__________________

.... صراحة



















































انت رجل عظيم ، مسكينة زوجتك ارثي لحالها كيف تفرطك من يدها

انا قرأت جميع الردود واصبحت لي خلفيه كامله عن مشكلتك ..


اذا تبغى تسمع رأيي المتواضع

اقول لك رجعها .. لكن بشروط

اهم شرط (تمنعها من زيارة امها الا كل فترات متباعده مثلا مره كل شهرين على شرط تكون انت جالس مع زوجتك وهي جالسه مع امها) يعني ماتختلي زوجتك بامها اطلاقا ولو مبدئيا لمدة سنه او حتى ينعدل حال زوجتك ..وايضا ماتكلمها بالتليفون

انت ذكرت خصال طيبه في زوجتك وخصال ذميمه ..فلعل الجانب الخيّر يطغى على السيئ ولو بعد حين

اشترط الشرط الثاني : ان تحترمك زوجتك فلا ارتفاع في الصوت ولا تجريح في الكلام وان تعتذر عن اساءاتها السابقه..

ان وافقت زوجتك على الرحب والسعه وان رفضت فهذا شأنها

وفي حال موافقتها (واظن انها ستمتنع في البدايه وسترضخ في النهايه) كن دائما انت سيد الموقف ..

لاتفرط في تدليل زوجتك من خروج المطاعم والنزهات الا وقت ماتشتهيه انت وترغبه انت (لااقول ضيق عليها واحبسها ولكن اعتدل في هذا الامر لان بعض النساء تعتقد ان زوجها يموت فيها فتتكبر وتتمرد عليه)

ضعا معا طريقة لتربية ابنتكم التربيه الصحيحه القويمه .. كلم زوجتك بتعقل انها قدوة لابنتها ..

اخر نقطه واهم نقطه انت ذكرت ان لديها قله في وازعها الديني .. حاول بكل مااوتيت بتنميه هذا الجانب فيها قوم نفسك اولا واكثر من نصحها ازجرها على تفريطها في احتشامها او صلاتها او ما الى ذلك ..


واسال الله لك التوفيق والسداد


وولله مادامت علاقتك بربك قويه فيصلح لك الله علاقتك بزوجتك


اختك / ريما

__________________


إنني أتذكر حلمي بأن أكون أفضل مالدي ، وأعيش هذا الحلم حتى يتحقق

الأخت ريما أشكرك على مشاركتك ..

أما بخصوص وجودي مع زوجتي عند زيارتها لأمها .. صدقيني ما أطيق أجلس مع أمها دقيقة وحدة .. أحس أني مخنوق ولازم أضرب أي حساب لأي كلمة/حركة/نظرة ..

أما بخصوص النزهات مع زوجتي فأحاول أن أعطيها أكثر من حقوقها عشان أقدر أطالب بحقوقي وما أدع لها أي مجال تتهمني بالتقصير معها


أما بخصوص تقويم نفسي وتقويمها دينيا .. فأنا بشر مثلي مثل الجميع أحاول بشتى الطرق أن أطلب منها العون لكي نستقيم سويا ونساعد بعض ولكنها دائما تسيط عزيمتي وعلى الدوام أحاول أن أثبت نفسي .. فمثلا:

- كم حاولت معي كثيرا في العبايات المطرزة الملونة .. وكنت أحاول أقناعها بالنصح والموعظة وأقول لها أن الغرض من العباية هو الستر والتحشم وليس الزينة .. كم مرة تفتح الموضوع وتقول: والله فلانة زوجها متفاهم يخليها تلبس عبايات مطرزة وملونة بس أنت الله يهديك معقد! أقولها قولي أمين الله يهدينا جميع غصب عنا! لو فتحتي معي هالموضوع مرة ثانية تحملي ردي.

- الحمد لله أنا ما أسمع أغاني ولا أشتري أشرطة (ماني ملتزم مع أني أتمنى أكون) ولكن قايم في صلاتي وكل شيء بس الواحد مايكره يتقرب الى الله أكثر. المهم زوجتي تطلب مني أشتري لها أشرطة أغاني أقولها اسف أنا لوعندي فلوس زايدة بأتصدق فيها ولا أشتري أشرطة أغاني .. تقولي طيب أنا أعطيك حقها بس أشتري لي شريط فلان .. أقولها ماتفهمين أنت .. تبين أكل تبين ملابس تبين شي حلال من عيوني لكن أغاني لا.
كل ما مسكت ريموت التلفزيون على قنوات أغأني لا جيت أناظر تلفزيون أو سمعت أغاني وانا في غرفة النوم أقولها تغير القناة لأن صدري ينضاق لا سمعت أغاني .. ذات مرة جلست في غرقة المعيشة كنت أقرى جريدة جات وجلست عندي ومسكت الريموت وعلى الأغاني .. قلت لها لا متى أقولك ومتى تبطلين عادتك كل ما مسكتي الريموت أغاني .. قالت: والله ما أسمعها كثير وما تهمني قنوات الأغاني بس مافي شي في التلفزيون يستاهل.. قلت: أيه هين اللي ما تهمك! بعدها في يوم كانت عند أهلها مسحت قنوات الأغاني كلها من الريسيفر .
يوم أنها رجعت الا هي متصلة علي يوم أكتشفت أني مسحت الأغاني وقالت: كم مرة قلت لك أنك لئيم .. ليش اللؤوم هذا ليش ماسح قنوات الأغاني .. قلت: ما تقولين ما تهمك وبعدين حسني ألفاظك! !

- ذات يوم قررت أن أتقرب من الله أكثر لعله يرحمني ويهديها فبدأت يإعفاء لحيتي.
يوم حست زوجتي أن لحيتي طالت تقولي (عادة فيها تنتقدني): متى أن شاء الله مفكر تحلق لحيتك ترى شكلك مرة غبي كذا مو عاجبني.

قلت لها: مادريتي أنا شكلي عاجبني كذا وماراح أحلقها خلاص قررت ألتزم ورضا الله علي أفضل من أني أعجبك.
قامت كل ليلة تعلق في الفراش لحيتك تضايقني (مع أنها مهي طويلة ولا شي) .. أقولها: عادي متعودتي عليها بكرة تتعودين!



أي نعم هي تصلي لكن دينيا ماتعرف غير الصلاة فالخلاصة كانت دوما تحبطني لكن كنت أحاول معها بأهداءها أشرطة دينية وكتب دينية ما كانت تسمع منها أي شي لأن الغلاف كما هو ما أنفتح .. لاحطت ذلك فصرت كل ماخرجنا أقولها نزلي شريط معاك من اللي معطيكي هي وأشغلها في السيارة ولكن ماعندك أحد كان الشريط في وادي وهي في وادي.

بسم الله ماشاءالله شنو هالتطورات والأخبار الحلوه

اقتباس:
--------------------------------------------------------------------------------
فهل هذا التصرف سديد أم لا .. رأيكم بالطبع سوف يساعدني كثيرا؟؟
--------------------------------------------------------------------------------


مليون في الميه سديد

وخليك على رايك بالنسبه لحالة زوجتك خليك صارم ومحسسها انك بايع
صدقني في حريم مايجوا الا كذا وطبعا ماينطبق على كل الحريم
في حريم ياثر فيهم الكلام وحريم ياثر فيهم الضرب وحريم مايجوا الا بالتهديد
وحريم بالتطنيش وحريم باللين والتفاهم وحريم تكفيهم الاشاره !!!



شوف يا خوي انا امراه وفاهمه تفكير الحريم وعارفه كل واحده وشلون تفكر وشنو نوع العلاج معاها
والسبب خبرتي في الحياه ولو ان انها لازالت تعتبر صغيره بس فيها مريت بظروف ومشاكل وشفت وسمعت
وتعلمت وكل مشكله في الحياه واجهتها او واجها غيري احتفظت فيها لنفسي وخزنتها واعتبرتها تجربه من
تجارب الحياه اللي لازم استفيد منها وافيد فيها غيري

وبالنسبه لزوجتك لو كان اسلوب اللين معاها ينفع كنت قلته لك بس زوجتك لها اسلوب ثاني وهو الانفع لها
واذا كان هالاسلوب ينفع مع حالتك فاتاكد انه ماينفع مع حالة غيرك فكل داء له دواء مختلف

وحالة زوجتك لمن شافت تساهلك معاها استهترت فيك وماحترمتك بالمقابل انت كل مره تسامح وتتنازل
وفي هالحاله مهما نصحتها او عاملتها بلين ماراح يفيد معاها ولازم تشوف منك اسوب ثاني
وهو الاسلوب التي انت تقوم فيه اللحين وصدقيني انها مصدومه ومتالمه اكيد لانها مو متعوده منك هالتصرف
او ماتخيلته ابدا ولاتصدق كلام امها لمن تقول طلق والله العظيم مافي ام مهما كانت شديده تحب تخرب على بنتها
وتخليها تتطلق يمكن تتسبب في خراب بيت بنتها بس في قرارة نفسها تقول ماكنت اقصد وماكنت اتوقع اللي صار
وماكنت اتمنى بنتي تتطلق ويمكن تبكي على اللي سوته في بنتها !!
واكيد ام زوجتك حاسه بتانيب الضمير بانها خربت على بنتها ولو مو مبينه !


واخيرا الله يوفقك ويهديك للصواب ويسدد خطاك ويصلح حالك

__________________

أخواني وأخوأتي أعضاء المنتدى ..

ما أدري كيف أشكركم على أهتمامكم بمشاكل أعضاء المنتدى فوالله على الرغم من أني عضو جديد إلا أنني أشعر بأن أعضاء المنتدى قلوبهم على بعض ومهتمين في بعض .. يعني شيء يثلج الصدر والله !!

من يوم ما شاركت في المنتدى شعرت براحة نفسية وأحسست بأن لي أخوة وأخوات في الله ممكن أن أستشيرهم من غير أستحياء أو خجل .

بصراحة أشكر القائمين على هذا المنتدى وجميع الأعضاء متمنيا لكم كل التوفيق ..

أخوي fahacci

والله فرحت لك وااااااااااايد على التطورات الجديدة

الحمدلله الذي أعزك هذا لانك طيب وعلى نياتك..........

أخوي مابي اكرر اللي اكتبوه الاخوة والخوات فكلامهم عين العقل

الله يوفقك ويسددخطاك ويسعدك ويعوضك عن كل ما عانيته طمنا عن احوالك

ولا تنسى تدعي لنا معاك .

وعادت ريمة لعادتها القديمة ..

بعد أن أعتقدت بأن مشكلتي أقتربت من أن تنحل .. تعود أم زوجتي لتظهر في الصورة مرة أخرى وتطالب بالطلاق لأنها على حسب قولها تنازلت وقبلت أن أرجع أخذ زوجتي من بيتها ولكني رفضت وفسرت رفضي بأن عيني على وحده غير بنتها.

وكردة فعل بدأت في مماطلة أهلي عندما ذهبوا ليحضروا بنتي كالعادة الأسبوعية ليروها 24 ساعة وحتى أستطيع أن أسمع صوتها على التلفون. يعني بالعربي رجعنا مرة ثانية على نفس الموال!

أفكر جليا وجديا في الزواج لأني وبصراحة لأرى نهاية عادلة لمشكلتي فإما أن أتنازل كالعادة أو أن أصرف نظر وأتزوج وأعيش مثل باقي البشر ..

خلاص .. وصلت مرحلة غير مستعد أن أتنازل فيها وأنا على يقين بأني على حق. بدأت أقصر في واجباتي الوظيفية بسبب مشكلتي وحلي الوحيد هو البداية من جديد بالزواج من أخرى.

أستخرت الله كثيرا ومرتاح لقراري رغم قلقي على بنتي وكيف سوف تعيش مشتتة ولكن أنا حاولت وما باليد حيلة


فما رأيكم هل أعقلها وأتوكل على الله؟

أفيدوني في أمري الله يرضى عليكم!