طيب تشوفين عادي انها تقوله انا مارتاح الا لكلامك وما اشكي لاحد غيرك حتى امي ما اعلمها بشيء ؟

او توصف وضعها وتقول اليوم وانا كنت منسدحه بالصاله سمعت زوجي يكلم وحده ومن ذا الحكي ؟؟

عادي كل شوي والثانيه تنط وتشتكيه وتعطيه اخر الأخبار ؟
هي مو مره وحده بس جات كلمته ؟؟ تقريبا 4 مرات

لا طبعا
الكلام له ضوابط و مو كل كلمة لازم تنقال كانها تصف
هي مفروض توزن كلامها معه
عدم اخبارها لامها لانه ممكن ما تحب تشتكي لها حتى ما تكرهه
المهم انك خبرتيها انك عارفة
و هذا لوحده كافي لردع اي فكرة مجنونة تدور ببالها

وزوجي خلاص عرف لما قلت له عطني رقم فلان وهو واحد شايب و رجال معروف بحكمته و رجاحة عقله قلت عطني رقمه ابغى ارسله واتس وأقوله عن الشغله الفلانيه اللي ماحبها فيك قام زعل وقال والله العظيم ان كان اشتكيتي لاحد سواء فلان او حتى احد من اهلي و طلعتي خلافتنا الزوجية برا راح تنتهي علاقتنا ومن ذا الحكي قلت له زي فلانه صح ؟؟ يوم تطلع خلافتها الزوجيه وتشتكيك ؟؟ طبعا وجهه صار كذا 🤓 ههههه
وقعد يرقع لنفسه ويقول انا اخو زوجها قلت أها اجل خلاص يصير اذا صارت لك مشكله اشتكي لفلان زوجها وغير كذا هو ولد عمي 🤓.. وزعل وقعد يغير في الكلام ويقول ليش تفتشين بجوالي وقلت له مره ثانيه اذا تبغى توصلك شيء تكلمني انا وقال طيب وانتهت السالفة

عذبه الخاطر . الوفاء . قاعد . غرناطه . Jna .سكر 2. نرجسية
تحملتك كفاية .روح الطير .وكل اللي ردوا علي سابقا ابغى رأيكم ؟؟

هذا ما كان يجب فعله برافو عليك لو كنت مكانك لعملت نفس الشئ بكثرة الكلام تسقط الحواجز بينهم

رسلت لها الرد وابغى تلغوا الاستطلاع وشكرا لكم

الرد التاني ما كان له داعي

كل هذا وحذرة معها؟!!


رأيي أنكِ كنتِ عنيفة معاها زيادة عن اللزوم.

__________________


اللهم طِيبَ الأثر .. وحُسْنَ الرحيل.

لو ماكانت بنت عمي كان جاها الرد اخس من كذا ...
وع فكرة في شيء تذكرته اللحين اتذكر ببداية ايام زواجي كنت ألقى اتصالات لها ع جوال زوجي تسال فيه عن زوجها ومدري بعد وش ؟؟؟ يمكن 3 مرات بس بعدها ما اذكر صراحه
وغير كذا كانت تقولي اول انا فلان اعتبره زي اخوي لانه ساكن معهم بنفس البيت وتقول اني أكلمه وأطلب منه طلبات للبيت ومرات اطلبه يجيب معاه بيبسي وشكولاته اما اخوه اللي اكبر منه بشوي تقول استحي أكلمه ونسيت ليش ...

مسز داني..

كما قالت نهاد هم كلهم أبناء عمومة .. ولكن علاقة السلفة بنهاد هي العلاقة الرسمية ولا يوجد احتكاك بينهما.

أما علاقتها بالزوج فليست كذلك .. ويبدو أن فيها بعض التداخل وبعض الميانة.



نعم من حق نهاد أن تحتاط .. ولكن ـ مرة أخرى ـ أسلوبها كان عنيفاً ومبالغ فيه.

كما قالت روح .. الرسالة الأولى كانت تكفي جداً .. بل حتى عبارة (تراني حية مب ميتة) لم يكن لها داعي.

إرسال رقم مركز الاستشارات الأسرية كان يفي بالغرض ويوصل الرسالة التي أرادت نهاد إيصالها لسلفتها .. على الأقل كخطوة أولى.


ولو أردنا الحق الأحق .. فالموقف أساساً كان يجب أن يظل بين نهاد وزوجها فقط.

__________________


اللهم طِيبَ الأثر .. وحُسْنَ الرحيل.