السلام عليكم ..

سعيده بعودتي للمنتدى الرائع ..

انا الحين في بيت اهلي من اسبوع .. طبعا اهلي في منطقه .. وزوجي واهله بمنطقه ثانيه ..

كل خميس يوديني لاهلي ويرجع يأخذني السبت .. طيب جزاه الله خير .. وكثر الله خيره ..

بس قبل لا يوديني ينكد علي عيشتي .. يشوفني وش ماخذه ملابس ..

مااوصل بيت اهلي الا وعيوني مورمه من البكي ..

مستكثر اليومين اللي اجلس فيهم مع إخواني وخواتي وامي .. يقول لي اذا اخوانك موجودين ادخلي نامي .. مو لازم تقعدين معهم .. إذا قلت له ان احنا كلنا متجمعين .. اكون متعمده إني اقوله هالشي لاني ابيه يدري هذولا اهلي ماله حق يمنعني منهم .. ويحرق تلفوني من كثر الرسايل .. انتي تاركه زوجك .. ماتدرين وش اكل ووش يبي ووش مايبي .. انتي انانيه يهمك نفسك ووناستك

طيب ماانا جالسه معك طول الاسبوع .. !

اذا شافني راجعه مبسوطه .. يقعد يتحلطم .. ويقول المهم وناستك وانا انحرق مايهمك .. وهو هلليومين يروح بيت اهله!..!

انا مادري وش اوصف اللي يسويه غبر انها غيره مرضيه

اجل يقول لي لا تقعدين مع إخوانك .. لا تسولفين معهم الا بس سلام وكيف الحال؟ !!،!

من الخميس اللي طاف وأنا عند اهلي مارضيت ارجع له .. وقلت له بوجهه ماشبعت من اخواني
هو يدري اني زعلانه بس انا قلت له كذا لان مليت منه وابيه يدري انهم اخواني قبل لاهو يصير زوجي

كيف اقنعه لاني مليت وخلاص بموت من النكد اللي معيشني فيه قبل لاروح بيت اهلي
ونفسي طابت منه وابيه يطلقني وارتاح


مستجدات الرد 92

http://www.66n.com/forums/showpost.p...4&postcount=92

__________________
-

فأجبر خَاطري .. بفيّض نعَمك ❤ ....