المشاركة الأصلية كتبت بواسطة ملكة الآحساآآس

الله يرده لك ردآ جميلا

باعلمك واتمنى تستفيدين لك ولغيرك

عندي عميله وتخيلي عندها ملاييين ملاييين

بس ماتقدر تسحب ريال المحكمه قضت بعدم سحب ولا ريال حتى يكبر جميع ابنائها باعتبارهم الورثه
لانها غير مؤهله

الملايين سببت لها اكتئاب وتطور حتى صار ثنائي القطب وانفصام بسيط بالشخصيه

لما قرات وبحثت بحالتها الي فهمته انها كانت بمشاكل مع زوجها وتحاسبه حتى بالتحركات
وتمن عليه عطيتك سويت ووو
لين ماامل منها وجاب زوجه معها بنفس البيت وقال لها
خذي فلوسك وملايينك وعيشي فيها
وانا مع هالحرمه الي بتقدرني وتضرب لي حساب مع سوء حالتي

قالت ماني طالعه ظنت نفسها قويه
وظلت معهم وشافت الزوجه الثانيه زادت بدلالها ودلعها لزوجها وزوجها حبها وووو
المهم تطول السالفه ماتحملت ومرضت

عالجوها حتى عملوا لها جلسات كهربائيه
ووصلت الى حد لايامنونها على نفسها

واودعوها احدى الدور

ولدها قابلته هو الي حكى لي القصه

قلت له امك عندها ملايين وحاطينها بدار تزوج واشتري فلتين لك وحده وامك جيب لها ممرضه وخدامه وطباخه

قال فلوس امي محجوره حتى يبلغ اصغر واحد السن القانوني


الحين لما تصحى لنفسها تجيني

وتقول الله يخليك زوجيني اخوك واعطيه فلوسي
شوفي وين ودتها الفلووس

لو تشوفين حال عيالها يرثى له

تقول لي بنتها لو ترجع امي عشر سنوات ماسوت الي سوتها

المشاركة الأصلية كتبت بواسطة أحبه حبيبي

إن شاءالله .. يعني حتى لا ارسل انتبه والله يحفظك؟

المشاركة الأصلية كتبت بواسطة مبتعثة متفائلة

لا
انا بقول رايي ومتاتمنه عليه
والي مو عاجبه كيفه لايقرى ردي ولا يرد عليه
زوجك غلطان وانتي غلطانه

والف مشكله قريناها لك بنفس السيناريو
تجين مدرعمه الله يحفظك وبعدين تلينين وتبين نمدح زوجك عشان تبادرين وتراكضين وراه
وتراضون وبعد فتره ينفتح موضوع مالي وصدام مادي ونرجع لنفس السيناريو
والخوات الي يقولون تخببين ومدري ايش
مايفهوا مع احترامي لهم خلفيات الموضوع
احبه اخت غاليه علي
وقاريه مشاكلها وعارفتها من دخلت المنتدى
ولا اقدر العب عليها بكلمتين واطيب خاطرها
لازم تعرفين وضعك والي لك وعليك
ومش الامور الماليه
لان هالموقف غذا عالجتيه كويس
ممكن يكون باذن الله اخر مشكله لك
انا رايي تثقلي وينقرص زوجك
ويعرف غلطته
وانتي عرفناك غلطاتك وما يحتاج نكرر نصايح البنات
وكلام بادي صحيح انتي وزوجك تتخبطو
وسبحان الله كلكم من نفس الطينه
هذي فرصه تحطي النقط على الحروف وتصكري باب هالمشاكل وتندفن للابد
اذا بتعالجينه مثل المرات السابقه
انا جاي اوكي حبيبي يله
ونلتقي مع مشكله جديده
كذا ماطبنا ولا غدا الشر

المشاركة الأصلية كتبت بواسطة ملكة الآحساآآس

استودعناك الله

وليشهد علي الله اني مسامحه اي شخص اخطاء علي

مبتعثه لك كل تقديراتي واحتراماتي

وليس بيننا ثار او قضيه في محكمه من منا سيفوز

في امان الله

المشاركة الأصلية كتبت بواسطة أحبه حبيبي

اوك حبيبتي كيف برأيك اضع النقط على الحروف؟
يعني الحين هو جاي بكرة كيف تبيني اتصرف معهاه بالحرف؟

المشاركة الأصلية كتبت بواسطة مبتعثة متفائلة

عشان كذا اقول لك اختاري عضو رجل ثقه

انا بالنسبه لي
1- ماعاد تجيبي طاري اهلك بشر ابد بالعكس امدحيهم دايم عنده
2- خليكي غامضه من ناحيه تعاملاتك الماليه واستقلاليتك
3- اذا عطيتي لا تتمني ابد ابد
4- كلمي زوجك دايم باسلوب ودلع وحنان وكيد نسا
5- مو اي زعل يبين بوجهك وتتوسلي العاطفه خليكي ثقيله و راكده ومبتسمه
6- خلاص مو بتبني البيت وتحطي باسمك وقسط السباره متفقين عليه معناتها اموركم الماليه مترتبه بينكم ما يحتاج تعيدي وتزيدي كل شويه بهالموضوع
7- حبي حمولتك وعامليهم كويس ولاتغاري من اخواته واهله
8- لا تراسلينه الحين الى ان يراسلك وهذي قرصه الاذن الي اشوفها عشان يعرف حجم غلطته
والله يسخركن لبعض

المشاركة الأصلية كتبت بواسطة أحبه حبيبي

لاحول ولاقوة الا بالله .. عندنا بالغربية في السعودية يقولو عن الفلوس انها وسخ دنيا .. وهي بالفعل وسخ دنيا .. والله لدرجة اقول ليتني ماكنت موظفة وعندي راتب مع ان المال نعمة لكن احنا بتصرفاتنا نخليه نقمه .. تدرين ان زوجي مرة قلت له عن اخوي لان زوجته مشترطه انها تتوظف اذا جاتها وظيفتها قلت له ان اخوي كان يرفض يتزوج موظفة قالي والله انه صادق .. قلت له صح في ازواج متعبين مايصلح لهم زوجة موظفة .. سألني وقالي وأنا كيف؟ قلت لا انت مافي زيك ومن جد والله مافي مثلك تراعي وظيفتي وتساعدني في البيت الله لايحرمني منك .. وقتها ابتسم..

الخلاصة فعلا المادة مو كل شيء وراح اسطر هالجملة في عقلي وفي قلبي للابد ان شاءالله..