صدقتي يا اختي كاننا ارتكبنا جريمة لاتغتفر ،طيب ايش ذنبنا اذا ابتلينا بزوج لا يخاف الله فينا ويبهذلنا؟ هل نبقى معه نتجرع الظلم؟ ام نظل بقية اعمارنا محرومين من نعمة الزواج والذرية ،فقط نعاني في تربية ابن من زواجنا السابق، ، ونعيش على اطلال التجربة السابقة المرة، لا مسموح لنا نتزوج ونعيش حياتنا ، ولا ننسى الماضي خلف ظهورنا .....بجد حاجة تموت من القهر ، بس اللوم على المجتمع اولا واخيرا ، والله واسع كريم هو بس الي قادر يعوضنا عما فاتنا، اللهم نسالك العوض الجميل لي ولجميع المطلقات ،اللهم اجبر كسرنا وارحم ضعفنا واراف بحالنا،فلا يعلم معاناتنا الا انت

__________________
[gdwl]الحياة مليئة بالحجارة .....
فلا تتعثر بها......
بل اجمعها......
وابن بها سُلماً تصعد به نحو
النجاح.....
[/[/gdwl]

على أساس ان المطلقه لما يجيها واحد عنده عيال تقبل وجودهم, أغلبهم .. " ما لي شغل بعيالك "
خلكم واقعيين مع أنفسكم .

شوفي هذا الموضوع, مطلق بأطفال .. فصفصوا الرجال
http://www.66n.com/forums/showthread.php?t=272301

وشوفي هذا الموضوع ربما تستفيدي من النقاش
http://www.66n.com/forums/showthread.php?t=271814

__________________

فعلا
هذي مشكله كبيره
الله يعين إخواتنا المطلقات و اخوانا المطلقين

عادي ماعنده مشكله اذا ماقبلت بعياله بيدور غيرها بيلقى من تقبل فيه المطلقه والبنت والصغيره كل الاصناف متوفره له ولو تزوج وحده واهملت عياله وتذمرت منهم طلقها واخذ الي اجمل منها والاحسن والاصغر وهذيك انضمت لنا يالمطلقات وزادت العدد وهو يتزوج ويطلق لين بيلقى الي تمشى ع مزاجه هو وعياله
يعني احنا نقول ان الرجال مهما كان مطلق مرتين ثلاث مرات بعيال ولا بدون عيال المجتمع عندهم مايعيبه الكل يزوجه
اما البنت المطلقه عندهم طلاقها يعيبها
والمطلقه وعندها ولد اذا انخطبت يشرطون عليها تخلي ولدها واذا رفضت يلومنها اهلها انها هي الي قطعت نصيبها طيب ولدها متعلقه فيه حرام يكسرون قلبها عليه والولد محروم من الاب بعد ينحرم من امه بيتعب الولد نفسيا ويأثر عليه هالشي وامه بعد اذا بعدت عن ولدها هالشي يتعبها تخيلو يعيش لحاله عند جدتها بدون اب او ام او اخوان ف البيت لحاله وحيد حرام فكرو بطفل كيف بيعيش وحيد 😢
وبعدين انت ياالرجال المطلق وعندك عيال مثلا لوقالت الزوجه عيالك ماابيهم ازعجوني وضايقوني حطهم عند جدتهم ولا امهم وامهم مو كفو وجدتهم مره كبيره ومو ملزومه فيهم
بترفض لانهم عيالك وماتتخلى عنهم عشانها وبتشوف غيرها.


الرجال مايفرضون عليه شي ومحد ضده


واقرب مثال على ان الرجال مايعيبه شي العقيم الي تقدم لي
متزوج ثنتين وكلهم بنات وصغار ف العمر الثانيه عمرها 17 ويدور ع الثالثه
قاعد يجرب ف بنات الناس وهو العيب فيه هو العقيم وتقدملي انا عشان انجبت و بيجرب فيني عشان يقطع الشك باليقين
هههه استغفرالله بس !!...
الله يرزقه ويرزق كل محروم من الذريه يارب .

وانا واقعيه مع نفسي وكلامي كله واقع ماجبت من خيالي 😕

__________________
😊🌷....؟

ولا يهمك حبيبتي احنا مهما يكون مانعتمد على المجتمع ونظرته نعتمد ع قدرة ربنا واملنا بالله كبير والله بيعوضنا ان شاءالله 🙂

__________________
😊🌷....؟

أختي .. من حق الرجال اللي يتقدم لك يشرط اللي يبي ومن حقك انتي بعد تشرطين اللي تبين
ما تقدري تفرضي ولدك على ولد الناس وولد الناس ما يقدر يفرض عليك شروط ما تناسبك .. الحين الواحد يا الله عساه يقوم بمسؤولية عياله وخصوصا خصوصا لوصلوا مرحلة المراهقه على شان يقوم بعيال غيره .

وشي ثاني بعد .. لو كان عياله وعيال زوجته فيهم أولاد وبنات
وشلون يعيشون مع بعض في بيت واحد لما يبلغوا ؟! هذه لها حل عندك ؟

__________________

لا اختي محشومهانتي وكل اخواتي الارامل والمطلقات عن كلمة مستعمله
هي ماهي سياره مستعمله وجديده هذي ادميه وتزوجت بالحلال
ومافهمتي كلامي اختي
انا مااقصد ان المطلقه ماهي مرغوبه
اقصد ان كل انسان وله مقاييسه وله ظروفه اللي تحتم عليه التفكير في اللي تناسبه
فـ مثلا انا عرضت علي بنت عزباء وماناقصها شي لا من ناحية جمال ولا مال ولانسب وعمرها 24 وانا قريب الاربعين وانا رفضت وفيه موضوع لي هنا لانها ماتناسب وضعي وممكن غيري راح يقبل وهذا اللي اقصده ان كل واحد وله تفكيره
انا عشان ابعد عن المشاكل افضل اللي بدون اطفال او على الاقل اطفالها مع ابوهم ومع اني افضل المطلقه على البنت وان شاءالله اذا دورت راح ادور على مطلقه

يا اختي عزي نفسج
اللي ما يبي قطعة منج مِو كفو يصير زوجج وتكونين حلاله

واذا ما تزوجتي هل راح تنتهي الدنيا؟؟؟


انا مطلقة ومعاي بنت ووايد يتقدمون وما يبون بنتي تعيش عندي ،، بالسلامة ما يشوفون شر،،، انا عندي الف اختيار واختيار بس بنتي ما عندها ام ثانية غيري

وما تدرين وين الخير،، وعلى قولتهم اللي أوله شرط اخره نور.. تمسكي بولدج وخليهم يرفضون.. افضل من انج تعيشين مع زوج قابل بولزج ظاهريا بس بقلبه يبيج بروحج وما يفكر الا بنفسه

__________________
لا اله الا انت سبحانك اني كنت من الظالمين

وهل رفض الزواج حل بنظركم ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

لا مو حل ، لكن وين تحط ولدها اذا الخاطب رفض ولدها معها؟

نصحيتي لك يا اختي لا تنتظرين الرجل الصالح المناسب لوضعك يدق باب بيتك بس ، إنتي أسعي واخرجي للناس ولا تملين اذا ما جا اليوم يجي بكره ان شاءالله.

__________________
-