لالالالالا مابي اشيل الحواجز .. شلتها مرتين مره مع خواته وجتني مصيبه من وحده وصارت مشكله وتركت البيت و بعدها لما رجعت صرت انتبه و حطيت مية حاجز بيننا لكنني تقرب من حريم اخوانه مع ان نصحني بس مارديت الى ان وحده منهم سوت لي مشكله من لا شيء و طلعت علي كلام وخربت علاقتي مع عمامي و زوجي وبالغصب علمتهم بالصدق و اثبت لهم انها تحاول تهدم بيتي من زمان لانها تغار مني اني لحالي عند زوجي و اني بنت عمهم اما هم كل وحده عندها شريكه .. و بعدت عنهم كلهم ..

و معك حق يا زين والله مافيها شي ماني مكلفه عليه بشي و لازم هو من نفسه يقول امشي اوديك لهلك انا بطلع والخ ..

بعدين يا من كون انا ماني اتكاليه ابد .. بيتي بالدور الثالث و اكرف فيه دايم وكل شي علي لكن بالوقت اللي بنتي قاعده مقدر اشتغل الا اشياء خفيفه مقدر اتركها لوووو ثواني لان وانا عندها تأذي نفسها .. تخيلي معي انا حامل اووول السابع يعني بديت بمرحلة الثقل .. بنتي عمرها 9 شهور ونص تحبي وماتركد ابد مرات امسكها بحضني تبي تنطلق و تتحرك يمين ويسار الى ان يجيني مغص اطلقها تلعب و اكون حاطه العابها وكل شي وهي تتعداهم وتروح تلحس السراميك واقوم ارجعها مايمدي ارجعها واجلس الا تنطلق مره ثانيه ولما اتعب من الوقفه والجلسه احطها بالمشايه لكن هنا الكارثه الاخرى .. تفرررح حيل لانها تصير توصل التلفزيون و تروح للكهرب و تمصه و اكون مثلا شابكه جوالي وتاركه الشاحن فجأه القاها تبي تحطه بفمها اقوم افز افصله ويجيني مغص و شد قوي .. صرت ما اترك شي ابددد بس اسلاك التلفزيون غصب عني وابوها رافض يعلقه .. المهم كل وقتي ركض وراها ولما تنام اقوم اغسل ملابس و اغسل السراميك و انظف الحمامات و ارتب الغرفه و ابخر و انزل الزباله من ثاالث دووور هالشي اللي يجلط و لما اطلع الدرج تطلع روحي .. ولما اوصل اكون خلصت شغلي و اجهز الحمام عشان اخذ لي دش بس اجلس ارتاح من الدرج دقيقتين وانا جالسه تصحى بنتي اقوم اقلبها و يتصل زوجي مرات سوي عشا و اجلس رايحه جايه من المطبخ للصاله او احطها عندي بالمطبخ ولما يجي على طول اخليه يمسكها عشان اتسبح ومن اطلع من الحمام يقول خوذيها ذبحتني .. جاني نزيف منها وكنت مهدده بالاجهاض و امس رحت للمستشفى و طلعت وضعية الجنين صعبه و التهابات و فيه تجمع دموي و من غير الم الحووض و الم ظهري .. من حقي اذا رحت لهلي ارتاح و انبسط و انسى كل هالمعاناه بساعتين ثلاث وبعدها ارجع لحياة الشقى .. عشان كذا انا تعبت و بالوقت اللي مايكون عندي شغل اتعب نفسيا لان مافي شي اسويه بس مقابله بنتي و بنتي صارت تصيح بدون سبب مهما عطيتها ماتسكت لان واضح انها طفشااانه .. ومابي اخليها على طيور الجنه مع ان تندمج معاهم وتهدا بس انا حاطه وقت محدد لهالشي .. بس حبيت اوضح لك اني اتعب ليل نهار وحتى النووم ماعرفه الا عند اهلي اذا كان بيتأخر انام ساعات متواصله وهالشي فاقدته ببيتي .. الحمدلله على نعمة بنتي بس والله شايله هم لاصاروا اثنين كيييف

__________________
تم تغيير النك .. < ريتاج2016 سابقا

يا اختي لازم تكونين محددة في نقاط مشكلتك عشان تحصلين مساعدة من الأعضاء وما يكون الموضوع سوالف وبس. كل ما قلك احد شيء قمتي عارضتي وتبررين

لا انا ما بترك بيتي على اَي شيء
لا انا كذا كذا ...الخ
والردود اللي توافقك تأكدين بردك عليها وكأنك صح !! طيب وش الفائدة من الموضوع !

ما عليك من الانتقادات وحاولي تركزين في صلب الموضوع ان أردتي الفائدة
الأعضاء هنا يقتطعون من وقتهم ليعطوك حلول فحاولي تناقشين الحلول هذي مع نفسك
وشوفي.
وما نقول وضعك بسيط ، حنا عارفين تعب الحمل وتحمل بيت ومسؤولية ، لكن يومين كفاية وأحمدي الله عليها،
اناً قريبتي مغتربة ولها ثلاث سنين ما تشوف اَهلها الا اجازة واحدة فقط شافتهم فيها
ومعاها طفل وجالسة بالبيت وزوجها طول اليوم في الجامعة.
وغير كثير من صديقاتي هنا في البعثة لحالهم بدون اهل وصابرين ومحتسبين.
لا تخلين الظروف هي اللي تغيرك ، انتي تغيري مع الظروف.

والله يوفقك ..

__________________
-

الله يكون بعونك

لا تخلي لك زياره محدده زي الخميس و الجمعه
عشان تقدرى تروحى لهم باي يوم بالاسبوع ان اجتمعوا .
ومعك حق مافيها شي يوصلك وهو طالع وعلى طريقه .
بس مادرى ايش المتعة في انه طالع و مايبغاك تطلعى !

انت مالك حل للاسف. الا تطيعيه او تاخدي بالحيلة او الحجة
إصري عليه يقعد معاك لانك تحسي بملل. حاولي كل ليلة كذا او اي ليلة يطلع يرفه عن نفسه انك
تذكريه بنفسك. و انك يا زوجي ماشاء الله من حقك ترفه عن نفسك يوميا. تذكرنا. اجلس معي. و هكذا.
او اصبري. لان الفرق بين الروحتين لبيت اهلك ايام قليلة

__________________

مغتربين !! هذا انتي قلتيها مغتربين يعني مغتربييييين يعني بينهم مسافات و طياره و و الخ غصب عنهم يتحملون .. بس انا ماني مغتربه على وجه ابيض .. اهلي لو اناديهم يسمعوني قريبه لهم ومقدر اروح لو مغتربه بصبر 10 سنين ..

الشي الثاني نقطتي الاساسيه بالمشكله واضحه و من حقي اشكي بموضوعي او اسولف او حتى افضفض ..

و الشي الثالث و الاهم انا افتح مواضيع حسب اسئلة الاعضاء اقري زين و من اولها قلت ماراح اقتبس راح ارد بشكل عام لان اقرا كل الردود و اجلس ارد ب رد واحد بدون ما اذكر اسمائهم او اقتبس .. بس اقتبست لان جت الردود بعد ردي ع طول و قريتهم بعد ماكتبت ..

مثلا احد من الاعضاء قال مقصره مع زوجك اكيد ماراح اسكت و اقول لاتسئلوني مقصره ولا لا خلكم في صلب الموضوع انا ابي اهلي و والخ .. وقتها يفكرون انه يعاقبني او شي من كذا .. طبيعي ارد واقول لا ماني مقصره والخ وحده قالت شكلك اتكاليه منو ينظف بيتك .. وش اقول لها ؟ اقول مالك دخل ؟ بتتخيل بيتي وصخ او تتخيل عندي خدم .. طبيعي اقول لها اني قايمه بكل اموري ..

وانا احب اتكلم بالتفصيل الممل يمكن لان مقدر اكلم احد من اهلي ولا اقدر اشكي ل امي لان يكبرون المشكله .. اجي الجأ لهالمنتدى بعد الله .. اشوف الردود و استفيد و افضفض و ارتاح يعني ما اطلع خسرانه وكل الردود على عيني و راسي

__________________
تم تغيير النك .. < ريتاج2016 سابقا

انا ما ذكرت تبريرك على نقطة اتكالية شيء ! في ردود كثيرة قبلها فيها تبرير واضح. وما يحتاج أعيدها لك. وقريت جميع الردود.
فضفضي على راحتك احنا هنا نقرا كلامك ،، والله يسهلك.

__________________
-

زين وضحتي ..
ما اقولك الا الله يعينك عزيزتي .. انتي صار عندك ربط نفسي ان بيتك للتعب و الشقا و بيت اهلك للراحة و الونسة .. و ممكن يكون معك حق انا ما اقدر احكم زي ما قلت لك لأن ما عندي اخوات و ما اعرف شعور انه يكون عندك احد يريحك و يشيل عنك شوي من المسؤوليات طول عمري شايلة مسؤولياتي و مسؤوليات غيري..

عالعموم مشكلتك مو مشكلة كبيرة نقدر نقول منغص ناتج من عدم الانشغال و من وقت الفراغ الكبير.. اذا قدرتي تتأقلمين مع تفكير زوجك و قراراته زين ، و اذا ما قدرتي حاولي تقنعينه بأنه اغلب الوقت برى البيت و انك تملين و اذا رجعتي من بيت اهلك بترجعين بنفسية زينة ..الخ من وسائل الاقناع ..

الله يعينك و يسخر زوجك لك

__________________
يـــــا رب
و الباقي وحدك تعلمه ..

اي استفسار عن حذف وتعديل يكون في اقسام المراسلة الخاصة بالمنتدى

__________________

__________________