اها يعني البنت فيها عين !!!! , حسبنا الله على اللي كان السبب وان شاء الله سينفضحون الذين سببوا ذلك ,ولكن البنت ليست في وعيها وهي تحت تأثير العين نسأل الله العافيه .

حسبنا الله ونعم الوكيل الله يجزاك خير على متابعتك للموضوع وجعل من كان السبب العماء في الدنيا والعقاب في الاخره

بسم الله الرحمن الرحيم

اخ عافتني قريت موضوعك وردود الاعضاء .حابه اعلق على مشكلتك
أول شيء راح اعلق على العنوان ( واحنا بالملكة وطالبة الطلاق...!!! )
يعني ياعافتني لو طلبته بعد الزواج بيكون اخف عليك من ان تطلبه في الملكة؟
الملكة ياعافتني هي فترة تعارف بين الخطيبين للاسف عندنا بالسعودية مافيه
فترة خطوبة يتعرفون فيها .يتم التعارف بالملكة يعني اذا طاح الفاس بالراس..!
والعريس يخسر ويأثث والبنت بعد تجهز وهما اصلا في فترة تعارف .
يعني ممكن بأي لحظة البنت او الشاب يتراجع ..!
وهذا الي صار معكم ..البنت تراجعت وطلبت الطلاق
حتى لو افترضنا ان البنت مافيها(عين) طيب ياخي يمكن استخارت ربها اكثر
في هالزواج.يجوز مارتاحت يجوز اثر عليها احد يجوز شي في اسلوبك يضايقها.
المهم انها ماتبيك...! وانت مشكلتك كلها احتجاج ..ليش ماتبيني..وش فيني؟
مايعبيني شي. ماقصرت بشيء. ترا المسألة يا عافتني شيء نفسي يمكن
انت مافيك عيب بس هي ماتبيك. حتى لو كبيت عليها هدايا الدنيا.ممكن شخص
مايجيب لها ولا حتى وردة لكن تعلقت فيه .وشخص مغرقها هدايا لكن ماارتاحتله
بعدين واضح من كلامك انك مقهور على الخساير والفلوس والهدايا موعليـــها.
وهذا الي حارق قلبك ليش تعوفني وانا خاسر عليها !؟موعشانك تحبها
انت لو انك تحبها ماجبت طاري الخساير الي فاقعه مرارتك.وماكان استخسرت شي اندفع .
وانت بنفسك قلت انا حبيتها لانها عروستي المستقبلية !! بس عشان كذا حبيتها؟
يعني مو لشيء يميز هالبنت.بكره تخطب اي بنت وبتحبها لانها بتكون عروستك عاادي
مدام هذا سبب الحب!!!!!!!!
وكل شوي تقول ماقصرررت وماقصرررت ..وعطيتها الهدايا الغالية.شكلك ماخذ فكرة عن البنات
غلط ان الهدايا تسحرهم وتخطف قلوبهم..ترا البنات مو لهدرجة سطحيات همهم هدايا وخلاص.
وانت الله يهيديك قاعد تحرق في نفسك اكثر وتقول ليش اخوياي زواجاتهم تمت واعرسوا وانا لا؟
هذا نصيب يا أخي وش يدريك لو واحد منهم يطلق بعد شهر او شهرين لاسمح الله.موشرط ان
زواجاتهم تمت يعني خلاص توفقوا !! لاتقارن نفسك بأخوياك شوف الناس الثانيه ياما ناس
اشترو كلشي بالاخير فكو الملكة.

اهاا يعني البنت فيها عين!! >> توكم تستوعبون؟ بعد ماقطعتو جلد البنت !!
اهلها من البداية قالو ان فيها عين لكن ماحد حب يصدق وماخليتو شي ماقلتوه فيها
بعد ايش توكم تدرون ان البنت مو في وعيها وتحت تأثير العين.

الي قال مرتك بزررر وعينها قوية. وانت ياعافتني كانك ماصدقت يقولون هالكلمة
في كل رد تكتب عينها قوية. عشانها ماتبيك صارت عينها قوية..!
او انك تبي ان طلب الطلاق يجي عن طريق ابوها؟
بالعكس انا شايفة ان صاحبة الشأن هي الي توصلك هذا الشيء وجها لوجه لان محد
يقدر يوصلك شي هي تبيه غيرها. لكن مع الاسف قلت عليها عينها قوية.متى بنعيش
في مجتمع حضاري يسمح للمرأة تعبر بنفسها عن شئ يخصها؟متى بنتطور؟ الى متى
لازم البنت تسكت وماتتكلم وماتعبر واحد يتكلم عنها؟ خاصة انكم كنتم تجتمعون لوحدكم
كثير يعني يوم على جاء الشيء المهم الي لازم هي تقوله وصفتها بالعين القوية؟؟؟؟
والاخت عروسة مغتربة وش هالتحامل على البنت؟ ردك كله تشفي في البنت تقولين
هي المسكينة وانت الربحان هي الخسارنة وهي وهي.. انتي بنت لو جالك الي جاها
او اصبتي مثلها بعين وقلبت موازينك وكرهتي زوجك هل ياترا راح تقولين نفس الكلام
الي قلتيه على بنت الناااااااس؟؟
محد يدري عن حالة البنت الحقيقية وانتم جالسين تحكمون بس من طرف واحد.
اما انت ياعافتني لاحظت انك تفرح بالردود الي بصفك ايا ً كانت واي شي بصف البنت
تعتبره هجوم عليك ليش؟ انت حاول تلاقي حل مو صاير تدور من معك من ضدك.
واستغربت كثير لما شفتك تقول انها فعلا صارت عين بس انا اثقل واتغلى؟
كانك تقول بذوقها الي ذقته.البنت مصابة بعين وانا انصحك انك تقراء كثير عن
المصاب بالعين بدل ماتحاول تعاملها العين بالعين والسن بالسن.
وبقولك شيء ترا البنت ماتفصل فستان العرس الا اذا كانت مقتنعه مئة بالمئة بعريسها
يعني هي كانت تبيك فعلا بس نظلوها العالم .فياريت انك ماتظلمها وتقول معطينها اهلها وجه
وبزر ومن هالحكي؟
أما خالك الي يبي يزوجك ويعطيك مهر والله مايبي مصلحتك وشكلك تبي تعرس
بس عشان تقهرها مو اكثر طيب والعروس الجديده ماراح تتعرف عليها؟ ولا بس عرس
الله يهديك ويعينك ويعوض عليك وعليها

ماشاء الله عليك ردك صراحه يعتبر رد مناقض للجميع ما ادري هل هو حب ظهور ولا اثبات شخصيه ولا وجهة نظر صحيحه

انا خاطب يا طولية العمر من شهر 8 واول شي قالوا البنت ماتبي بعدين اتصلوا قالوا امهلونا جلسنا نهاية شهر 9 وبعدين جت الخبرية الاكيده بالمكيده...

تملكت اخر شهر 12 بعد مماطلة اهلها وكل شهر يقولون اللي بعده المهم تملكنا وخلصنا وقلنا الزواج في شهر 5 قالوا ما يمدي المهم منا كلمه ومنهم كلمه وانا العاشق الولهان اللي كل ما قال كلمه انحسبت عليه من زوجته وزعلت ويالله ارضي ياعم ارضيناها على اسباب تافهه زعلت لأن اختي اشترت مجلس وتقول ليش ما شاورتني زعلت وانا عازمها في مطعم وتغديت لحالي فيه زعلت لما سكرت السماعه في وجهي عشان اخوها دخل عليها وسولف معها وانا يتسكر في وجهي زعلت لما ... زعلت لما جاء ولد خالتها اللي عمره 19 سنه بيسلم عليها وانا عيت زعلت لما سرقت شغالتها الهدايا اللي جبتها لها وقلت لها اني بدخل اكلمها وزعلت وزعلت وزعلت ....

كنت متابع مع مستشار اسري تربوي يتابع ردود الفعل حقتها اخر فتره الرجال قالي افسح المجال لغيرك (يعني طلق)


البنت وش تبي غير واحد يحبها ويخاف عليها ويفرش لها الارض حرير عشان بس يرضيها وكل المشاكل اللي كلمتك عنها تتخيلي ما تعذرت الا لواحده بس والباقي انا رحت تعذرت لها

وفعلا اذا كان ماتبيني ليش جت سلمتني نفسها يا اختي العزيزه (هذا اذا قلنا البنت ماتبيني فعلا)

طيب نقول انها عين على ما ذكر لي

هل يعجبك وضع التعليق اللي صاير وفترة برود اهلها وانهم يستقبلوني استقبال حلو ويجرحوني بنفس الوقت يقولون في وجهي البنت ما تبيك

انا حاولت بشتى الطرق اني ارجع المياه لمجاريها لكن بدون فايده لي اللحين شهرين على الحال وانتي جيتي لخصتي حياتي في رد مكون من 677 كلمة (واحسبيها)

طيب نقول انها استخرات ربها (مع انها ما تصلي الفروض على كلامها) الله يوفقها ... ما راح نقول شي


انتي شفتي بعين وحده اللي هي من ناحيتها يا اختي تراي انسان احب ولي مشاعر واحاسيس ما تعتبر الايام هذي من عمري والفلوس ذي مو من دم قلبي والدوام مستعد ارفق الخطابات اللي جتني بسبتها وممكن اجيب الورقه اللي وزنت فيها كان وزني واو خقق (72) واللحين 61 لو اني مسوي رجيم حاد ما صرت كذا

ولا تبيني اصور لك شعري اوريك الشيبات اللي طالعه قبل سنه مافيه الا شي ينعد واللحين من كثره الحلاق يشاورني اصبغه لك

تعتبر صدمه قويه بالنسبه لي ممكن عشان اني مندفع لمها واحبها فعلا مو على كلامك احب الفلوس وعلى فكره المال عديل الروح ..

وانتي بكلامك ذا كأنك تطالبين بالتعاارف والاختلاط قبل الملكه او على كلامك قبل يطيح الفاس بالراس يا اخت متحضره اذا كان الحضاره تبي تستغل في الانفتاح الزايد عن حده ما نبيها حنا مجتمع محافظ وشوفي دول العالم كلها تتكلم عن النقطه هذي ماودي ادخل تفاصيل في الموضوع لأن يبي له جلسه كامله وموضوع منفصل


اذا قلت عنها قوية عين لأني صابر على اشياء واجد واتحمل اشياء واجد عشان خاطر عيونها مو عشان اي شي وتفاجأ بكلمة بكل برود ماتبيك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ابي اوقف اول شي عشان اوازن نفسي لا يغمى علي وبعدين ابي اروح للي قالي واصطره على وجهه واقوله هيه مو انت اللي تحدد انها تبيني ولا لا !!!!!!!!!!!!!!!!!!!!

بعدين الموضوع كله بيدي سواءا بغتني ولا لا يعني اقدر اغصبها علي واجيبها بالغصب وكأن الموضوع بيدها اللحين تقول ما ابيه طيب من شهر 8 الى 29-12 كل يوم ابوها يتصل على وامرهم واطلع انا وابوها تقدر تاخذ علومي ككلها من ابوها لكن لو شفتيها وشلون ترد على ابوها مو انا بقول عينها قويه انتي تبين تقولينه


واكيد ليش عافتني وانا مافيني عيب لأني فعلا شكيت بنفسي !! هل فيني عيب ؟؟ طيب اذا مافيني وش السبب المقنع انها تجي بعين قويه وتقول ما ابيه

اخر مره كنت على خط رايح 1200 كيلو من المشاكل اللي شفتها قلت بروح اريح عند اهلي وانا على الخط متضايق اتصلت على اخوي قلت اسمع رح اقرب محل ورد واشتر لها احسن بوكيه ورد وارسله لها عشان تتصل على عريس الهنا مع انها غايبه عني 28 يوم ما ادري وش اخبارها ولا اعرف وين هي ووصلها الورد ولا كلمة شكر اتصلي على الاقل قولي الله يعطيك العافيه


وكلام كثير ما اقدر اللخصه في رد ولا ردين لذلك مو محتاج اقنعك اكثر ..................!!!!!


ولو سمحتي اذا حبيتي تخاطبين احد في اي موضوع كلمي صاحب الموضوع فقط لا تتطرقين للأعضاء لأنهم لهم وجهات نظرهم زيك انتي لك وجهة نظر


الله يعطيك العافيه على اهتمامك وردك واعذريني اذا وصلت وجهة نظري بطريقه بدائيه بس فعلا حاجه تغبن لما تبيني مستقبل كامل وينهدم بلحظه وبدون سبب مشكوره اختي وبرضوا تراي استفدة من كلامك ولا تحرمينا من تواصلك

اهم شي انك واثق من نفسك لاتحط خطابات ولا شي

الله يعدل امورك ويريح بالك حاول انك تنتبه لعملك لاتخسر كل شي انا مريت السنة الا فاتت بي حاله تشبه حالتك بس بدون عقد وقتها تركت وظيفتى وخسرتها
اتمنى انك تنتبه لا تخسر كل ششششي

الله يعينيك ياارب

__________________
ياررب ارح قلبي وعوضني خير

ماقول لك غير ربي يجبر بخاطرك ويرزقك ماتتمنى ..
ويوفقك بحياتك الجاية يارب . لو م معاناة المال وخسارة البيت وكل ريال دفعتة ماتجي حنب كسرة القلب وخسارة احساس حسيتة وبلحظة تبخر
ترى هالشي بكفة والمال بكفة لان الريال يتعوض لكن جرح القلب والامة وتعبة تظل غصة مايمحيها الا الزمن او شخص اخر يستحق كل هالحب منك ..
موفق اخوي ..


احساس

__________________
[ ]

لا ابشرك الوضع تعدل اللحين وصرت افضل من اول بكثير وحتى الجميع لاحظ هذا وعرفوا اني امر بمرحله انفصال وقدروا الوضع لكن مع وجود بعض الملاحظات


الله يعطيك العافيه

هذي هي المشكله الاساسيه اللي احاول اتجاوزها واقنع نفسي اني ما ابيها ولا احبها


وفعلا كل شي يبرى الا جرح القلب الله يعوضني خير ان شاءالله

عافتني اسمعني وانا اخوك ولا تزعل من كلامي ولا تعتبره اتهام بالشرف

انا اقولك احتمال كبير البنت عينها على واحد من جماعتها ويمكن اهلها مايدرون عن الموضوع .

شوف اخوي انا قريت قصتك ومن خلال شخصية البنت :
1- دلوعه
2- جريئة وسبق انها اختلطت مع ابن خالها رغم انه مو محرم لها هذا من غير اللي ماتعرفه صار من وراك .

3- تتاكد كيف بعد طلاقك لها بمجرد زواجها بسرعة فاعرف ان الامر دبر بليل .


البنت يمكن كانت محتارة بينك وبين خاطب او قريب لها والا انت بالله خبرني شفيك شي ينبغض

يارجل صلاة وتصلي

موظف وبمدينة كبيرة

دخلك جيد

هدايا اشكال والوان بوكيه ورد وقطه بالالاف


يارجل لو بنت ماعمرها عرفت احد كان تعلقت فيك وجننتك باتصالاتها

ولاحظ علشان ماتظلم البنت هذا مجرد احتمال

صدقني عافتني اخوي كثير من الطلاقات تحدث بسبب اعجاب البنت بكريزما معينة او مواصفات معينة تجذبها لغير شريكها ..


انت ماعندك خبرة بالنساء بس انورك وانت طلبت المشورة

مالاحظت ان الاخصائي النفسي قالك افسح المجال لغيرك ؟؟؟؟ ماقلك فارقها او طلقها او حاول معها

كلامه يحمل مغزا كبيرا لمن يفهمه


تحياتي لك واللي بدايته كذا ينعاف تاليه

مقتنع بكل حرف كتبته وهذا الذي تبادر لذهني

كتبت الي في بالي ولا خسرتني حبر :14:

__________________
إن بعض القول فن ، فاجعل الاصغاء فناً ..
>> المعرف لرجل <<