فعلاً انا اشوف كذا هذا الحل لاكن ربي ماقد كتب لي نصيب

الله يعوضني ويعوّض كل مطلقه

الايام ذي انا انسانه منهارة
تراكمات في نفسي خلتني انفجر

صرت انسانة عصبية

اتذكر كلام خالي لي قالي حافظي على بنتك حتى لو تقطعين لها من لحمك وتعطينها

واشوف تصرفات الي حولي مع بنتي وأبكي

مو قادرة أفكر ودي أحميها ودي ارجع طبيعية ارجع الإنسانة الهادية

فرق عن قبل ماتزوج كنت باردة من كثر الضغوط والمشاكل الي صارت بعد الزواج صرت عصبية وبعد الطلاق نفس الشي

أبوي وامي يموتون في بنتي ماشاء الله الله يخليهم لها لاكن من كثر حرصهم عليها وخوفهم اذا طاحت يخاصموني وتوصل انهم يسبوني وإني انا السبب
يبغونها لاتطيح ولايصير فيها شي

ذَا الشي ارهقني صرت متوترة

الحمدلله على كل حال فعلا الدنيا دار ابتلاء 😭😭😭

فرح
لسى بنتك بأول حياتها
وش تسوين اذا دخلت المدرسة وجتك تشتكي من زميلاتها والا معلماتها..
وترا كللل الأطفال يتعرضون للي تعرضت له بنتك
ومجرد مايشوفون الناس ان الام حازمة ينتهون..
انا يسموني اللبؤة ماأرضى يداس لهم على طرف
وبنفس الوقت اذا شفتهم اعتدوا على أحد اقوم واشيلهم بصمت واجلسهم عندي
الطفل يكرررره احد يمسكه
تبغين بنتك تترك شد الشعر اذا شدت شعرك أمسكي يدها وبدون أي تعابير بتصيح وتصارخ خليك ماسكة يدها فترة بعدين اتركيها بتشوفين انها هي بتترك هالعادة بعد فترة..
واذا شدت شعر أحد قومي لها أنتي علشان ماأحد يقوم لها وجلسيها بحضنك وامسكيها برضو فترة
هالطريقة شفتها باليوتيوب ببرنامج اطفال شهير وطبقتها احسن طريقة مشت مع عيالي من غير صراخ ومن غير ضرب..
وحتى اذا ضربها أحد لاتتركينها قومي وفكيها بهدوء وخوذيها ولا تقولين شيء للطفل الثاني

ترا قولة مافيه موت ويتعودون خاطئة..
الطفل اما ينشأ مهزوز او عدوني وهذا كلام علماء النفس..


اللي تمرين فيه طبيعي كلنا يجينا وقت وننهار ونتعب
الصغار مو سهلين ابداا ربي يصلحها ويحفظها ويقر عينك بسعادتها..

الله يصبرك اختي فرح ويسعدك ويسهل أمرك ويفرحك يارب.....طيب برجعك طليقك مافكر يرجعك

صادقه الأخت روح منهاره وبعدين المحاكم واضح انها تختلف

ابويه سأل قاضي في مدينتا وقاله اذا تزوج الأب غالباً نحكم بالبنت لأمها حتى تبلغ يعني حتى تجيها الدوره وبعدها تروح لأبوها خوفاً عليها من زوجة الأب
وجاتهم شكاوي كثير لمطلقات بناتهم يعانو من زوجات الأب فالحكم لمصلحة الطفل حتى لو الأب جيد المهم الأم ماتتزوج

وقاله ع وحده معاها بنت وتزوجت وحكمنا للبنت عند ابوها وكانت تجيب تقارير طبيه انه بنتها تتعرض للعنف في غياب الاب واذا جاء الاب يقول هذا تلفيق زوجتي طيبه وماتسوي كذا والبنت تلاقيها طاحت ولا حركات امها عشان تاخذها واستدعى القاضي البنت وقالت ايوه زوجة ابويه تضربني

يقول بعد ثالث مره تجيب البنت وهي معنفه حكمنا عليها تجلس عند الجده من الأم

لا الأم مؤهله ولا الأب وبعد وفاة الجده من الأم تروح للجده من الأب

الحمدلله القضاه اصبحو ينظروا لمصلحة الطفل لانه هم الضحيه

قانون الاحوال الشخصيه بالسعوديه يحكم على المذهب الحنبلي
اما بالكويت بالمذهب المالكي وفيه اختلاف كبير بين المذهبين
يعني الحنابله يرون بعد زواج الام الحضانه على طول للاب اما المالكيه يرون بعد زواج الام الحضانه تذهب للام الام وبعدها لخالة الولد وبعدها لخالة الام وبعدها لعمتها وبعدها وللجده الولد من جهة الاب وبعدها الاب ...! مسكين الاب ....! على المذهب المالكي الله اعلم المالكيه راعوا زواج الام ومايبون يحرمونها كذلك من حضانة اولادها ....!
وكثير من القانونيين عابوا على الاحوال الشخصيه بالكويت لانه ملفق لظروف الام فكل مايخدم الام سمح به يعني تاره يأخذون من الحنابله في المسأله الفلانيه وتاره بالاحناف بالمسأله الفلانيه وتاره يأخذون بقول الشافعيه بالمساله الفلانيه وهكذا ...! اما بالسعوديه بالمذهب الحنبلي كما جاء من غير تلفيق لأي مسأله اخرى للمذاهب الاخرى .....!والله المستعان

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

حبيبتي ايقني يقين لا شك فيه ابدا ان اللي خلقها ارحم فيها منج ومن اي احد ثاني

وهو ما خلقها عشان تتعذب او تنضرب ولكن لكل شي حكمة يمكن هالموقف الله مخليها دروس لج للمستقبل

ومثل ما قالت نبض الدان شوفي فيديو عن اذا الطفل انضرب كيف الام تتصرف


الله يبلغج فيها وتشوفينها عروس يارب

__________________
لا اله الا انت سبحانك اني كنت من الظالمين

الموقف اللي صار لابنتك ماله علاقه بمعيشتها عند ابوها او لا ..

ممكن يحصل لاي طفل عايش بين امه وابوه

اللي صار نابع من شخصية الاطراف
نابع من شخصية ام الطفل المضروب

بس انت الله يهديك اخذتي الموضوع بحساسية مفرطة وفسرتيه علشان ابوها مو موجود

حريم وش نقول يعني
يا كثرهن تصغر عقولهن اذا انضربوا عيالهن

ماني فاهمه انتي معي او ضدي

اختي فرح
لاتضغطين على نفسك وتحملين نفسك سبب كل اللي يصير لبنتك فـ اللي يصير للبنت حاليا هذا ماله علاقه بطلاقك لان حتى اللي مع زوجها ممكن تروح اي مناسبه ويصير اللي صار لبنتك فـ لاتربطين الموضوع بموضوع طلاقك
ثانياً اعطي نفسك مساحه ولو بسيطه تعيشين لنفسك يعني حاولي تطلعين شوي من الجو اللي انتي فيه مثلا اشتركي بنادي او اشغلي نفسك بتجاره ولو عن طريق الانستقرام او اي شي يشغل فراغك ويطلعك من جو العائله والمسؤليه
لاني اعتقد ان سبب عصبيتك وسرعة انفعالك هو حاجتك لرجل بحياتك لاتزعلين مني اختي بس هذا احساسي وبرضو احساسي ان هالشي راح يصير قريب ان شاءالله وانك قريب راح تفتحين موضوع وتبشرينا انه جاك عريس