هي مرة بس الي اعطيته البنت لان كان عندي ظروف

اذا حب هو يجي اذا ماطلبها اهله مايقولون شي

الله يسعدك ويسعدك ويسعدك😭😭😭

قلتي الي احس فيه فعلا انا زعلانة لان خرب حياتي وصرت مطلقة

امس ابكي عند اخوي اقول هو دمرني ينوجع قلبي لما اتذكر ان باقي سنة وادخل ال 30 ومطلقة كمان

وهو عايش حياته

بالصدفه دخلت المنتدى واظطريت اسجل
دخول عشانك...
فرح تدرين اخوي يعشق ويموت زوجته اللي حارب عشان يأخذها
وكان يحط صور حب وحركات
تدرين بعد هالحب كلو طلقها😯
من نفسو لحصول مشاكل بينهم
طيب الحب والعشق وين راح...
ي بنتي لاتوجعي قلبك ع شي م يستاهل
وش حياتك ضاعت وحياته ماشيه
م تدرين وش مخبيه له الايام ووش مخبيه لك كمان لاتيأسي انتي لسى صغيره
30 وقت ذروة الشباب حيجبك نصيبك بإذن لله وتنسين كل ذا
اصلن تقولي هو انا كنت مجنونه لما كنت متعبه حالي عليه ...
ربي بيعوضك ثقي بالله

__________________
(سيدة الموقف)
لم ننساك ونسأل الله ان تكوني أنتي وأولادك بخير

الله يسعدك ويفرح قلبك ويجزاك كل خير

انا عندك اكبر مثال تصدقين كان يحط لي توبيكات حب وعشق واذا أهديته هدية او اعطيته باقة ورد يحطها صورة في الواتس

كنت من حبي له أبوس رجوله اذا زعل مستحيل مستحيل ننام واحنا زعلانين من بعض


والنتيجة طلقني في عز حاجتي له هجر بنته

طيب وين الحب والتوبيكات يعني كانت كذب

تصدقين ليلة ماطلقني صلح لي شموع وقالي اخاف يافلانة احسد نفسي من كثر ماني مبسوط

كان لي أغلاط والله انه جهل مني وعدلتها وقالي انتي تغيرتي صحيت اليوم الثاني صارت مشكلة بسبب اخواته اتذكر اني دعيت بان الإذن والإقامة في المغرب وهو يسمع قلت له اذا حياتي معك بتكون كذا ولا بكون مبسوطة معك واهلك بيجننوني الله يجعلني اتطلق ولا اكمل معك

كلها كم ساعة وصار الطلاق الحمدلله على كل حال

اللهم أجرني في مصيبتي واخلفني خير منها


تصدقين لو يقول برجعك ماراح ارجع مع اني باقي أحبة لاكن انسان مثله ضعيف وأمه وأخواته قويات العيشة معه مافيها أمان لان ممكن يتخلا عني في اي وقت يقلبون راْسه علي


لاكن والله إحساسي يقول ان اهله مع زوجته تمام خصوصا انهم بعد ماتزوجت وشافتها امه قلبته راْسه علي وصار يقول كثير يتمنوني لبناتهم وقبل كان يقول كيف وافقتي علي وانتي وأخواته يقولون انتي محسودة عليه

يعني راح يكونون عكس ماكانو معاي عشان يبينو لناس ان العيب فيني

لو هي مو مرتاحة معه وهو لو مو مرتاح معها ماكان جلس معها سنة

سبحان الله دامك دعيتي ربك فالطلاق خيره لك.. صدقيني لو استمريتي مع زوجك راح تعيشي في عذاب


هنا مربط الفرس.. معناها الشغله كلها تمثيل في تمثيل

كون ان زوجك يحط توبيكات حب لزوجته وأهله طايرين فيها مو معناها انها عاجبتهم وانما يبون يظهرون للناس ان العيب كان فيكي مو فيهم وان ربي عوضهم بأحسن منك.. فهمتي؟ يمكن تكون حياتهم مع الزوجة الجديدة كلها مشاكل بس مستحيل يظهروها على العلن عشان الشماته وكلام الناس

انتي كبري راسك ولا عاد تراقبي حالة طليقك واطوي هذي الصفحة وعيشي حياتك

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

اول خطوة عليك هي قطع الاتصالات وعدم رؤية الواتس اب مرة اخرى

اختي فرح انا فاهم شعورك زين
عارف وش تفكرين فيه بالضبط

اختي انتي مشكلتك انك حاسه انك استعجلتي في طلب الطلاق وهالشي هو اللي متعبك
لانك حاسه ان اللي تزوجها راح تكون سعيده لانه تعلم من اخطائه معك
وبنفس الوقت كنتي تظني انه راح يعيش على ذكراك ولايمكن ينساك لانك اول انسانه بحياته
ونفس الوقت خايفه من مصيرك وش مخبي لك

اختي الكريمه الخلوقه فرح
احب اقولك ان الرجال اللي انتي جالسه تلومين نفسك وتاكلين بنفسك عليه
مايستاهلك اصلا انتي جوهره ومانتي عارفه قيمة نفسك
التوبيك اللي حاطه بس عشان يقهرك لانه عارف انك راح تشوفيه او احد من اخوانك او اقاربك يشوفه وراح يبلغك
ولكن المهم في الموضوع انتي لازم تعرفين ان حتى لو انه يحب زوجته وهي تحبه هذا ماراح يغير من عيوبه شي ترى ممكن الواحد يغير كل شي بشكله او بملابسه ولكن صعب يغير شخصيته وطبعه
راح يبقى نقال كلام حريم وكلمه توديه وكلمه تجيبه
يعني اصلا كيف انتي راح تكوني بامان مع انسان ممكن باي لحظه يقلب عليك لان فلانه قالت له او فلانه نقلت له شي ماصار
الواحد اختي يتحسر على فراق رجال يمعنى الكلمه
رجال واثق من نفسه
رجال يتحمل المسؤليه
رجال يحن على زوجته واولاده
رجال يكون حامي لاهل بيته ويحسون بالامان وهو بجنبهم
رجال يكون عضيد وسند وقت الشدايد
هذا اللي ينبكى عليه
اما اللي مثل طليقك مافيه ميزه يخليك تفكرين فيه اصلا
وصدقيني راح يجي يوم تضحكين من نفسك وتلومين نفسك كيف كنتي تبكين وتحزنين على انسان بهالشكل وحتى زوجته الجديده مسكينه راح يجيها الدور اصبري عليها بس شوي

انتي الحين اللي عليك انسي موضوعه نهائيا
وفكري بنفسك وفي بنتك
واحسني الظن برب العالمين
ولاتحاولين تراقبين حالته او حتى تعطين نفسك مساحه للتفكير فيه
واشغلي نفسك في بنتك او سجلي بنادي رياضي
وان شاءالله قريب راح تجين تبشرينا بعريس يعوضك عن كل اللي شفتيه
اختي الدنيا يبي لها صبر وتوكل على الله
وصدقيني مايخيب من توكل على العزيز الحكيم

واخر كلمه اقولها لك اعطي نفسك حقها
انتي تستاهلين كثيييير
تستاهلين تعيشين مع انسان يعرف قيمتك ويقدرك

الله يوفقك يارب ويسهل امرك

تحليلك صح وصدقت في كل كلمة


صح ان اخوانه متزوجين بنات عمهم بعد الزواج بحكم اني غريبة عنهم ولا اعرف اي شي عن عائلتهم انصدمت من ان وحدة من حريم الاخوان مقاطعه اهله زوجة اخوه الثاني ماسلمت منهم اتهمتها امه بسرقة وكان بتطلق المسكينه من ظلم ام زوجها بالمختصر كل حريم الاخوان متاذين من اهله

لاكن ذي اقول لا الظاهر انهم بيتعدلون معها

بصراحة هو أبدا ماله أمان

بصراحة مشاعري غبية مره احمد الله اني تطلقت ومرة اقول ياليتني ماتطلقت لاكن في النهاية هذا قدر الله

انا عائلتي مسالمين ماتربيت في بيئة متعودة على الكيد وعلى الحسد عشان كذا لما عشت معه هو واهله انصدمت لا انا الي عندي اُسلوب كيد مثلهم وارد وأخذ حقي ولا انا الي قدرت أتقبل ذَا الشي

كنت انهار مالي غير البكاء تغيرت شخصيتي للاسواء بعد الزواج والحمدلله رجعت ذلحين احسن من قبل

سلبيات ذَا الزواج اكثر من إيجابياته بس ليه حزينة مادري!!!!

حاولي ماترافبينه
ولا تعترضي على حكم ربك
الحمدلله

الاخت فرح لو ابو بنتك فتح صفحه جديده وقال برجعك وبلاش تشتيت الاسره ، ترجعين له ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي