافه لاااا..بجايم جديده كيوووت وعطورات جديده اهتمي باظافرك واصبغيها دايماً..احرصي ع شعرك واهتمي ببشرتك عشان تصير نضره وملفته ولاتحسسينه ابدا انك مهتمه بنفسك عشانه لاااا عشانك انتي ..عشان تنبسطين بجمالك وتعيشي شبابك
4-اهم شي لاااازم تنتبهين له (الفراش) لااازم تتجرأي معه وتبدعي وتبادري حتى لو كل مره تبدا منك السالفه اهم شي خليه يشتااااق وينتظر دعاباتك الجريئه ...
5-ابد ابد لاتبينين له غيرتك او اي اهتمام زايد فيه اعطيه مجال يدورك وحيريه خليه مايعرف انتي تحبينه او لا
6-شغل البيت لاتقصرين فيه ابد كل شي دايماً على اكمل وجه(بيت مرتب-اكل مجهز-وكلووو تمام) بس انتي مشغوله شوي باشياء مفيده

أعانك الله أختي ..
أولا لازم تبعدي عن تفكيرك كلمة انا مريضة، صحيح انه هذا أمر من رب العالمين بس حاولي انك تتعاملي مع الموضوع من غيري ما تكرري على نفسك دائماً ( انا مريضة .. انا مريضة ) .. حاولي تشغلي وقت فراغك بأي شي مفيد كالقراءة مثلا، فكري دائماً أفكار إيجابية وفكري في أشياء حلوة موجودة في حياتك .. اهتمي بالغذاء الصحي ومارسي رياضة المشي في الهواء الطلق لأنها ترفع المعنويات جداً وتخلصك من الاكتئاب والتوتر ..،. أيضاً لو فيه امكانية حاولي انك تنضمي لجمعية خيرية صدقيني هذا العمل رح يفرق في حياتك جداً .
بالنسبة لزوجك مادام انك تحبيه فلازم تكسبيه بس لازم تعرفي انه الموضوع محتاج لنفس طويل وصبر،، بعدي على النكد لما يكون موجود في البيت وانتي قلتي انك تحبّي الضحك طيب طلعي هالشخصية المرحة اللي عندك اثناء وجوده .. و ضروري جداً تعطيه مساحة حرية يعني ايش فيها لو سافر او سهر مع أصحابه !! بقي الموضوع الأهم وهو علاقتكم الجنسية كيف؟ يعني انتي ما تطرقتي للموضوع. .