انا احترت انتو متهاوشين والا تلعبون على بعض شويه تتكلمون عادي شويه زعلانين

هو شغل اطفال

ياخي خلك مع البليغ ولاترد

عذرا انا امرأه واحسك شخص ضعيف بقراراتك

خلاص مصروف يوصلها لا تطبح الميانه معاها

زوجتك متى مابغت تكلمك وترجع عادي كلمتك ومتى ما طق براسها سوت نفسها زعلانه وجلست تفتح معك مواضيع الاهل

اتمنى تاخذ من دهائها شويه

خلك صاااامل شوي طنشها اقل شيء شهر وشوف

ان شاء الله تترسل مو بوكيه بس الا كل يوم هديه

الهدف :تعرف قيمتك وتحس انها ممكن تفقدك وتفقدك

وانا سبق وقلت لك طلبتها واخذتها من ابوها واخوها ارررررجع لابوها واخوها وتكلم معهم

انتهى الكلام معاها انت رجل روح واجه الرجال وخذ زوجتك حقك وحلالك

__________________
ان لم تستطع التفاؤل ،،
فلا تخبر أحدآ أنك متشائم .

هل تعتقد وخي كذلك أن بوكيه ورد ب50 ريال كفيل بأنكم تتجاوزون موضوع :
خروجها من البيت + طلب الطلاق + كره أهلك ومقاطعتها لهم + تحقيرك وتحقير ماتعطيها من مصروف ..


بالنسبة لها الموضوع خلاص طيحت اللي برايها ووصلت لك فكرة باللي يصير أهلك ماتبغاهم ولا شيء ودعبت وأخذت ملابهسا والحين تبغى ترجع ولا كأن شيء صار

الكرة بملعبك الآن فلا نضيعها .. واستمر مع البليغ والرسمي لكم حاول تكون ثقل أكثر

بالفعل انا ماتجاوبت معها من امس وهي ترسل " انا تعبانه رجع لي الوحم - ممكن اروح المستشفي - تعال وديني - وهاذا الكلام اخر الليل وقت نومي )) ولا رديت طبعا .. الصباح لقيت منها اتصال واليوم ترسل ورد ..

بناء علي توجيه اخي البليغ .. رديت علي اتصالها (( وقلت لها شكرا عالورد )) ... وانهيت المكالمه بااسرع طريقه ..

ولكن الحين رجعت ترسل " حبيت اهديك هالورد سواء كملنا مع بعض او لا .. في النهايه ماراح يصير الا اللي ربي كاتبه .. والخيره لكل شخص .. انت هالايام صلي استخاره .. استخير الله ""

باين انها من النوع اللي يحب يلف ويدور كثير .. !!!!

اختي مارديت الا حسب افاده اخي البليغ .. بأن اول ماتوصل رساله او اتصال منها - اقولها شكرا عالورد وهاذا اللي صار وانتهي النقاش .. بس اتبعتها برساله اخري .. كتبتها بردي منفصل !!

حلو اللي عملته انك كلمتها ببرود وحاول انك تتجاهلها اكثر..
البعض يؤيد رايها في قطع علاقتها بأهلك لأنهم احيانا يسقطون واقعهم ويضعون انفسهم مكان زوجتك ولكن فكروا شوي في ابنائكم ضعوا انفسكم مكان الأم والأب..
اتخيلوا ولدكم اللي ربيتوه وحبيتوه وتعبتوا عليه.كبر وزوجتوه .. يجي في يوم ويقول لكم زوجتي تريد العلاقة رسمية! رجاء لاتكلموها وزيارتكم لبيتي في مواعيد محددة وش بيكون موقفكم؟! الصراحة احس هذا الشيء يجرح الوالدين كثيرا..

بعد رسالتها الاخيره .. اتصلت مررره اخرى .. ولم ارد عليها ابدا

صدقتي اختي والله لما اقرأ الردود اتأكد انها مشكلة جيل مو مشكلة زوجة الاخ صاحب المشكلة ..... تعتبر الزوج اصبح من ممتلكاتها الخاصه وﻻ يحق ﻻحد مشاركته فيه .... ﻻ حول وﻻ قوة الا بالله ام تعبت وربت وسهرت وتجي وحده تقول لها انت غير مرحب بك في بيت ابنك ..... و حبيت كﻻم الاخ رسمي بالفعل الاخت شغلتها تهون بس اﻻم ﻻﻻﻻﻻ مليون خط احمر تحت مكانتها

معاك حق اخت فلوجه وكل وحده تبرر سوء ادب الاخرى. يعني قلنا اذا اغلطوا عليك اهل زوجك كوني رسميه معاهم بس مو بهطريقه الوقحه انها تقوله عيني عينك مابي اهلك ولا ابي استقبلهم وبقاطعهم بشكل نهائي اصلا كيف تتجرأ فعلا هم يضحك وهم يبكي ومو بس الام بل حتى الاخت مو من حقها ابدا تقول لزوجها اذا جات اختك بيتك مابستقبلها والغريب ان فيه مؤيدين ومطبطبين ونسوا انهم بيوم بيكبرون وبيزوجون اولادهم

ليس اعجب من تصرفها حيال اهله إلا الذي يبرر لها وانه من حقها ان لا تستقبل اهله في بيتها
لا أرى أن أمه متسلطة أو تحب السيطرة سوى أنها أم وتحب راحة ولدها وأخطأت الأسلوب
وخطأها لايستدعي كل هذا , وطلب أهله منه أن يطلقها طلب طبيعي من أهل رأوا أن زوجة ولدهم لم تحترمهم أولا و أتعبت ولدهم ثانيا , أعتقد أن كل أم سيكون قلبها على ولدها في هذا الوضع
ولايوجد أم بالعالم تقف ضد ولدها و زوجته هذا تعاملها معها, يعني لو كانت تحسن لأمه وذات أخلاق معها أو تعاملها بالحسنى ربما تقف معها وتحاول اصلاح العلاقة بينها وبين ولدها أما زوجة حتى العزاء رفضت أن تعزي كيف يقفون معها أو يصلحون على الأقل.؟!
وحركات زوجته من الواضح أنها تريد إيصال رسالة له : أنا أريدك ولا أريد أهلك وتحاول أن تسحبه لها وتقطعه عن أهله.

ماالذي تريده هالانسانه !! ترسل ورد .. تتصل .. عشان تجس النبض على ارسال الورد .. بعدها ترسل رساله مفادها '' نكمل مع بعض او مانكمل مع بعض " بعدها تتصل .. بعدها ترسل لاتعليق .. انا معا اصدقك !!
سيناريو غريب عجيب ..

افدني ي ااخي الرسمي والبليغ