للأسف زوجتك ما راح تحس الا لما تخسر كل شيء و يتخلون الي يعبون راسها عنها
الله يعينك اخوي

زوجتك عديمة خبرة
إنت كمان عنيد جدا وعديم خبرة وأهلك كمان عديمي خبرة
مدري ايش وضعكم هل أنت الابن الوحيد ولا أول ابن يزوجوه في الأسرة وأول مشكلة تواجهكم..

أنا مو بصف زوجتك.. زوجتك تفكيرها غلط ما اختلفنا..لكن أهلك بهالعمر يطلبونك تطلقها!!!!!

لاتزعل مني بس مافي والدين عاقلين يطلبوا من ولدهم يطلق زوجته للأسباب اللي ذكرتها ووضحتها...

واللي يأكد لي والدتك إما عديمة خبرة أو انسانة متدخلة وتبي تتحكم بشؤون غيرها الرسايل اللي ترسلها لزوجتك عن حسن التبعل ووو......الخ

ياأخي النساء عموما وبنات هالزمن على وجه الخصوص ما يتقبلن نصائح بالذات من أم الزوج
فكيف أمك ترسل لها؟؟؟!!!!!!

أمك تدخل نفسها من باب المحبة لك والحرص على سعادتك..لكن هذا النوع من المحبة مخربة ومدمرة بدليل شوف حالك فين وصل..

أنت مشكلتك مع نفسك..
تبي ترضي أهلك
تبي ترضي زوجتك
ماتبي أحد يزعل منك
بنفس الوقت تبي جو الحب والاحترام يسود بين زوجتك وأهلك
ماتبي تظهر أمام أهلك بصورة الشخصيةالضعيفة
ماتبي تكون بنظر زوجتك شخصية متسلطة تبي تكونة بنظرها الشخص الديموقراطي الطيب المحاور المتفاهم
ماتبي تخسر شي
يا أخي أول شي
اجلس مع نفسك اتفاهم مع نفسك واتصالح معها.. وكن حازم فيما يخص أسرتك واتركك من أهلك فهذا ليس عقوق..

اصلح مابينك وبين زوجتك وضع الاتفاقيات فيم يخص حياتكما فقط ورجعها..

أما وضع زوجتك مع أهلك اتركه للأيام والزمن..وتذكر أن دوام الحال من المحال..

أقدم على هذه الخطوة ولا تتردد لأن هذا ليس معناه زوجتك مشت كلمتها عليك وأنك ضعيف شخصية..بالعكس هذا يدل إنك شخص شخصيتك مستقلة لأنك تقود أسرتك..وهذا الشي يحسس زوجتك بالأمان معك..

مثل ما أهلك يحبوك...أكيد إنت كمان تحب بنتك..
أهلك من حبهم يبونك تطلق لإعتبارات اجتماعية وشخصية تخصهم هم...
لكن إنت حبك لبنتك يخليك تحافظ على أسرتك..ومو من المنطق تطلق وتشتت أسرتك لأجل أطراف أخرى وإن كانوا أهلك..

تخيل حياتك طلقت زوجتك وبنتك تتربى بعيد عنك.. ليش تحرم نفسك من ضناك؟؟

ثم إنت أكيد تتزوج أخرى..وقلبك معلق في بنتك.. وربما يعاودك الحنين لزوجتك لأنه واضح إنك تحبها..

كيف حتتصرف في هذه الحالة؟
تهمل الزوجة الجديدة ثم تطلقها بلا ذنب ولا خطيئة.. ثم ترجع الأولى..

هذا السيناريو وارد حدوثه..

للمرة المليون أقول لك لاتخرب بيتك عشان أهلك..حافظ على أسرتك..لأنك بعد ماتطلق محد راح ينفعك ولا أحد راح يتألم مثلك..كل راح يعيش حياته وإنت اللي راح تتشتت..

وعلى فكرة أهلك مو من الأرحام ولا واجب على زوجتك صلتهم ولا واجب على أهلك صلتها..بغض النظر عن الإعتبارات الأخرى..

مكلومة بيض الله وجهك انا معك بكل حرف 👍👍👍

__________________

ما شاء الله، مكلومة حللت الموضوع بكل موضوعية وانا معها في كل ما قالته. ارجو من صاحب المشكلة ان يقرأ مشاركتها اكثر من مرة.

الله يعينك الاغلب شفال تجريح فيك سواء من الي مع زوجتك والي ضدها
مع اني حسب كلامك ماني شايف اي غلط صادر منك
وحتى امك اش فيها لو ارسلت لزوجة ولدها رسائل عن حسن تبعل
واهنيك على ظبط اعصابك وقت مشكلة العزا
مشكلتك الطيبه الزايده
ياخي قول الي تبغاه غي رساله وحده وبعدها طنش وانسى انك متزوج لفتره
واذا احتاجت شي ضروري جيبه بس علشانها حامل ورجع طنش
وانسى سيرة الطلاق ولاتفكر فيه

علي اي اساس حكمتي انهم عديمي خبره .. الحمدالله ولا حاله طلاق عندنا .. الاحترام والحب ساىد ولله الحمد ..

والله من كثره مشاكل والخروج من البيت .. طفشت اللي حوالينها . والله ماالومهم يوم اشوفهم يقولون كذا ..

بعدين ي اختي وش فيها اذا رسلت الام للزوجه ابنها .. تري الرساله مااحد فاضي والله تقصد وماتقصد .. وش هالبنات اللي مايقبلون بااحد يدخل في خصوصياتهم .. والحمدالله الاسلام بين حق الزوج .. واكثر عباره معبره (( كوني له أمَة يكن لكِ عبداً )) كثير يجهالها .. ويبدو لي الاغلبيه

والله ي حليل جدتي الله يرحمها .. كانت امي بنفسها تودينا لها ونقعد حولينهم نلعب ونسولف .. وهاذا جداني كبار بالسن ومااحد يقدر يغلطهم .. حتي لو انهم علي خطاء .. وينصحون ويسوون .. ولاكانت امي ولا احد من زوجات عماني يردون عليهم .. مااقول الا الله يخلف علي بنات هالزمن .. الاحترام حلو والذرابه في الكلام احلي ..

اهلي .. بالعكس لو شافوني مبسوط ومرتاح .. ماراح يقولون هالكلام طلقها او ماشابه .. انا اجزم انهم راح يوقفون بصفها .. حتي لو هي المخطئه

اختي من حسن العشره للزوج والزوجه .. انهم يقومون بالواجب في اهل بعض .. نحن ليس في صراع الحقوق والواجبات في مواصله اهل الزوج او الزوجه ..

اذا وجد التسامح والالفه بينهم وحسن العشره .. ي شيخه انا افرش لها الارض حرير وابذل مافي وسعي لأسعادها ..

بصريح العباره حتي لو رجعت زوجتي .. ماراح يكون لها ذاك الحب او التقدير مني لها .. واجبات وحقوق ماراح اقصر حشى .. والله لو بأمكاني اتزوج الثانيه بألتاكيد راح اسويها وبدون تردد ..

الله يصلح الحال ..

شايف كيف اخوي بدران .. متفأجي من كثير من كلام العضوات .. واجب ومو واجب .. واشوف ومااشوف .. كلام عجيب غريب .. بعض العضوات الله يعين ازواجهم عليهم ..

عموما .. المعامله سوف تكون لي مع اهلها بالمثل .. تواصل اواصل .. تقطع اقطع ودعى الحياه تمضي ...

الله يعينك ويفرج لك ويصلح حال زوجتك
انت مااخطيت ولااهلك
بيض الله وجيهكم
هي طلعت وهي زعلت
خلها تتحمل نتيجة افعالها
وبعدها تدري ان لكل فعل ردة فعل
تعاملهم ب ا

تعاملك واهلك بحب واحترام بتلقى حب واحترام اكبر
وبعدين الوحده لما تتزوج تحط في بالها ان زوجها مو فقعه نبت من الارض نبات إنما له أهل تعبوا وشقوا ع تربيته يحبونه ويخافون عليه ويحترمونه وهو بالمثل والي مافيه خير لاهله الي من جا للدنيا وهم شاقين في تربيته مافيه خير لزوجته الي عرفها من كم شهر او سنه
والا دوريلك زوج مقطوع من شجره وريحي رأسك وريحي ولد الناس
موفق اخوي وأدبها بطريقتك ولو طال الوقت
دامك ماظلمتها وحاط والديك واهلك تاج ع رأسك فابشر بسعدك ولو طال الزمن 👍

بغض النظر عن حقوق وواجبات
حسن الخلق مطلوب مع كل مسلم ومن كل مسلم
فكيف بالزوجه مع زوجها واهله !!!!
اجل اذا زاروك اهلك ماتطلع لهم او تطلع من البيت لما يروحون اخ بس زمن الله بس يكفينا شرررره
والله يالزوجه الي ماتحسن لاهلي ماهي زوجه
عاد الأهل وش يبون ؟؟؟
بهالزمن والله مايبون الا الاحترام وفلة الحجاج
لكن ضاقت النفوس حتى عن الوالدين ولاحول ولاقوة الا بالله