لا تفرحين وايد علشان ما تنصدمين... اذا في شي تعلمته في حياتي... فهو اني اضع خطه احتياطيه في حال فشل المشروع... علشان ما انكسر... لاني انكسرت مره... و ما فيني حيل انكسر مره ثانيه...

فكري في كل الاحتمالات و السيناريوهات اللي راح تصير... سواء تزوجتوا او ما تزوجتوا... علشان تكونين جاهزه نفسيا لكل شي....

اسأل الله ان يعجل بزواجكم ان كان فيه خير لكما... و ان يبعدكما عن بعض ان كان هذا الزواج شر لكما..

ادعي دووووم في صلاتج... اللهم انك تعلم اني اريد الحلال... فإن كان سالم الزوج الصالح لي و انا الزوجة الصالحه له فيسر زواجنا و ان كان زواجنا شر لكلينا فاصرفه عنا....

__________________
يرجى زيارة موضوعي


http://www.66n.com/forums/showthread.php?t=251177

أشكرج اختي على النصيحه

السلام والرحمه



الحمدلله اللي تمم اموري على خير..الملجه ان شالله يوم الخميس

فرحانه ؟؟ موب فرحانه ؟؟ أجواء غريبه مغيمه علي في البيت ماادري شو هو شعوري بالضبط .. هي فرحانه لانه سالم خطبني بس مابا اعقد الامور طالما حققت هدفي هدفي ..

أختي تقول جهزي للملجه واذا شي ناقص خبريني .. الثانيه اتصل فيها اقولها تعالي ابا كلكم معايه تقولي سامحيني والف مبروك فرحانه لج من قلبي لكن والله العيال مااقدر اخليهم ومدارس وهي في الكويت والثالثه ماادري في برى بحكم وظيفه زوجها الله يسامحها ويهنيها والرابعه معاي وموب معاي

ذياب زين منه بيحضر الملجه
خليفه اقوله بابا تعال معاي يقول روضه والله علي التزامات وعذر مني مناك ..
ابوي يقولي الذبايح من صوبي بخبر العامل يسير يوديهم .. والباقي من صوبج ..اعزمي الكل لاتنسين حد والرياييل بلغتهم اللي بيي مرحبابه ..
الانسان اذا وصل هدفه يشعر بالسعاده
وانا شعوري اخطه في منتدى يحتوي اسرار الجميع اللي مايعلم بها لاقريب ولاحبيب غير رب العباد

صحيح احس ابا اصيح ابا اضحك موب فهمة نفسي صرت في لحظه اجهل مشاعري واجهل شخصيتي واجهل اذا كنت متخذه موقعي صح او لا

كل اللي اعرفه اني روضه القويه واللي ماتخاف غير رب العباد ..


اوكي طالما وصلت للي اباه لازم ماتردد او اخاف او احس بالفراغ في لحظه او اضعف انا قويه وببقى قويه بأذن الله تعالى
سويت اللي اباه المفروض اغني موب اشتكي بس حسيت والاحساس ذبحني

مافهمته احساس اجهلة ليش يحتويني في عز اللحظات اللي كل وحده في مكاني بتفرح فيه

الوحده موب عيب الاحساس بالضعف في لحظه اي واحد مكانك بيعيشها في ضحك وفرح ووناسه
أنا اللي بقول مفتقده
مفتقده الكثير بالرغم اني حققت اللي اباه
ماادري شو




في هاللحظه اكتشفت موب لازم افرح طالما حققت اللي اباه بدون ندم موب بالضرورة اشعر شعور اي بنت في هالليله



والله يوفقكم واشكركم على كل النصايح اللي قدمتوها لي خواتي من بدايه مشكلتي للنهايتها انا اليوم وصلت وطالما وصلت مالي الا اني احافظ عليه ويحافظ عليا ..
والله لايخيب ظني في سالم ويكون لي نعمة العون والسند .. والله يرحمنا ويرحم موتانا اللي لو امهلتهم الحياه فرصه لشاركونا لحظاتنا السعيده ولكانوا اول من يفرح لنا قبل مايفرح لك ولي ولغيري البعيد


وربي يحفظكم

ربط حياتج بحياة إنسان ثاني مسألة مب بسيطة .. عشان جذي الخربطة والقلق والارتباك .. كل هذا طبيعي تحسين فيه.

يمكن في أمور تخلي التوتر أكبر شوي .. لكن في النهاية الانتقال من حياة لحياة أخرى بعدنا مب عارفين كيف بتكون بالضبط لازم يخلينا نحس شوي بالخوف.



أمي ماتت قبل ما اعرس بسنين .. ويوم عرسي اختي ما قصرت فيني .. لكن مع ذلك كنت وايد أتمنى لو ان امي هي اللي كانت معاي .. وهي اللي خذت بيدي .... لكن ما اقدر أقول إلا الحمدلله على كل حال.

الله يرحم امي وامج والجميع يا رب العالمين.



الله ييسر أمركم ويبعد عنكم الشر.

__________________


اللهم طِيبَ الأثر .. وحُسْنَ الرحيل.

صح يامهره صح ...

اعذريني ماكنت منتبهى انه ماماتج متوفيه الله يرحمها وافهم شعورج قبل العرس لانه محتويني هالايام وهالساعات ...
اشكرج عزيزتي وربي يوفقج ان شالله

بتتركين المنتدى
فرحت لك روضه بس كلامك الاخير احزني
وش فايده نوصل للي نبغاه ان مااسعدنا وعشنا احلى فرحه
الله يوفقك يارب

ماقلت اني بترك المنتدى بس قلت في نفسي موب ضامنه عقب الملجه ارد او لا وبالمره استودع ربي المكان اللي احتواني في يوم

والله يوفقج ان شالله

روضه الله يوفقك ويتمم لكي على خير
ويجعل دخول سالم حياتك خير وسعاده

مهره يهمني رايك هنا http://www.66n.com/forums/showthread.php?t=246621
والسموحة من روضة

اشكرج عزيزتي

اعذريني طرحت مداخلتي بعد قراءه مشكلتج بما انج تفضلتي بمرورج وتهنئتج لي.. وان شالله تتابع اختيه مهره موضوعج

روضة ..

اخاف يكون زواجك من سالم ..
بس تحدي بينك و بين نفسك .. لما شفتيه تزوج ..

ماتعودتي احد ياخد شي انت تمتلكيه .. و انت تعتبري سالم هو (لك)
فكان تحدي لك انك تحصلي عليه ..

ثقتك بنفسك ما سمحت لك تخلي امه و لا زوجته .. يكسروا هالثقة لما شفتي سالم رجع لك
ترضي الغرور الانثوي بداخلك ..

لكن بعد كذا !؟

.
.

امه صح رضيت و قبلت ظاهريا .. لكن اتوقع انها تقصدت توصل لزوجة سالم ..

و لاتزعلي من كلامي .. بس اخاف تصحي بيوم على واقع انك زوجة معدد ..
و بالتوفيق لك ..

و طمنينا عليك بين كل فترة و فترة ..