الأخت باربي :

1) في اعتقادي إن الأخوان اتفقوا على خلع فكرة الانفصال من رأسك فأرجو أن تحذفي هذه الكلمة من قاموسك .

2) الخطيب أحياناً يمر بأزمات ( مالية ، اجتماعية ، نفسية .... الخ ) وهو في هذه الحالة بحاجة إلى تفهمك والصبر على ما هو عليه .

3) سؤال : هل قلتي له مرة ( أنا مشتاقة لك ) ( أحبك ) .. هل اتصلتي به في الصباح الباكر وقلتي له ( صباح الخير حبيبي ) ؟؟
ما اقصده هو هل بينتي له بصراحة انك تحبينه لدرجة الجنون ؟؟

4) بعض الرجال كما ذكر أخي الكابرس يتحسس من الاتصال بخطيبة خشية أن يوجه له اللوم على اشغال البنت عن أمور البيت أو الدراسة أو أي حجة أخرى .

5) ربما أنتي كثيرة الانتقاد واللوم ( راجعي نفسك ) .

6) اطمأني جميع الامور ستتبدل بعد الزوج .

خطيبك يحبك وانتي تحبيه .. فدعي الحب حمامة السلام بينكما .

والله الموفق ،،،

__________________
مع تحياتي : دكتور القلوب

السلام عليكم ......
اولا : يا ماري ابيك توضحين الصراحه ما فهمت ولا كلمه وش قصدك بالضبط يعني !!! وش معناها (فإذا أظهرتها بطريقة مباشرة أسفة لما سأقول ولكنه سيركب أعتذر لما قلت) وش قصدك بهالكلام ما فهمت ارجوكي وضحي؟؟؟؟
بليــــــــــــــــــــــــــــــــز ماري وضحي لي اوكي انا متابعه الموضوع زين!!!!

و يا دكتور القلوب ...انا ما عندي شغل غير الدراسة ؟؟!!!
وهو عارف كذا ......المهم ايوه انا صارحت له وهو صارحني و اقوله دايم كل كلمات الحب و هو نفس الشئ؟؟؟؟!!!!!!!!!!!!!! هل هذا شئ غلط؟؟؟ يا دكتور القلوب ولا انه يقرب القلوب اكثر؟؟!!!! طيب ممكن سؤال يا دكتور او اي احد يعرف الحل .. هل الخطيب طبايعه تتغير بعد الزواج ولا ما فيه امل؟؟!!

هل حصل موقف معاك هز شخصيته او كبرياء رجولته ؟؟؟
وقد يكون لم يظهر أثره في نفس اللحظة 000فكري جيداً

تاجر النســـــــــــــــاء سؤالك هذا محيرني؟؟؟؟
مدري ... لا ما اعتقد!!!!
تدري الفترة الاخيرة اللحين ماصار مواقف ولا شئ بس من قبل تقريبا 5 شهور سويت معاه موقف قوي ( الموقف هو اني كنت اصيح و اقوله انا ما ابيك خلاص غيرت رايي ومانت صدمة قوية جدا عليه لاني فجأة كذا قلت له ما ابيك ترا يا تاجر النساء مو اول مره اقوله انا ما ابيك ... مدري كذا دايم يصير لي مع اني ابيه و احبه بس فجأة تلاقيني اقوله ترا لسسا ما صار شئ و هذا قرار مصيري و من هالكلام اللي تخلي الواحد يزعل حتى انا ازعل من نفسي لما اقول هالكلام بس مدري في شئ داخلي يقول لا مو عشان الشخص نفسه بس يمكن انا اقول لا لاني خايفه من الفشل ) بس انا تاسفت له بعدين و فهمته وجه نظري وهو نسى الموضوع لانه بعدها رجع لي مثل اول عادي يعني ما اتوقع انه زعلان لا هو كان عادي؟؟!!! يعني تتوقع ان هالموقف يهز الكبرياء!!! .................. ارجو انك فهمتني يا تاجر النساء؟؟

سؤال لك أختي Barbie Girl

هل أنتي فعلا تحبين خطيبك ؟؟؟؟

اذا كان الجواب نعم خلاص لا تهتمين لأي شي وخلك على حبك له ولاتجعلين الوساوس تلعب في ذهنك

هل خطيبك يحبك او تعتقدين انه فعلا يحبك بس فيه العيب هذا انه مايسأل

اذا كان الجواب نعم خلاص اختي تمسكي بالحاجة انه فعلا يحبك ولا تخلين اي مؤثرات خارجية تخرب عليك مابنيتيه بينك وبين خطيبك ولا تخلقين المشاكل علشان تشوفين هل صحيح هو يحبك ولا لا ومثل ماقالو الأخوان عليك بالثقل ولو تخلين الأمور هذي كلها بعد الزواج انا الصراحة خايف عليك تنقلب حياتك غير بعد الزواج نتي لازم تخففين على خطيبك حتى من السؤال عنه اتركيه حتى لو جلس شهر كامل ماتصل ولا سأل خليه هو الي يسأل صدقيني اذا شافك انك ماتصلتي فترة طوية رايح يسأل ويتصل بس انتي عليك الثقل وتركه بحاله في الفترة هذي وشوفي النتسيجة وتركي المؤثرات الخاريجة ونصائح صديقاتك الي ماتصلح حل ابدا

تحياتي والله يسعدك

__________________

saudi 2000
شكرا على النصيحة بس بليز حط مكانك بمكاني زين بالله مو شئ يرفع الضغط ..... انا من كثر ما احبه اعاتبه!!!!! ايوه هو يحبني وانا احبه بس الحب مو كل شئ الحب يكبر مع السؤال و الاهتمام؟؟؟ ولا وش رايك سعودي ... اصلا انا ما راح يهدا لي بال اذا ما سالت عنه اسبوع فما بالك بشهر اتوقع اني راح اتعب نفسياً !!!!! ارجو انك فهمتني و فهمت ظروفي؟؟؟؟؟؟

اختي ( Barbie Girl ) اشكرك على الأخذ بنصيحتي
وانا ما قلتلك الحل الا اني مريت بنفس حالتك لدرجة انها تقولي خلاص ماابيك انت ما تناسبني
يعني اتخذت قرار وقالته بعيدن الحين تقولي ما ادري كيف قدرت اقولها لك.
ترى مو من السهلة انك تقوليها بوجهه
ولا حتى تفكري بهالشي متل ما قلتلك
اوكيه وأي شي يعمله ما يعجبك صارحيه فيه احنا الرجال ما نحب اللي تخبي علينا
قوليله انت عملت كذا وكذا ليش؟!
بقولك ليش وتنحل المشكلة باذن الله
وزي ما قلت لك انتبهي عليه ودلعيه واهم شي بيني له انك تغاري عليه اوكيه ترانا نحب اننا احس بالغيرة صدقيني
اخوكي
vip

ههههههههههههه يا حليلك يا vip حتى انت ؟؟؟ شكله المرض كان موجود عند الكثيرين وانا على بالي انه انا الوحيده اللي صار لها هالشئ
على طاريي اني اغار ماتخفش بديت اكثر منها
بس عندي سؤال وش بعد تحبون غير الغيره اني اغار عليه وش بعد بليز علمني اوكي ؟؟
وثانكس على الكلمات الاكثر من رائعه يا في اي بي واتمنى انك ترد علي

بعدين في شغلة مهمة نسيتها وهي انك لا تخللي الزعل يدوم اكتر من يوم
يعني لا تنامي وانتم زعلانين من بعض لازم تتفقو على هالشي لأنك لو تعودتي انك تزعلي هالمرة يومين وبعدها ثلاثة رح تلاقي نفسك انكم زعلتو من بعض لمدة شهر من دون ما تحسو
عشان كذا خذو عهد على بعض ان ما احد فيكم ينام والتاني زعلان ان كان الحين او من بعد الزواج
انا كذا انا وخطيبتي من جد كذا يبين مدى غلاكم على بعض ( انك ما قدرتي تنامي حتى تراضيه ) وهو نفس الشي جربي هالطريقة وقولي ايش نتائجها
اخوكي
vip

الاخت باربي صاحبه المشكله
عمر خطيبك صغير واعتقد انه للحين ماوصل لعمر النضج ! وبصراحه كل صديقاتي اللي متزوجين شباب من نفس عمره احس تحصل بينهم مشاكل على امور تافه بالنسبه للمشاكل اللى ممكن تصير بين المخطوبين واللي تهدد فعلا العلاقه !!

هو صحيح اكبر منك لكن انتي عارفه ان البنت تفكيرها اكبر من الولد !! ولا تضمنين انه يكون راكد زي مالو كان شخص اكبر منه يعني آخر العشرين ! يكون شبعان من الدنيا ورزين وقد المسؤليه !!
بس ترا ماهو شرط !! انا اكلمك بشكل عام يعني احتمال يكون خطيبك راكد وماهو مراهق !!

عموما !
نصيحتي لك انك تثقلين عليه ! خصوصا انكم لسه ماملكتو يعني ماله داعي تتصلين فيه 24 ساعه وانتي اللي دايما تبتدين حتى لو كنتي تحبينه !! خليه هو اللي يبادر وشوفي معاملته معاك كيف !!

لا تحسسينه انك زعلانه منه مره !! يعني عامليه زي مايعاملك !! وهو اكيد بيحس بالتغير اللي صار لك !! وبيسألك وبتشوفينه راجع لك >>> هذا اذا كان فعلا شريك ويحبك


يجوز اختى يكون خطيبك فعلا مشغول وماعنده وقت ابد وتكونين انتي فاضيه " فراغ عاطفي " او من زود ماتحبينه ومتعلقه فيه !! ماتحسين يشغلك شي بالدنيا غيره !! <<<عارفه شعورك صدقيني مريت بالشي هذا !!

عشان كذا تحسين انك فاقدته بزياده وتحسين انه مطنشك او يكلمك مجامله !

اختى ترا اللي يحب مايقطع !! حطي هالشي في بالك الا اذا كان بسبب قهري ! ولو انه يحبك ماراح يصبر عنك !

واذا كان انسان كويس فعلا وماهو زي الشباب ! حاولي تتفهمي الوضع ! بس برضو لا ترمين نفسك عليه هو الرجال وانتي البنت !!! ولا تقولين البنت تحب اكثر !! ترا هالكلام غلط !! المفروض نفس الشي !
بس انتي حاولي تشيلين فكره الانفصال من راسك ! الا اذا شفتي عليه شي !

فراح اقول لك كلام ثاني !

نصيحتي لك

الثقل ثم الثقل !! ادري انه صعب بس هذا الحل الوحيييييييييييد حاولي تشغلين نفسك بالدراسه او مع صديقاتك او اهلك !! المهم تثقلين !! وترا انتي البنت وهو الولد !!!!!!!!!
اهم شي فى علاقات الحب التكافىء اجتماعي عمري فكري وحتى عاطفي يعني اذا واحد من الطرفين حس انه يحب والطرف الثاني مايحبه بنفس الطريقه او مايشبعه عاطفيا ترا = يتحول الحب والوناسه الى عذاب وارق نفسي ووحده !!
الله لايقوله ! عشان كذا اقول لك اثقلي عليه !

وعلمينا وش يصير عليك
الله يعينك ويوفقك