المشاركة الأصلية كتبت بواسطة ندى_1406 أنا مره شفت شيف على التلفزيون وكان عامل بيتزا أيطاليه وكانت الصلصه عباره عن طماطم وشوية كمون وفلفل أسود وملح واريجانوا وشوييية سكر وخلطهم بالخلاط وحطها على البيتزا دغري وبصراحه أعملها دايما بصراحه روووعه وأسهل من الصلصة العاديه

قبل كل شئ ، لا أحد يتريق علي .. أنا وحدة ما أعرف أطبخ ..
حتى يوم قريت موضوع هنا في المتزوجين ، متى أول مرة طبختي بعد زواجك..
استحيت أرد و أقول بعد سنتين .. و تستلموني ..

أمي الله يخليها لنا ، يوم كنت صغنونة و أرجع من المدرسة و الأبلة تعطينا درس في التدبير
أدخل المطبخ و أنا متحمسة أبغى أطبخ و أمي ما تخليني أدخل .. و أقوم أدخل من وراها و تطلعني برة
و ما تحب أحد يدخل معها المطبخ و تخاصمنا .. و إذا أصريت و رضيت و طلعت النتيجة خبيصة ،تقوم تذلني عليها و تتريق علي قدام الأقارب و تقارني بطبخها .. و أمي ماشاء الله عليها من عمرها 7
سنوات و هي في المطبخ تطبخ .. فمافيش وجه للمقارنة ، بس كنت طفلة و كنت أنجرح من أي
تريقة .. و قررت ما أطبخ خلاص ..

و هي تعترف لزوجي و تقول ما أحب أحد يدخل المطبخ معاي و حتى الشغالة أمي تطردها
من المطبخ وقت الطبيخ .. لها مزاج خاص في الطبخ و ماشاء الله كل مين ذاق طبخ أمي مدح فيه
حتى زميلاتي يتريقوا علي و على أخواتي، يقولوا خسارة أمكم كذا طبخها و ماتعلمتوا منها شئ ..

أول سنتين زواج ماعندي مطبخ و كانت عند زوجي ظروف و لخبطة في بداية زواجنا ..
فكنت أروح بيت أهلي و أكل من طبخ أمي ، لإني أعشق طبخها و زوجي يعشق طبخها كمان ..
أو غالبا المطاعم أو أكل من برة زوجي يجيبه ..

سافرنا للخارج و الحمد لله قلت يالله أشد حيلي و أطبخ فرصة، و الحمد لله تعلمت أشياء خفيفة من
نفسي صح مو هذاك الشئ .. بس أحسن من زمان و بديت أعرف أساسيات الطبخ و أنواع البهارات و
كذا .. و ما يتقارن مع طبخ أمي .. جات الشغالة و انشغلت أنا مع الدراسة و هي اللي تطبخ صارت و
أكلها مررررررررة ما يتاكل بس أحسن من أكل برة عالأقل ، لإنه هنا عندهم فيش أند شيبس وو غالي
أكلهم و مو طعم أبدا ..

الصراحة ، قلبي يتقطع على زوجي بس كنت من جددددد مضغوطة مع الدراسة ..
و تفرغت حاليا بنسبة أفضل من قبل .. فمشتاقة أطبخ و حاسة إني رجعت ما أعرف أعمل شئ ؟؟؟؟
أحس إني جاهلة في الطبخ ، و متضايقة من نفسي مرررررررة .. بس الحلو إذا تعلمت شئ بأضبطه
الحمد لله و بشهادة زوجي و حتى مرة زميلتي جات عندي مع بنتها و زوجها و أكلوا مكرونة اسباجيتي
عملتها و من يومها و هم يطلبوها مني و يقولوا ماعمرنا دقنا مثلها <- يعني فيا أمل

.. فما أعرف إيش أعمل في حالي ؟ لمتى راح نستمر كذا ناكل من برة و من أكل مطاعم
و إذا الشغالة راحت .. إيش راح أعمل ؟؟؟؟؟؟؟؟

بس أنا ما أحب أكل طبيخي ، ما أشتهيه ماعرف ليش ؟؟؟؟
و الشئ الثاني ماعندي ثقة في طبخي ، يمكن لإني أقارن دايما بطبخ أمي ؟
و أمي صار لها 60 سنة تطبخ ماشاء الله ، حتى إذا أخواتي طبخوا ، ما تاكل شئ مو من صنع يدها ..
أمي كذا لاحد يسألني ليه ؟

و بما إنه زوجي يعشق الرز و يحزنني إذا شاف صورة رز في النت ،، لعابه يسيل هههه ..
فما أعرف ليش الرز يطلع معاي و مع الشغالة برضو ، يطلع لاصق في بعضه ؟؟؟؟
مو زي الرز تبع أمي و أخواتي و لا زي الرز اللي في المطاعم ؟؟؟
مع العلم إنه البوتجاز تبعي بالكهرباء مو غاز .. يعني العين تاخد وقت لحد ما تحمى و العكس ..
هل نوعيةة الرز اللي نستخدمها لها دور ؟؟؟؟؟ يجي لاصق في بعضه
و أنا بأشتري رز بسمتي .. بس هناك أنواع بس مو مثل اللي في السعودية طبعا

أحد يساعدني .. و يوجهني ؟؟؟؟؟

* كيف أضبط الرز ؟؟؟؟ زي المطاعم ؟؟؟؟؟ و إيش السبب في إنه يطلع لاصق ؟؟؟؟
* كيف أبدأ أتعلم أطبخ و أعمل أشكال منوعة في الطبخ ؟؟؟؟

حتى يوم أروح السوبر ماركت ما أعرف أشتري غير بصل و طماطم وو رز و لحم هذه الأساسيات
لإن الرز أكل زوجي المفضل بكل أنواعه المهم من غير خضار ..

و أقوم من راسي أجيب أي خضار قدامي ، زي جزر أو باذنجان و بطاطس و كذا ..
من جدددددد مرات أطالع في الخضار و أقول ياربي ايش اعمل فيهم ؟؟؟؟
كيف أبدأ و أصير طباخة زي باقي الحريم ؟؟؟؟

المشاركة الأصلية كتبت بواسطة noora يووووه يارروح مشكلتك عوووييصة امزح امزح .. ان كان على الطبخات فالمنتدى ملياااااااااان بالطبخات الحلوة بس طبقي الصراحة أجرب مرات و ما تضبط المقادير .. و المشكلة في الرز .. عملت رز أم جمانة اللي بالسكر .. ضبط تقريبا بس الرز شكله مو حلو أبدا صاير ..؟؟؟؟ دام عندك حب الطبخ هذا بحد ذاته انجاز محسوبتك كانت تكره المطبخ و اول ما ادخل تجيني كتمة و احساس بالاغماء اتخيلي:|) بس الحمدالله الان طبخي صار مقاارب لطبخ امي الله يحفظها أتحمس أطبخ لزوجي بس في بيت أهلي الصراحة ما أحب أطبخ أي شئ .. لإنهم متعودين على طبخ أمي فيسببولي احباط .. لحد اليوم كلهم ، ما ينسوا أول مرة عملت رز في حياتي و يمكن لإن زوجي ماشاء الله دايما يمدح في طبخي فأصدق حالي فا ان شاء الله خلال شهور و مع القعدة بالبيت و دخول المطبخ يوميا 3 مرات بتصير مبدععععععة أي قعدة بيت يا حسرة ؟؟؟؟؟ بعد المشروع ، راح أبدأ إن شاء الله الدكتوراة 3 أو 4 سنوات و يتخللها فترة حمل بإذن الله .. كذا مخططة .. مافيش راحة .. بزي بزي بزي .. بس أنا نفسي أتعلم كل شئ في الطبخ و ما أحب أعتمد على الشغالة و كنت مضطرة قبل .. بخصوص الرز .. مادري من وين تشتريه . احنا نشتري اكياس كبيرة من عند المحلات العربية او الباكستانية اعتقد اسمه ليلى هو بسمتي و يطلع حلوووو جدا و مفرفر كل وحده بعيدة عنها اختها بس طبعا تنقعيه قبل الطبخ مو على طول تطبخيه ... يسعدك ياااااااااااااااااااااااااااارب .. و إن شاء الله ألاقيه .. لإنه ما عندنا محلات حلال غير محل واحد .. و أنا أجيب اللي من تيسكو ، و لون كيسه بنفسجي غامق.. أحسه أحسن الموجودين .. قولي لي يطلع معاك معجن و لا مش ناجح و لا كيف ؟؟؟ يطلع لي زي المعجن ، عرفتي اللي يكون متشرب موية ؟ مع إني جرببت أقلل الموية بس برضو .. و مرات علشان أخلي الحبات متفرقة ، يقوم القاع تبع القدر ينحرق ..؟؟؟؟ خبيصة بصراحة .. مرة وحدة ضبط شوي مو مرة .. يوم حطيته داخل الفرن و قصدرته .. و برضو انحرق من تحت شوي .. ولو بالمرة بالمرة مليتي قريبتي قالت لي عن الة خاصة للرز بالكهرباء تقول تحطي فيه الرز و عليه وقت و بعد كدا دقيقة يرن الجرس وتطفيه .. انا ما جربته صراحه بس هي تمدح فيه جدا تقول اخذته ب 20 من ارجوز .. بس اعتقد انه ينفع للرز الابيض اما الكبسة فاااالااااازم تضبطيه لحالك بدون مساعدات الية