مشكورين على مروركم وقراءة موضوعي
أخوي وجه الخير من زمان كنت أتمنى تقرأ أحد مواضيعي وتشرفني...ومشكور على الهدية

أخوي المتأني...مجرد استماعك لي يسعدني وأعتبره أكبر مساعدة..أشكرك
أنا كتبت رد طويل أشرح فيه إحساسي وأمور كثيرة لكن الحمد لله الصفحة قفلت وفتحت وانمسح كل شي...
عشان كذا أختصر بأني أقول...مشكلتي إني إنسانة حساسة وعاطفية جدا...يؤلمني لما أبذل كل جهدي عشان أسعد شخص معين ويقابلني بالإهانة...شخص وافقت إنه يكون "شريك حياتي" وأكتشف إنه دمار حياتي!!!

أسوأ شيء عملته وهو اللي جعل الحزن بداخلي مسيطر هو إني من تركت المتوحش إلى الآن أبكي بالليل...طبعا ألحين قل بكائي كثير لكن لازالت تجيني ليالي أحس بشعور عارم بالألم والجرح فمالي إلا إني أبكي...ابكي حسرة إني تزوجته...موحسرة إني تركته..وأنا مؤمنة بقضاء الله وقدره...

كوني عاطفيه جدا أحس بوحده لما تجيني لحظات إحساس قوية...مثلا يأسرني منظر الشروق والغيم وريحة المطر...لكن مافيه أحد أشاركه إحساسي وأوصف له الجمال اللي بالعالم...ما تسوى الدنيا نعيشها بدون ما نتأمل كل شيء حلو ونتبادل أحاسيسنا مع شريك...أجل ليش الله خلق الورد وكلمات الود...مع العلم إني أبادلها أهلي وصديقاتي وطفشتهم

شيء ثاني...وأهم من أي شي..لحظات الضعف اللي تجيني...أحس بقسوتها علي لما أتألم منها ومالي أحد ألجأ له بعد الله سبحانه وتعالى..صحيح أهلي كلهم معاي الله لا يحرمني منهم...لكن وجود رجل أشكي له وأحس إنه يدعمني بيخفف علي الألم...لا...بيزيل الألم...لكن مابالك لما يكون هو سبب ألمي ولما أشكي له وأطلب منه الرحمة يصفق الباب...

من أكثر الأمور اللي تثيرني وتحزنني هو كلمات المواساة اللي أسمعها من الناس...يعني الوحدة تسلم علي وهي تدعي لي بابن الحلال وبعيونها نظرة شفقة...أكره هذا الشيء..أكرهه...الحمد لله ربي رزقني من كل شيء أحمده وأشكره...يعني ماني ناقصة...بالعكس...دائما أحرص إني أظهر متألقة ومبسوطة والكل يعرف إن لي لمساتي الخاصة وتميزي في كل مكان أروح له وفي نفوس اللي أعرفهم...

من داخلي...التوهج اللي كان موجود قبل الصدمة ضعف كثير...الحماس والطموح بدأ يتلاشي...ماعدت أهتم كثير بهواياتي وطموحاتي مثل أول...صحيح أنا الآن في مشروع أحاول من خلاله أستغل حياتي بشيء مفيد...لكن روحي ماهي مثل أول...

برضه طولت بالكلام...اعذرني أخوي المتأني وأشكرك مرة ثانية على المبادرة الرقيقة...