فيه خيوط ناقصة في كلامك

مافي رجال يطلع من بيته الا اذا كان مو مرتاح فيه , راجعي اسلوبك وطريقتك في الكلام معه اثناء النقاش , بعض الحريم ما يعجبها العجب , مهما سوا زوجها ما يعجبها وتبي اكثر وتقارن نفسها بصاحباتها واخواتها

بخل زوجك ما نقدر نحكم عليه انه بخل من كلامك فقط , لازم نعرف اسبابه , احتمال شافك مبذرة وتصرفي كثير وحاب يعودك على التوفير , ممكن حس انك طمعانة بالعماير اللي عنده او طمعانة بفلوسه عشان كذا قلك ما لكم الا الراتب , مع انه الـ خمسة الاف تكفي وبزيادة لمدة شهر . وفيه ناس عايشة على اقل من خمسة الاف ,

زبدة الكلام لازم نسمع منه في قصص زي كذا , صعب نرمي انسان بصفة البخل لمجرد انه احد قال عنه بخيل , بعض الناس يفسر التوفير على انه بخل , بعضهم يفسر انه الواحد لما يجمع من فلوسه عشان عنده هدف يشتري سيارة او بيت , يفسرونه بخل , في حين ان الراجل عنده هدف يبغى يوصله او شي في باله يبغى يشتريه

شوي شوي على زوجك وبلاش نكد , راقبي اسلوبك ومصاريفك وطلباتك , انا هنا ما اقول زوجك بريئ , بالعكس يتحمل جزء كبير من الغلط , بس لأنه هنا ما سمعنا الا منك , سوي اللي عليك وبلاش نكد

هل تصرفه معقول يعني كثير رجال مب عاجبهم بيوتهم بس يقدر الحياه والعشره والاولاد
مب معقوله يتركنا لاني هاوشته على كذا مافي رجل يجلس ببيته
اقاربي تهاوش مع زوجها وكل بس يزعلون داخل البيت
مو معقوله على كل وشه يترك البيت ويذلني ويفشلني قدام اهلي ويخلي اتشحد الناس يودوني ويجيبوني ولا يعطينا فلوس ولاشي
ليش الظلم
انا لو ان اخطيت وهاوشته مو مفروض يسوي كذا
تكفون احكم بضمير
مستحيل يكون طيب معي وانا ادور المشاكل معه

وين ردودكم
وتفاعلكم
ابي حل لمشكلتي

لهدرجه موضوعي صعب ومحد يقدر يعطيني حل

حبيبتي هدي بالك
ولا تحملي نفسك فوق طاقتها
مهما كان بينكم مشاكل المفروض مايعمل كذا

الهجر وهو الهجر حده 3 ايام
ماله حق يترك بيته بالايام
هذا تصرف غريب وغير مقبول ابدا
الزواج له قدسية واحترام
وانتي زوجة ولك حقوق كثيره
بس للاسف مجتمعنا يهضم حق المرأه
شوفي رغم انه ظالمك ظلم صريح
تلاقي اللي يحملك المسؤوليه
ويتهمك بالنكد والمشاكل
رغم ان وضعه فعلا يجيب نكد ومشاكل

انتي مو مسؤوله عن سلوكه المشين
ولو كل زوج عمل مثله كان تفككت البيوت
فلا تقسي على نفسك

اذا استنفذتني كل الطرق والحلول
بالنقاش والطلب وتدخيل الاهل الخ
فمالك الا تجاهله دامك حابه تستمري معه
وقبل لايطلع من البيت يعبيه اغراض
ويروح ان بغى مايرجع ابد

قهرني الله يهديه
ويعوض صبرك خير

شكرا كنافه بالجبنه على ردك
بصراحه تعبت نفسيا من تصرفاته
واخاف ادخل ابوي تكبر اكثر
واخاف اسكت واصبر يستهتر فيني اكثر
انا محتاره مدري وش اسوي

وين ارئاكم وتوجيهات الحكيمين
هل ادخل ابوي بالسالفه
الحين له عشر ايام ينام برى البيت
وانا متحمله كل شي
تعبت نفسيتي
ونفسيت عيالي
عطوني حل
الله يرضى عليكم