|
|
20-01-2005, 11:18 AM
يوم..... المواقف المحرجة
حبيبتي بنت الموج خلاص انا الحين استقلت من الشغل والحمد لله صار عندي وقت أكتب في المنتدى والحين راح احكي موقف بعد زواجي بــ4 شهور كنت ناويه اعمل ححفله لزوجي..... طبعا أعلمت الاهل والاصدقاء وزملاء العمل بس وصيتهم ان الحفلة مفاجأة فمابي احد يقوله او حتى يلمح المهم..... انا سويته مفاجاه عشان يكون مو متوقع ان في احتفال والحمد لله ما تصير كل المواقف المحرجة الا في هذا اليوم طبعا سويت نفسي مريضة واخذت عطلة من الشغل (انا وزوجي كنا في نفس العمل ) وكنت موصية واحدة من أصدقائي اخوها شغال معانا انه بعد ما يخلصون شغل ياخذه أخوها ويوديه كم مشوار على مالبقية يوصلون المهم رحت اشتري الكيكة والمستلزمات وخليت اخواني بالبيت يزينونه وانا بمحل الحلويات لا وسابليه بعد اشتريت وخلصت ورحت ادفع بالبطاقة ( كي نت ) المهم يسحب موراضية تسحب يسحب مو راضية تسحب وما اقولكم على الاحراج 
وما كان معاي كاش اتصلت بصديقتي جاتني من آخر الدنيا ودفعت وعدى اول موقف على خير ...... المهم انا كنت موصيتهم ان الكل يكون موجود الساعة تسعة ونص عشان اهو راح يوصل عشرة المهم صارت عشرة الا ربع و أبو زوجي وامه سووها فيني واتاخرو ( حماتي قنبلة ذرية ) 
وانا قلت خلااااااص المفاجأة خربت واتصل يقولون في الطريق وانا خلااااص حسيت اني بموت المهم صرت اتصل بصديقتي تكلم اخوها ويقوله يعطله بعد والمسكين مو عارف وين يوديه خلصت المشاوير على حظي 
وطلع اخوها بيتهم وترك زوجي نص ساعة ملطوع مسكين تحت بالسيارة على ماوصلوالكل كانت طلعت روحي المهم وصل زوجي تحت وعطوني رنة عشان اعرف وكنت معلقة بالونة فيها ترتر على الباب عشان اول ما يفتح نشكها بدبوس وتفرقع المهم طلع زوجي وقفت ورا الباب واول ما فتح الباب شكيت الدبوس وانفزع المسكين بدال ما يفرح وكان شوي ويغمى عليه 
يقوللي حسبت انبوبة الغاز انفجرت هههههههه مارضيت اقول ان هذي فكرتي بس شربناه ماي وارتاح شوي واستوعب المفاجأة طبعا وفرح بعد الصدمة الاولى ههههههههههه ما كان قصدي والله و نصيحتي ان كل واحد يدير باله من افكاره ومن بطاقة السحب مالته واتمنى ان تكون اليومية حلوة ...... انتظروا الثانية قريبا
23-01-2005, 05:11 PM
01-03-2005, 07:08 AM
01-03-2005, 07:26 AM
07-01-2005, 11:46 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور