اااااااااااااه يا عزيزتي ومين ما يتمنى انه يسكن في بيت لحاله ....

مع انه اهل زوجي ما عليهم كلام والله ...

بس عن نفسي اتمنى انه تكون لي مملكتي الخاصه فيني .. ومحد يشاركني فيها الا زوجي العزيز ...

هلا وغلا ب هلا

اسعدني مرورك

ام جاسم حياك ربي

الله يرزقنا ويرزقك

__________________
سبحان الله وبحمده

انه احس مثل هالاحساس وايد مع ان اهل زوجي طيبين ومو مقصرين معاي بس خاطري يصير لي بيت بروحي اشيل واحط على كيفي واطبخ واسوي الليي ابيه ،المشكله انه ساكنه معاهم غرفه وتكرمون حمام واحد وعندي عيال اثنين ولدي صار 6سنوات يعني ما اقدر اخذ راحتي باللبس وبنتي سنتين والاسره على طول الغرفه كان جناح جمعي بالمستشفى يعني ودي بغرفه خاصه لعيالي ،وزوجي عنده اخوان ثلاثه وكلهم مو متزوجين ولازم احاسب شنو البس وطول اليوم اقعد بالعباءه والشيله ،صرت اتجنب اطلع من غرفتي عشان ما البس العباءه واموت من الحر،وما نقدر نطلع بروحنا لان الظروف الماديه ما تسمح ،الله يعينا ويعينج

__________________

احب ارد على الاخت ام خالد ......ماادري انتي ساكنه عند اهل زوجك ؟؟؟؟لان هذا الرد مايقوله احد عند هم مهما كانت طيبتهم ......المسؤوليات والاولاد ماهم مشكله تنحل بهذه الطريقه ....لكن الحريه والاستقلاليه هي الاهم ...
بعدين اخواتي الي عند اهل ازواجهم مالكم الا الصبر والاحتساب والتصرف بحكمه ..حتى لو غلطي وصارت مشكله ...
حليها بحيث ماتكبر وخلي في بالك كل البيوت فبها مشاكل بس تختلف من بيت لبيت
ولا تنخدعوا بطيبهم .... ولا تكرهيهم ...المعامله الوسط ....واسمحولي الي كانت راضيه من اول الزواج انها تسكن معاهم تتحمل.... عفوا على الاطاله

ي اخواتي انا اعني من نفس المشكله وصراحه نفسيتي الله اعلم فيها لاني انا الوحيده عندهم والباقيات كلهم ببيوت الحالهم وانا انقردت واخذت القعده والله عايشه زي الغريبه العجوز ماغير تعزم وانا ما ادري بشي ما ادري الى بالناس بالمجلس وطبعا من اللي يبي يطبخ اكيد انا ولا اتمنى لو يقولون الله يعافيك والا عساك على القوة ماغير هذا ملح وهذا حب ولا شطه 0 ولا حريم عيالهم الثانيات يتغزلون فيهم واهن الغاليات 0 تصدقن حتى السفر محرومه منه علشان مايروح وتركهم والباقين كل ديرة سافرو بها 0 اما على الغرف خليها على ربك الضيق فيهم ذابحني0 وزوجي الله يهداه مهما اعمل لااهله ويهنوني عنده عادي ما يقول شي ودايم بالاستراحه ما اشوفه الى بالفراش0 اكرههم بمعني الكلمه صرت احسد اللي عايشات حرات محد يتحكم بهم
الله يفرجها علينا

أخواتي الله يصبركم و يغير أحوالكم للأحسن ان شاء الله
أنا ودي أسألكم شي...أيش اللي جابركم على كذا اذا موب مرتاحين؟؟
الأحوال الماديه؟؟ ولا فيه أسباب ثانية؟؟

يعني أنا تقريبا مقتنعه بفكره سكني في بيت أهل زوجي لحد تخرجي (هذا اذا ما راح زوجي أمريكا..بس إذا راح بأضل عند أهلي)
يعني معظم الأشياء اللي تقولون عنها أنا ما عندي مشكله في ناحيتها...طبخ و شغل بيت ماحد يتوقع منه أسويه...بالعكس كل هذا راح يصير لي و أنا جالسه..مشاكل مع الأطفال..ان شاء الله مو ناويين نجيب أطفال إلا بعد التخرج...حجاب..ما فيه بالبيت الا زوجي و عمي..الدخله و الطلعه..المدخل تقريبا معزول يعني إذا ودي أنحاش محد بيدري عني...الضيوف..ما يجونهم ضيوف كثير أغلب شي من أهلهم يعني أخوال زوجي..خالاته..اخوانه و اخواته من ابوه..يعني الرجال محد يتوقع مني أستقبلهم و الحريم أظن يتوقع مني اني أسلم عليهم و كذا و لو اني مشغوله و استأذنت ما أظن أحد راح يزعل مني (صح؟؟)......يعني أنا أفكر هالأشياء ممكن أستحمها و بالنهايه السالفه سالفه مؤقته
أنا اللي يخوفني موضوع الخصوصيه..يعني أحس كذا ممكن يوم أصحى الصباح ودي أسوي لزوجي فطور رومانسي و كذا..كل اللي في البيت بيدرون اني طابخه...و أتخيل بعد هم بيطلبون من مطعم بيجون يسألونا اذا نبي...بيطلعون...بيطلبون مننا نطلع معهم (يعني من الحين هم يسوون لي هالحركات تخيلوا بعدين و أنا معهم في نفس البيت!!)...كل شوي بيجون يدقون الباب على الفاضيه و المليانه (نفس الشي هم الحين اذا زوجي معي ولا طالعين كل شوي يدقون عليه يقولون له أشياء ما لها داعي)...في الوجبات أتوقع راح يتوقعون ان احنا راح ناكل معاهم..يمكن مو في أيام الدوام بما ان أنا و زوجي دوامنا طويل و نرجع متأخر...بس في الويكند و الاجازات أكيد يتوقون نتغدا و نتعشى معهم...............تدرون جاتني فكره...بأحط لهم زي اللي يحطونها في الفنادق على الباب "الرجاء عدم الازعاج" ......عموما أرجع و أقول حتى مع هالأشياء الوضع راح يكون م ؤ ق ت

بس الخوفه بعد ما اتخرج ما يصير مؤقت........علشان كذا ودي أعرف منكم الأسباب اللي مخليتكم لسه عايشين معهم..هل هي بس ماديه؟؟ (الله يفتحها عليكم و يرزقكم)...ولا فيه أسباب ثانيه؟؟؟ علشان أحاول أتجنبها

و قولوا بس ان شاء الله يروح امريكا و اروح معاه و نرجع عندنا بيبيين و نسكن في بيت بروحنا

والله يا أخت ريفان جيتي على الجرح لدرجة اني ماأدري أبكي ولا أضحك أوقات كثيره أجلس أبكي من الطفش مع أنهم ناس طيبين بس لابد من الأحساس بالقهر وضحكتيني في سالفتك مع زوجات أخوان زوجك لأنها دائماً تحصل معي
الأخت مشغوله اللي جابرني على هالحال هو تعلق زوجي الشديد بوالدته حيث أنه أصغر أولادها وإذا كلمته في موضوع البيت ينقلب وجهه مع أنه الحمدلله ماعليه قاصر مادة
ا لأخت اشورايا قلتي كل اللي في خاطري

__________________
إلـــــــــــى زوجـــــــــي الغـــــالي

يالله لك الحمد والشكر احمد ربي واشكرة ليل نهار اني طلعت بيت لحالي

لأني كنت عايشة في جحيم مع أهل زوجي مشاكل لاتعد ولا تحصى ام زوجي الله يهديها مخليه البيت جحيم علي وعلى عيالها مسيطرة من الدرجة الأولى تخلق المشاكل من خرم الأبره ولا بناتها يالله شي غريب مش متعودة عليه في هلي

لكن عقب ماطلعت بيت بروحي حسيت بكل شي طبيعي في حياتي عكس قبل بديت اقدر اعزم اهلي وصديقاتي وصرت اسوي حق زوجي اكلات بنفس محد ايحاسبني لا في اكلي لا في طلعتي لا في لبسي لا في قومتي .

وأنا اؤيد بشدة ان الوحدة تعيش في بيت لحالها من بداية الزواج تجنباً للمشاكل ولحياة افضل

الاخت ريفان
تحية طيبة...
ارجو ان تضعي في الحسبان ان برك باهل زوجك هو من برك وحبك لزوجك مادامو يخافون الله فيك ...
خصوصاً والديه اما بالنسبه للاخوة والاخوات وبقية اقاربة فمن رايي ان تعامليهم بمثل ما يعاملوك...
واتمنى لك التوفيق في الدنيا والاخرة

ام عزي...تصدقين حاسة بيك لاني كنت بيوم من الايام زيك.....
لكن الله يهديك ام زوجك مهما كانت لا تقولين عنها...العجوز ترضين مرة ولدك تقولها عنك الله يوفقك...