صح , وكل هذا عشانها ...
ما نويت الطلاق إلا اذا ثبت شي.

عندي سؤالين؛

هل هناك بوادر للشخص الي يكلم البنات عالجوال؟

لو تأكدتي انه يكلم بنات ماذا ستفعلين؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

ايه طبعاً ..
وتختلف من شخص لآخر ,
وتعتمد على امور كثير .. طبيعة العلاقة , مدتها , وهل له سوابق او لا...
لكن سبحان الله , الزوجة تعرف!
كذا تحس انه زوجها بادي يتغير ... بعدها تقول تغير زوجي!
بامور صغيره قد لا تلاحظها بالبداية بعدين شوي شوي تفتقدها تستغربها
تعطيه فرصه فرصتين تتعذر له .. اخر شي اذا مالقت اعذار تبدى تثبت انه فعلا فيه شي صاير ... مو شرط للخيانه لاي امر دخل عليه بحياته ..
يعني طريقة كلامه , اسلوبه , ممكن حركات كان يسويها
افعال اشياء كانت تحبها زوجته وتفقدها بعد فتره وبدون سبب
يحب يختلي بنفسه مايجلس بالبيت كثير وان كان بيتوتي يحب يعتزل
ماسك جواله كثير واذا كان يكلم من جوال اخر تشوفه كل شوي يطلع كثير او يصرف بالخروج , مبسووووووووط ومزاجه رايق لكن مو معك ومو عشانك .. واحيانا يعصب عليك يدقق بامور فيك تلفته اشياء ماكانت تهمه او ماكان جايب لها طاري ..
مزاجه متغير دائما , فجاة عصبي فجاه رايق , هذي طبعا ماتنطبق كلها , كلها تعتمد على الشخص نفسه , ولا في اعراض معينه , كل زوجه تعرف زوجه وطبايعه واسلوب حياتهم
وهي بنفسها تحدد كيف تغير ووشلون ..

اذا تأكدت انه يكلم.. اذا تأكدت انه ارخصني ولا قدر اللي بين يدينه.. الطلاق. بلا رجعه. انتهى.

وعليكم السلام ورحمة الله وبركاته
أختي لنفترض أن شكك صحيح وان فيه اللي فيه ..
ليه ما تحاولين تقويمه وتصحيح سلوكه ..! أعتبري الأمر نزوه وتمر ...
ذكريه بالله و العقاب المترتب على هذه الافعال بأسلوب جميل
صدقيني تتعبين الأن وترتاحين عقب ...
ماعليه جاء الرد على فصلت النوم ودي أسترسل لكن المخ مشوش هههههه
الله يوفقك ويريح بالك

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

كيف اذكره , ومن أي باب ..
الموضوع خلص وانتهى .. وماابي ارجع اعيده
لكن ابي حل كيف انسى , والله لا يقوله لكن كيف اكون مستعده لامور مماثله المرات القادمه
انا احيانا اتكلم بطريق غير مباشر عن الخيانات
وبشكل عام اذا جا طاري , لكن بدون حوار وبدون نقاش
مجرد شي عابر , استغليته ..

الله يهديه ويصلحه ويثبته ويسخره لبيته

اوكي راح نقلك زوجك خاين وشكله يعرف بنات !!! ايش ردة فعلك ؟ هل راح تنفصلين عنه وتطلبين الطلاق ولا راح تصبري وتتحملي الوضع؟؟

ان كنت من النوع الي ما يتحمل الخيانه وحدية وترفضين البقاء مع خاين فدوري وفتشي الى ان تصلين للحقيقة ولعلمك مو صعبه الوصول لو كنت جادة ....
اما لو انت مستحيل تتطلقي لهل سبب فيا اختي تركي عنك الشك وحطي ببطنج بطيخة صيفي وطنشي تصرفاته ودامه كويس معك فلا تبحثين عن امور ممكن تعيشك بدوامة الشك القاتله وعيشي حياتك

ايه الطلاق , كل شيء ممكن اتحمله واصبر عليه الا الخيانة!
لاء , انا حاليا مارح ابحث عن موضوع صار شهر وموضوع صار له سنه
عدى الامر وانتهى .. ولا في شي واضح مجرد شك ..وجيتكم ابي حل كيف انسى واكون مستعدة لامور قد تحدث .. عشان اعرف الحقيقه بدون مااطلع بشكوك وحياة كلها نكد
لكن اذا اتضج شي وثبت , وقتها بتكون ردة فعل ثانية ..

والله دام هللون لا تفتشيييين وراه ،،،، تركي عنج الشك والعيش بدوامة اذا صج خاين بتوصل خيانته لعندك وفي مجال غير قابل للشك .... عيشي حياتك بلا غم

انا اتوقع اذا استمر هالحال كذا
بيجيني تبلللللد عاطفي تماما
وانا اذا وصلت هالمرحلة معد ارجع
وبيصير اللي بيني وبينه العيال والاحترام والشراكه فقط
مارح يدخل الجانب العاطفي نهائي
مارح نشبع من بعض باي شي

يارب اقدر انسى واعيش حياتي طبيعي
ودي بقلب جامد مايحس
عشان اعيش

اسمعي حبيبتي،،الموقف الاول واااضح انه صادق زوجي دايما يكلم اخوياه بمزح ويستخدمون لبعض تاء التأنيث سواء بالمكالمه او المسجات..الوقف الثاني شكله والله اعلم كان يطقطق وقتها...بالعربي زوجك مو راعي علاقات وحتى الموقف الثاني واضح انو مافي علاقه جديه ...