السلام عليكم

انا امرأة متزوجة من سنه ونص وحامل بالشهر الرابع

عمري 29 سنه

زوجي رجل طيب حنون كريم يهتم فيني يراعي مشاعري ولاحظت اهتمامه اكثر لما حملت
وتعبت بحملي



المهم في اسبوع الاجازة اللي فات

قالي بروح الشرقية عندي شغل مع صديقي

لمدة يومين اول شي بكيت وزعلت وقلت تتركني في عز حاجتي لك

بعدها بيوم جا وقالي اذا مانتي موافقة ماراح اروح

قلت خلاص روح ولاتاخر

المهم كانت تصرفاته مريبه قبل السفر مثل انه يقفل الباب وهو يكلم

حطني عند اهلي ومشى من بكرة
غير نغمة جواله الى صدى

وصور لي سناب الطريق بس

وهو العادة اذا راح مكان يشغلني بالتصوير

مشيت الموضوع وقلت يابنت تعوذي من ابليس

طول ما انا عند اهلي قلبي مقبوض وحاسه بشي

كان مفروض يرجع الثلاثاء لما كلمته قال بمدد يوم

قلت اوكي

لما كلمته من بكره قلت ها مشيتوا قال لا بنمدد لين الخميس

هنا انا انفجرت فيه قلت وانت قايلي بترجع الثلاثاء وانا ماحسبت حسابي

وانت بس تجاملهم على حسابي من اهم عندك انا والا هم

قال لا انتي وابشري برجع اليوم

سكرت منه ارسلي اني انصدمت من اسلوبك وماتوقعتك كذا ومشكورة

اعتذرت منه ومشيت الموضوع قام ارسلي ترى اليوم تعبان واذا بتعذريني مشيت بكره
واذا لا جيت اليوم

المهم جا الخميس استقبلته بالحب والاحضان

ومشيت الموضوع رغم شكوكي

من بكرة كان يكلم خويه فالسفره

رحت اسمع
وهو يقوله انت كسرت ظهري بدموعك
وانها مسكت معك على عواطف انا وقفت حسيت السالفه فيها شرب
المهم كمل معه قال وخويك الثاني خرب جونا واقرفنا

بعدين حسيت انه بيطلع من الغرفه رحت اركض الصاله

رجع الغرفه وقال ايه شفت البنت اللي جلست تتمسح فيك وتبيك

وخوينا كان يبيها وانقهر منك

بس انبسطوا لما ارسلت لهم الشيفاز
وشفت البنت اللي جت ومسكت يديني ورقصتني
والله يا عيونها هلاك ماقويت احط عيني بعينها

انا هنا فتحت الباب ووقفت قدامه
قال وشفيك
وسكر الجوال

قلت وش هالكلام اللي سمعته

قال اي كلام
قلت انت رايح ----
قال لا
قلت اثبت لي قام قال ليش تجسسين علي ومن سمحلك
قلت افتح لي موقع ابشر

قال اذا فتحته بتروحين بيت اهلك
قلت افتحه قام وراح يضيع الموضوع بمشاكل قديمه بينا

وكيف هو يهتم فيني ويراعيني
واني مفروض ماتجسس عليه

قلت اثبت لي انك مارحت والا ودني لاهلي

قال لا
انا ماسافرت قبل الزواج اسافر الحين
ولو ابي الخرابيط سويتها هنا
وطلع

دقيت عليه قلت تعال نزلي الشناط بروح لاهلي
رقى عندي وقال خلاص ؟
ترى ان طلعتي بتندمين

المهم انا وقفت بعيد ومانزلها
وانا بس ابكي
قلت اثبت لي قال لا
رحت جبت المصحف وحلف عليه انه ماله دخل بالسالفه
بس ماقتنعت قلت افتح ابشر قال لا

وطلع وسكر الباب

قمت دقيت عليه وجلست معه ساعه مابين عتب ودموع وتذكير بالله وهو ساكت
وختام المكالمه قلت بتوديني لاهلي والا انا بروح قال مافيه وان رحتي بتندمين
قلت وش بتسوي يعني انا بروح
وسكرت السماعه

رتبت اغراضي واتصلت باخوي
تاخر اخوي

جا هو بعد ساعتين بياخذ غرض وشاف الشنطة تحت
وشافني لابسه عباتي ولا قال شي وطلع

جا اخوي والحين انا عند اهلي من 4 ايام

لما رحت وجا من بكره
ارسلت له رساله اني بروح المستشفى تعبانه شوي وبرتاح عند اهلي كم يوم

ولا رد الى الان

ابي رايكم السديد في موضوعي
لا اعترف لي ولا اثبت اني غلطانه

طبعا انا منهاره وجلست كم يوم لا اكل ولا انام
صدمتي فيه كانت شديده للاسف ومادري وش اسوي

وماخبرت اهلي بالموضوع


تم تعديل العنوان ليتناسب مع المضمون