السلام عليكم

تونى تكلمت مع الوالد

قالى هذا واحد ما ينأخذ على كلامة

وانه كلمنى اول مارجع من الرياض

قلتله فشلنى قدام الناس


قالى محد ياخذ على حكية

كلمة تجر كلمة

بالاخر قالى ولد خالك تتزوجينة<<مثل ماتوقعت

من كثرالقهر قلت موافقة

قالى خلاص بس انا ماعندى سيولة ادفعلة الحين<<خوش زواج اهل العروس يدفعون للعريس

هذا بيكون تحت يدنا

ودق على الوالدة يخبرها

دقت على تقولى بلا تهور

هذا زواج ماتبينة لاتغصبين نفسك علية

قلتها قضي اخف من قضي

وصكرنا السماعة

صح زواجى فية قمة المذلة

وخصوصا وانا ادري انه اخذ اكثر من مغريات من الوالد عشان يزوجنى

مثل الشقة وتكاليف الزواج والمهر

صح كنت احلم بحياة افضل لما اخرج من بيتنا

وزوج صاحب كرامة

زوج يزوجنى لذاتى مو لفلوسي


بس حتى بهذا ما راح اضفر ومثل ما بدأت حياتى بوجع

راح اكملها بوجع

تحطمت كثير من احلامى لما قلت موافقة

لكن مو كل مايتمناة الانسان يحصلة


والحمدالله وصلنا لهنا